Maki 6:41 - Buki Kimaasabaina

⁴¹ Ago berediyadi ainima be iyanayadi aiyuwo Yeisu sivini. Tuwo ikabidi, ikandolaga yábana goi, manudi ikauyagu Yaubada yaina. Ikavava, berediyadi ikivisidi, ina tovatotowanayao ivinidi bego sina sikaiguyauyedi bodayadi yaidi. Ikavava, iyanayadi nakae ikivisidi ivinidi sikaiguyauyedi.

Maki 6:41 ပူးပေါင်းရင်းမြစ်များ

Madiu 14:19

Tuwo moitamo kana kakabidi go, Yeisu boda ilovinaedi náuna goi situsobu. Ikavava, berediyadi ainima be iyanayadi aiyuwo Yeisu kai ina tovatotowanayao kavini. Tuwo ikabidi, ikandolaga yábana goi, manudi ikauyagu Yaubada yaina. Ikavava, ikivisidi, ivinima go, kai kakabidi kana kakaiguyauyedi bodayadi yaidi.

Madiu 15:36

Situsobu ikavava, berediyadi ainima aiyuwo be nakae iyanayadi ikabidi, manudi ikauyagu Yaubada yaina. Ikavava, ikivisidi, ivinima. E kai kakabidi kanavedi kakaiguyauyedi bodayadi yaidi.

Madiu 26:26

E kakakáika go, Yeisu beredi ikabi, manuna ikauyagu Yaubada yaina. Ikavava, ikivisi, kai ina tovatotowanayao ivinima idigo kana, ‘Moe wowogu nakae. Kokābi kokāni.’

Maki 14:22

E tauyadi sikakáika go, Yeisu beredi ikabi, manuna ikauyagu Yaubada yaina. Ikavava, ikivisi ina tovatotowanayao ivinidi go, idigo kana, ‘Moe wowogu nakae. Kokābi kokāni.’

Maki 6:40

Tuwo moitamo sina bodayadi sikiwotaidi go, gúguna tamo tamo situsobu, maniyedi andedi (100), maniyedi pipiti (50) nakae.

Maki 6:42

Tuwo tomota madabokidi sikáika gamodi.

Maki 7:34

Ikavava, ikandolaga yábana goi mana nuwokapisi ikalayawoi go, idigo kana, ‘Epapāta!’ Moe ana kaigavila kada, ‘Kutapōra!’

Maki 8:19

Boi tutayana beredi ainima goi tomota ainima tausani (5,000) avakanidi go, aivina valala ma bayaoidi kokatunokunoku?’ Tauyadi sidigo kadi, ‘Yawou aiyuwo.’

Luke 24:30

Niga áika goi taiyao siitusobu, Yeisu ikabi, manuna ikauyagu Yaubada yaina. Ikavava, ikivisi ikaiguyauye tauyadi yaidi goi.

Luke 9:16

E berediyadi ainima be iyanayadi aiyuwo Yeisu sivini ikabidi, ikandolaga yábana goi, manudi ikauyagu Yaubada yaina. Ikavava, beredi be íyana ikivisidi, ina tovatotowanayao ivinidi, e kidi sikabidi sina sikaiguyauyedi bodayadi yaidi.

Iyoni 11:41

E tuwo moitamo gurewayana sipuli. E iya go Yeisuyana matana idolaga ikawanoi idigo kana, ‘Tamagu, akauyagu yaim bego bogina kunovegu.

Iyoni 17:1

Moe livalayadi ilukavavedi, matana idolaga yábana goi ikawanoi Yaubada yaina idigo kana, ‘Tamagu, guna tuta bogina ima. Lovina boi bogina kuvinigu tomota madabokidi yaidi goi bego tomota liliudi bogina kuuvinigu yawoidi vata avinidi. Tauna im togaga ana yau Natum goi kuvagitakōe bego avagitakoe tomotayadi yaidi.

Iyoni 6:11

E berediyadi be iyanayadi Yeisu kavini ikabidi manudi ikauyagu Yaubada yaina. Ikavava, berediyadi ikivisidi, ivinima go, kai kakabidi kana kakaiguyauyedi tomotayadi siitusobu yaidi. Ikavava, íyana nakae iguinuwe. Ago tomotayadi sikáika nakonakae latuwodi.

Iyoni 6:23

Ego oga giyaidi maniyedi Tiberiyasi goi sima yoyowo tayamo goi sivaiu. Yoyowoyana moe boile Tomoya beredi manuna ikauyagu namlieta bodayadi sikáika go, kikina.

Guinuwa 27:35

E ibóbwara ikavava, ikabi liliuma matama goi ikauyagu Yaubada yaina. Ikavava, berediyana ikivisi ikáika,

Roma 14:6

Tauyadi idi nuwonúwana goi maliyalina maniyedi gagaidi siwowooinedi moe siwowoinedi bego ida Tomoya siwowoine. Tauyadi kaga liliuna ana tokáika nakae sikakáika bego ida Tomoya siiwowoine. Moe moitamo. Idi guinuwayadi goi sikaauyagu Yaubada yaina. Tauyadi awoinu kaka ana tokáika sikakáika bego ida Tomoya siiwowoine be nakae Yaubada yaina sikaauyagu.

1 Korinta 10:31

Tauna guna nuwonúwana ame nakae: Imi guinuwa madabokidi, nakona imi káika o imi nim o ava guinuwa koguuinuwe, moe Yaubada ana taimámina manuna koguuinuwēdi.

Kolose 3:17

Ago kaga liliuna koguuinuwedi, nakona kobobóbwara o nakona kopaaisewa, madabokiina komi Tomoya ana katumapuyao nakae koguuinuwēdi imi kauyagu nuwesina Yaubada Tamada yaina go, imi kauyaguyadi Yeisu bei italavaitedi Yaubada yaina.