Maki 4:39 - Buki Kimaasabaina

³⁹ Tuwo itaoya yágira be aivaya ilovinaedi idigo kana, ‘Tuwo! Kudaūmwara!’ Tuwo yagirayana ilakapuwe nakae Bwaeyana ikadaúmwara gagaina.

Maki 4:39 ပူးပေါင်းရင်းမြစ်များ

Tateta 14:16

Go kom im kaituko kuyosāle Négwasa Kayakayaina yatanaina goi gobe negwasayana kukiwotāi aiyuwo, e bei kom nakae Isileli tubunao itoboinemi poyapoya sayasayaina goi kovadamane kona.

Tateta 14:22

Tuwo kai Isileli tubunao poyapoya sayasayaina goi kavadámana go, negwasayana vaboda gagaina nakae kekelima be nakae kakataima goi.

Madiu 8:26

Go kina ibowoidi idigo kana, ‘Kaga komatoitae? Komi geya konumisedokoiguta!’ E tuwo itaoya, e yágira be aivaya ilovinaedi sisayata. Sisayata, e yagirayana ilakapuwe nakae Bwaeyana ikadaúmwara gagaina.

Maki 4:38

Kina go Yeisu oga valemli goi ikaaiyaka, dabana logédava goi iyato bogina ikanaamatáiya. Tuwo ina tovatotowanayao sima siwoini sidigo kadi, ‘Tovatulúkwana! Manakae? Geya kunuwonuwoneta bego tavailai?’

Maki 9:25

E Yeisu boda igitedi silokoina simamaima, tauna dimoniyana ilovinae idigo kana, ‘Kom pasim gómana maena imoumou nakae taiyana patupatuna, tauna alovinaem kukalavevatāe, e geya tuwaina kusiusīu!’

Luke 4:35

Go kina Yeisuyana ilovinae idigo kana, ‘Tuwo! Kumaigāumo be koroto yaina goi kusowōduwo!’ Tuwo dimoniyana koroto ikinagove, tomota matadi goi ilave isou poyapoya go, korotoyana yaina goi isowóduwo ina. Go kina korotoyana geya ivailaita.

Luke 4:39

Tuwo ibala ina vavinayana goi isakululu, e ina katówana ilovinae idigo kana, ‘Tauyana kwalāve.’ E mainao atowanayana ikalave. Ikavava, itaoya ina avadi ivaidede.

Luke 8:24

E tauyadi sima Yeisu siwoini sidigo kadi, ‘Tomooya, tomooya, giyakainava bei tavailai!’ E tuwo itaoya, yágira be aivaya gagaidi ilovinaedi sisayata. Sisayata, e yagirayana ilakapuwe nakae Bwaeyana ikadaúmwara.