Maki 5:7 - Buki Kimaasabaina

^7-8 Ivaatugúyala go, kina Yeisu ilatuwoko idigo kana, ‘Kom , koroto ame goi kusowōduwo!’ Nakae ibobóbwara go, dimoniyana niyana gagaina goi ipodeda, idigo kana, ‘Yeisu, kom Yaubada Tokanayatanatoina Natuna, yau guna polava moe geya kom im polava geya. Tuwo! Yaubada yoina goi akawanoi yaim bego geya kuyogedegedeguta!’

Maki 5:7 ပူးပေါင်းရင်းမြစ်များ

Aba Vatowo 3:15

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

Madiu 16:16

E Saimoni idigo kana, ‘Kom , Yaubada maa yawoina Natuna!’

Madiu 26:63

E kina go Yeisuyana iitugau. Kina go Tonúwala Tolagainayana idigo kana, ‘Yaubada maa yawoina yoina goi alovinaem: Kubōbwara moitamo. Neta kom moitamo , Yaubada Natuna, kulatuwokōima!’

Madiu 4:3

Ma logaaina go, kina Tovakakonayana ima idigo kana, ‘Kom moitamo Yaubada Natuna ae? Tauna gurewa ame kulovinaēdi bego simalakawoinu.’

Madiu 8:29

Sivalobode, e Yeisu yaina sipodeda sidigo kadi, ‘Kom Yaubada Natuna, kwalavēma! Kai ima polava moe geya kom im polava geya. Manakae? Lovina ana lava nava go, kom kuma bego kuyogedegedema ae?’

Maki 1:24

‘Yeisu guma Nasareta, yau guna polava moe geya kom im polava. Manakae? Kuma bei kai kumtulima ae? Kom taum bogina ayagoim. Kom , Yaubada goi kuma.’

Maki 14:61

Go kina Yeisu iitugau, geya tayaamo kaga ikatumapu. E kina Tonúwala Tolagainayana idigo kana, ‘Kom moitamo , Yaubada aba yapali Natuna?’

Maki 3:11

Go ava dimoniva neta tomota yaidi goi sikaaiyaka go, Yeisu sigite, e tomotayadi sikinagovedi, e Yeisu matana goi aedi sivatugúyala go, sipodeda, sidigo kadi, ‘Kom Yaubada Natuna!’

Maki 5:6

E Yeisu oga goi bogina isou go, korotoyana nava aduwanau goi ikandoiwo Yeisu igite, tauna ilokoina ima Yeisu matana goi aena ivatugúyala.

Luke 1:32

Moe Tauyana nava bei toolagaina, bei sivayoko Tokanayatanatoina Natuna. Tuwo tubuna Devida ina kalibúbuna Yauwe Yaubada nava bei ivadamane Tauyana goi

Luke 4:34

‘Iyaa! Yeisu guma Nasareta, yau guna polava moe geya kom im polava. Manakae? Kuma bei kai kumtulima ae? Kom taum bogina ayagoim. Kom , Yaubada goi kuma.’

Luke 6:35

Go sem komi imi kaleyayao komatakoiyēdi be kovaitēdi be nakae kotagonēdi imi mani sikatoguyedi go, taabu konuuwonūwana itoboine bei sikatumapu. Neta nakae koguuinuwe, ami vaiwówana bei gagaina be nakae komi Tokanayatanatoina natunao unana tauyadi tokaipopóita be toogoyoidi iyabobonedi. Tauna neta imi sinapu nakae koguuinuwe, e komi imi sinapu bei Tokanayatanatoina nakae.

Luke 8:28

Tuta liliuna dimoniyana koroto ikiinagove. Tuwo tomota siyoisi, seni sikabi korotoyana nimana be aena siyowóidi. Ikavava, siiyause go, tuwo seniyadi ikiguyalidi. Ikiguyalidi, e kina dimoniyana ikinagove isiya ina yoyowo goi ikaaiyaka. E tutayana Yeisu oga goi isou, korotoyana ikandoiwo Yeisu igite, tuwo ipodeda be nakae ima Yeisu matana goi aena ivatugúyala. Tuwo Yeisu dimoni ilovinae koroto goi bego isowóduwo go, kina korotoyana niyana gagaina goi idigo kana, ‘Yeisu, kom Yaubada Tokanayatanatoina Natuna, kai ima polava moe geya kom im polava geya. Akawanoi yaim bego geya kuyogedegedeguta.’

Iyoni 20:31

Ego ava kaba kinana buki ame goi aaginidi, moe bego itoboinemi konumisa bego Yeisu moe , Yaubada Natuna go, imi numisayana pasina imi spwagógana Yeisu taiyao goi maa yawoimi vau.

Guinuwa 16:17

E ame tauyana iketoiya Paulo be nakae kai isakurikuuriyema go, tuta liliuna ipodeda idigo kana, ‘Ame korotoyadi yaubada tokanayatanatoina ina pakonayao. Yava ana kenao tayamo sitaalavaite yaimi.’

Guinuwa 19:13

E Diyuu maniyedi nakae sikaaiyaka, tauyadi dimoni ana tovatapiyayao go, sivanibiníbita asa tamo tamo goi sipooikíkina bego Tomoya Yeisu yoina goi dimoni sivatapiye sidigo kadi, ‘Tauyana Yeisu, kina Paulo itaalavaite, yoina goi kalovinaem kusowōduwo!’

Guinuwa 8:36

E enao goi sinonoina, bwae sibabane, tuwo yunikayana idigo kana, ‘Kwandosōbu. Bwae gotono! Manakae? Avatau itoboine sayóyova ivagagalakoigu? Geya ae?’ ‘U. Nakae’, Pilipo kaena.

Roma 16:20

E Yaubada, Tauyana tuboina unana, giyakainava bei Kaleya ivavetevete, tuwo ivasobusobuye sobuyekoida goi. Ida Tomoya Yeisu ina kanuwóiya bei ikaaiyaka yaimi.

Iberiu 2:14

E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

Iberiu 7:1

Moitamo. .

Yemesa 2:19

Kom kuunumisa bego Yaubada tayamo toito; moe dedevina toina. Ago nakae siinumisa bego Yaubada tayamo toito go, madi matoita sitátava, unana idi numisa kaka tauna geya ivaitedita! Amo aba gitayana goi tayagoi numisa be guinuwa siituyuwo go, numisa kaka geya ivaitedeta.

2 Pita 2:4

Moitamo liuna bei sibabane. konuwaisidi? Boi nimatu sigoyo go, Yaubada geya inuwokapisiyedita, go sem ilavedi sisou masi mamaniiwonina Taratarasi goi. Tonoko goi iyoisikaavatedi adi takínona manuna.

1 Iyoni 3:8

Go avatauwa neta sinapu goyo siguuinuwe, tauyadi ina bodao unana poyapoya ana madágina goi go, ima ame tuta Totagiwayayana toogoyoina. Yaubada Natuna ima poyapoya ame goi unana ame: Bego Totagíwaya ina guinuwa ikausaolidi, e sikavava.

Yuda 1:6

koonuwēdi. Boi maniyedi toinidi sikilagasidi, e idi kaba lovina geya siyoisikavateyeta, go sem idi kaba kaiyaka dókana sikalave. Tauna aba kaiyaka kokonótuya goi Yaubada iyoisikavateevataedi. Amoko goi sikaaiyaka ana kadókana takínona ana maliyalina gagaina bei lovina moumouna sibabane.

Nuwogau 12:12

Tauna komi yábana ana tokaiyakoyao kouyāwana! Totagíwaya mana egamogamogu gagaina bogina isou iwo komi poyapoya be négwasa adi tokaiyakoyao yaimi. Bogina iyagoi ina tuta ikakupi bego itoboine ipaisewa. Tauna komi poyapoya be négwasa adi tokaiyakoyao ami toovalugo!’