Maki 4:38 - Buki Kimaasabaina

³⁸ Kina go Yeisu oga valemli goi ikaaiyaka, dabana logédava goi iyato bogina ikanaamatáiya. Tuwo ina tovatotowanayao sima siwoini sidigo kadi, ‘Tovatulúkwana! Manakae? Geya kunuwonuwoneta bego tavailai?’

Maki 4:38 ပူးပေါင်းရင်းမြစ်များ

Madiu 22:16

Tuwo tauyadi idi ina bodao sietunedi sima Yeisu yaina sidigo kadi, ‘Tovatulúkwana, bogina kayagoim bego kom moitamo be nakae Yaubada ina kenao kuvatulukwana dókana. Kom tomota geya kutagonedita nuwom sikobale. Moitamo. Tomota kuwowooinedi geya adi kaigigita goi geya; nakae madabokidi sivavasa yaim.

Madiu 8:25

Ago ina tovatotowanayao sima siwoini sidigo kadi, ‘Tomooya, kutāoya kuyavēda! Giyakainava bei tavailai!’

Maki 4:37

Sikailova sinonoina go, ulibomatu gagaina ikalisou Bwaeyana goi itowo. Tuwo aivaya siseulalágata, e ogayana bogina sivakayaaodei.

Maki 4:39

Tuwo itaoya yágira be aivaya ilovinaedi idigo kana, ‘Tuwo! Kudaūmwara!’ Tuwo yagirayana ilakapuwe nakae Bwaeyana ikadaúmwara gagaina.

Luke 8:24

E tauyadi sima Yeisu siwoini sidigo kadi, ‘Tomooya, tomooya, giyakainava bei tavailai!’ E tuwo itaoya, yágira be aivaya gagaidi ilovinaedi sisayata. Sisayata, e yagirayana ilakapuwe nakae Bwaeyana ikadaúmwara.

Iyoni 4:6

Ego amoko goi Yakobo ina doelu ikaaiyaka. E tuwo kama doeluyana goi Yeisu etoiya bogina ilausi, tuwo doeluyana aubodaina yatana goi itusobu iwaiwasi. Moe bogina dine.

Iberiu 2:17

Moe pasina tauna itoboine Tauyana kaga liliuna goi imalatomota kita senao nakae bego ietonúwala toolagaina nuwokaapisina be Yaubada ina paisewa liliudi manudi, e bei kita ina bodao ida goyo inuwolidi.

Iberiu 4:15

Moe itoboine. Kita mada Tonúwala Toolagaina go, geya kada Tonúwala Toolagaidi liliudi nakae geya. Kidi Tonuwalayadi liliudi geya itoboinedita ida neneta silotowoidi. Go sem kita ida Tonúwala ida nenetayadi ilotowoidi. E Tauyana vakakona liliudi kita nakae bogina ibabanedi go, geya ina goyomo.

1 Pita 5:7

Tauyana ilokayasida, tauna imi nuwokubukubu madabokina nimana goi koyāto.