Maki 4:41 - Buki Kimaasabaina

⁴¹ Tauyadi simatoita gagaina go, taudiva sibobóbwara kadi, ‘Iyaa! Ame ava koroto? Yágira be aivaya niyana sikabiikaone?’

Maki 4:41 ပူးပေါင်းရင်းမြစ်များ

Madiu 14:32

Ibóbwara ikavava, oga goi sisowoya go, yagirayana idaúmwara.

Madiu 8:27

E kidi go korotoyadi sikainaopa kadi, ‘Iyaa! Ame ava koroto? Yágira be aivaya niyana sikabiikaone?’

Maki 4:40

Go ina tovatotowanayao ilatuwokoidi idigo kana, ‘Kaga komatoitae? Manakae? Nava geya konumisedokoiguta ae?’

Maki 5:1

kidi bogina sitadámana sina da Gerasine idi kaolao goi sivaiu.

Maki 5:33

E kina go vavinayana bogina iyagoi ana boboina maine ibabane, tauna mana matoita be mana tátava ima Yeisu matana goi aena ivatugúyala, e dogoiyana madabokina italavaitedokoidi.

Maki 7:37

Go tomota ina guinuwa sigite, sikainaopa gagaina sidigo kadi, ‘Iyaa! Ina guinuwa madabokina dedevina! Tauyadi taiyadi patupatudi ikidedeevinedi bei sinowo, nakae tauyadi maedi simoumou ikidedeevinedi bei sibobwara dókana.’

Luke 4:36

Tomota madabokidi sikainaopa, taudiva sidigo kadi, ‘Iyaa! Ame kaga isowóduwo? Tauyana mana lovina be mana togaga dimoni iloviinaedi go, moitamo sisowóduwo!’

Luke 8:25

E Yeisu ilatuwokoidi idigo kana, ‘Imi numisa nako?’ E kidi madi matoita sikainaopa taudiva sibobóbwara kadi, ‘Iyaa! Ame ava koroto? Yágira be nakae aivaya ilovinaedi niyana sikabiikaone?’

Iberiu 12:28

E tauna goi tasiusiu geya iikuneta, go sem ikaiyako vata. Tauna takauyāgu Yaubada yaina go, ida kauyaguyana goi mada wowoina be mada matoita tataimámina Yaubada yaina nakae bei iuyaone.

Nuwogau 15:4

Yauwe, kom im sinapu kiboobosidi bogina kukaiwoduwedi tomota yaidi. Tauna tomota liliudi bei sima sisakululu yaim. Tauna avatau bei geya imatoitemta? Geya! Kom amta . Tauna avatauwa bei geya sitaimaminemta? Geya!’