Maki 4:11 - Buki Kimaasabaina

¹¹ Tauyana idigo kana, ‘Yaubada nanamsa bogina ivinimi bei itoboinemi ina nuwogau manuna koyagoi. Go avatauwa neta nava Yaubada ina kalibúbuna goi geya sisiuta, e kaga liliuna livalakaibala goi sinovedimo, tauna geya siyagoiyeta.

Maki 4:11 ပူးပေါင်းရင်းမြစ်များ

Madiu 11:25

Tuta amo goi Yeisu ikawanoi idigo kana, ‘Tamagu, kom yábana be poyapoya idi Tomoya. Guna guinuwayadi adi yagoina bogina kuvamoudi kidi madi nanamsa be madi yagoina yaidi goi go, kidi gogómana nakae yaidi goi guna guinuwa adi yagoina bogina kukaiwoduwedi. Tauna ayapaliyem.

Madiu 13:16

E komi sem matami goi kogita be nakae taiyami goi konowo, tauna ami dedevina bogina kobabane.

Madiu 16:17

E kina Yeisu idigo kana, ‘Saimoni, Iyona natuna, moe tomota geya sivatulukoimta, go sem Tamagu guma yábana ivatulukoim. Tauna am dedevina bogina kubabane.

Maki 3:23

Go Yeisu iduduwedi sima livalakaibala goi ivatulukoidi idigo kana, ‘Manakae? Kaleya bego toinina ina bodao ivatapiyedi? Neta nakae iguuinuwe, bei ineneta.

Maki 4:10

Tutayana Yeisu ina bóbwara isayata go, anetava ikaaiyaka, e ina tovakitaunayao be kidi yawou aiyuwoyadi taiyao sima Tauyana yaina goi ina livalakaibala manudi silumadádana.

Maki 4:2

Tauyana vatulúkwana badabadaidi ivatuulukoidi go, madabokina moe livalakaibala goi. Ina vatulukwanayana goi idigo kana,

Luke 8:10

E Yeisu kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go tomota liliudi kaga liliuna livalakaibala goi sinovedimo. Moe bego tayamo ina livala imalatomota, kana, “Sigitagita go, geya sigitadokoneta. Sitaiiyakeka go, geya siyagoiyeta.” Aiseya 6:9-10

1 Korinta 4:7

Avatau ivayokoimi komi toosakimi? Geya! Ava kaiguyau yaimi goi Yaubada geya ivinimita? Geya! Geya tayaamo aiguyau toinimi kokabi, go sem madabokina Tauyana ivinibesoimi. Tauna komi manakae kouyawana gagágasa nakae neta geya ivinibesoimita?

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

Epeso 1:9

ina nuwogau ikaiwoduwe yaida nakae latuwona. Amo nuwogauyana boi mainao ilosinapu bei Guyau goi iguinuwe.

Kolose 4:5

Mami nanamsa koketooiya dōkana tomota geya sinumiseta yaidi goi. Taabu imi tuta kokavaavalūge, go sem imi tuta tamo tamo adi toboine guinuwa dedevidi koguuinuwēdi.

1 Tesalonáika 4:12

Neta yawoimi moe nakae, e tauyadi geya sinumiseta imi sinapu sigite, bei siwowoinemi be nakae geya tayaamo kaga kokiseyeseye geya.

1 Timoti 3:7

E aiyuwoina tauyana valena itoboine dedevina tomota geya sinumiseta yaidi goi, govila bei sitagiwoi be nakae Totagíwaya ina síkwana goi ikona.

1 Iyoni 5:20

E nakae taayagoi Yaubada Natuna bogina ima be nakae nanamsa bogina ivinida bego Tauyana mooitamoina taayagoi be nakae Tauyana taiyao bogina taspwagógana. Tauyana moe Natuna Yeisu . Ame Tauyana Yaubada mooitamoina be nakae yawoida vata unana.