Maki 5:22 - Buki Kimaasabaina

²² Ikaaiyaka go, ana tolovina tayamo yoina Yairo ima Yeisu igite, matana goi aena ivatugúyala

Maki 5:22 ပူးပေါင်းရင်းမြစ်များ

Madiu 2:11

Tuwo sina vadayana goi sisiu, gomanayana sigite sinana Meri taiyao. Sigite, aedi sivatugúyala, sisakululu gomanayana yaina. Sisakululu ikavava, idi esaesa dedeogaidi sikatupaevedi go, idi yabobona sikabidi, sikasaledi gomanayana yaina. Yabobonayadi moe , aidekoko sisina be alovamamaina sisina.

Maki 5:33

E kina go vavinayana bogina iyagoi ana boboina maine ibabane, tauna mana matoita be mana tátava ima Yeisu matana goi aena ivatugúyala, e dogoiyana madabokina italavaitedokoidi.

Maki 5:38

Ivataoduwedi tolovinayana ina vada goi sinove taodi be táiya gagaina.

Luke 13:14

Go kina aba tugugunayana ana tolovina gamona igoyo unana moe Sabati goi Yeisu ikidedevina. Tauna boda ilatuwokoidi idigo kana, ‘Maliyalina ana badabada ainima tayamo sikaaiyaka itoboine bei kita tapaaisewa. Tauna amo maliyalinayadi goi kōma bego ami kidedevina kobabane go, maliyalina tayamo goi taabu kopaaisēwa; maliyalinayana moe Sabati.’

Luke 5:8

E Saimoni Pita igite kaga iisowóduwo, tuwo Yeisu matana goi aena ivatugúyala idigo kana, ‘Tomoya, yau koroto toogoyoigu, tauna kwalavēgu.’

Luke 8:28

Tuta liliuna dimoniyana koroto ikiinagove. Tuwo tomota siyoisi, seni sikabi korotoyana nimana be aena siyowóidi. Ikavava, siiyause go, tuwo seniyadi ikiguyalidi. Ikiguyalidi, e kina dimoniyana ikinagove isiya ina yoyowo goi ikaaiyaka. E tutayana Yeisu oga goi isou, korotoyana ikandoiwo Yeisu igite, tuwo ipodeda be nakae ima Yeisu matana goi aena ivatugúyala. Tuwo Yeisu dimoni ilovinae koroto goi bego isowóduwo go, kina korotoyana niyana gagaina goi idigo kana, ‘Yeisu, kom Yaubada Tokanayatanatoina Natuna, kai ima polava moe geya kom im polava geya. Akawanoi yaim bego geya kuyogedegedeguta.’

Guinuwa 13:15

E aba tugugunayana ana tolovinayao sitaoya, goi be tokabivalavala idi buki goi sikatuyaividi. Ikavava, livala sietune ina Paulo be Banabasi yaidi sidigo kadi, ‘Semao, neta livala kipaaiwolina latuwomi tomota kolatuwokoidi, e dedevina; kotaoya tomota yaidi goi kobóbwara.’

Guinuwa 18:17

E boda madabokina sitaoya, aba tugugunayana ana tolovina Sositeni siyoisi, aba takínona ana kaba tusobuyana matana goi silaui go, ame guinuwayana manuna Galiyo geya inuwonuwoneta.

Guinuwa 18:8

E Kirisipo amo aba tugugunayana ana tolovina go, mana bodayauwo liliudi sinumisa Tomoya yaina. Tuwo da Korinta badabadaidi nakae tutayana valena sinove, sinumise be nakae adi sibabane.

Nuwogau 22:8

Yau amo dogoiyadi madabokidi anovedi be nakae agitedi. Go tutayana bogina anovedi nakae agitedi, anerose ivatuulukoigu aena goi aegu avatugúyala yaina asakululu.