Maki 4:24 - Buki Kimaasabaina

²⁴ E tuwaina Yeisu kana, ‘Korugwausīmi kaga konove yau yaigu bego kokabikaone. Nakonakae guna vatulúkwana konovedoko, e nakae Yaubada nanamsa tuwaina ivinimi go, nanamsayana bei ivaituwe yaimi.

Maki 4:24 ပူးပေါင်းရင်းမြစ်များ

Madiu 7:2

Moe moitamo. Nakonakae tomota kotakinoidi kidi toogoyoidi, e Yaubada nakae bei itakinoimi komi toogoyoimi. O kada, “Nakonakae imi guinuwa tomota yaidi, e Yaubada nakae bei iguinuwe yaimi.”

Maki 9:7

Niga gaota isowóduwo iumaidi go, gaotayana goi níyana tayamo sinove, idigo kana, ‘Ame Natugu, guna kakaya. Tauyana konōve!’

Luke 8:18

Tauna korugwausīmi manakaemi guna livala konove bego kokabikaone. Ame moitamo. Avatauwa neta guna livala sinoovedoko, nanamsa tuwaina Yaubada bei ivinidi. Ago avatauwa neta livalayana sinooveyamo, ava nanamsa tauyadi sinuwonuwone ikaaiyaka yaidi, Yaubada bei .’

Iyoni 10:16

Guna sipi maniyedi ituli sikaaiyaka. Moe tauyadi guna kali goi tuta ame geya sikaiyaketa. Itoboine akabidi amedi bei niyagu sinove be madabokidi sieboda tayamo, yau adi torugwáuta.

Iyoni 10:27

Guna sipiyao niyagu sinovenove, e yau ayaagoidi, tauna sisabokuuliyegu.

Iyoni 5:25

Guna bóbwara moitamo, tauna ame alatuuwokoimi konōve: Tuta tayamo imamaima o tadigo kada, “Bogina ima” bei tomota neta balomaidi kaamasidi, e Yaubada Natuna niyana bei sinove go, neta sikabikaone, yawoidi vau bei sibabane.

Guinuwa 17:11

Ego ame Diyuuyadi Bereya goi taagonaidi; geya kada Diyuu Tesalonáika goi nakae geya. Diyuuyadi Bereya goi madi yala Tomoya Valena siuyaone ame nakae: Maliyalina tamo tamo goi Gínina Kimaasabaidi sikatuyaaividi sinuwonúwana; latuwodi sigitedoko Paulo ina livala moitamo gea geya.

2 Korinta 9:6

E guna masi ame: Avatau neta ibaguli giyaina, idibayoyoi giyaina. Avatau neta ibaguli gagaina, idibayoyoi gagaina.

Iberiu 2:1

E Natuna gagaina namlieta . Moe pasina tauna itoboineda Natunayana ina livala tanuwokavatedi, govila bei tasuláiga.

1 Pita 2:2

Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.

1 Iyoni 4:1

Guna kaloyao, ame tutayana polapola badabadaidi bogina siisowóduwo poyapoya ame goi. Tauna taabu tomota tamo tamo idi vatulúkwana kouyaaonēdi tutayana kadi, ‘Kai ima livala Yaubada Balomaina goi ima.’ Go sem kodovaatusīdi be koogitēdi neta Yaubada Balomaina goi sima o geya.