Maki 3:5 - Buki Kimaasabaina

⁵ Tuwo Yeisu mana egamogamogu imatavilavila go, nuwona imou gagaina idi dabakasa pasina. Tuwo itugavila korotoyana ilatuwoko idigo kana, ‘Nimam kuyosāle!’ Tuwo moitamo nimana iyosale go, bogina idedevina.

Maki 3:5 ပူးပေါင်းရင်းမြစ်များ

Aba Vatowo 6:6

Igitedi, mana nuwomou ina madágina manuna nuwona ikatuvilavila, e pasina mana kategeda gagaina gamona igoyo.

Madiu 12:13

Tuwo itugavila korotoyana ilatuwoko idigo kana, ‘Siyagu, nimam kuyosāle!’ Tuwo moitamo nimana iyosale go, bogina idedevina, nimana aiyuwoina nakae.

Maki 3:4

go, Yeisu itugavila, Parisiyadi ilatuwokoidi idigo kana, ‘Manakae? Itoboineda Sabati goi tavaita gea tayogedageda? Tomota yawoina tayave gea takaumate?’ Kidi go Parisiyadi situgau.

Luke 13:15

Go kina Tomoyayana idigo kana, ‘Komi tamogemogemi! Komi tamo tamo Sabati goi kona imi bulumakau be imi kotaaligeidi idi vada goi konavedi kovanimdi ae?

Luke 17:14

Yeisu igitedi, ilatuwokoidi idigo kana, ‘Kōna yaidi goi kovagitakoēmi bei siyagoi sakavaimi bogina simavada.’ Tuwo moitamo sinonoina go, enao goi sakavaidi bogina simavada.

Luke 6:10

Tuwo imatavilavila madabokidi yaidi goi go, itugavila korotoyana ilatuwoko idigo kana, ‘Siyagu, nimam kuyosāle.’ Tuwo moitamo nakae iguinuwe go, korotoyana nimana bogina idedevina.

Iyoni 9:7

idigo kana, ‘Kūna Siloam bwaena nikuunikuna goi matam kunikīdi.’ Siloamyana ana kaigavila moe vamoléyana. E tuwo tauyana ina matana inikidi ikavava, ina ina kasa goi go, itoboine igita.

Roma 11:25

Moitamo bei isavimneidi. Segowo, geya latuwogu bego Yaubada ina nuwogau ame kotamogemogeye, govila bei mami nuwatue toinimi imi nuwonúwana goi konuwonúwana komi tonanamsa. Nuwogauyana ame nakae: Bego Isileli tubunao maniyedi yaidi goi dabakasa ikaaiyaka ana kadókana Totuyoyowo adi duduwo bogina ikavava.

2 Korinta 3:14

go sem dabadi sikasa. Moitamo. Boi nimatu ima ame tuta Yaubada ina kanasiuna bogo sikaatuyaivi go, tayamo taboda Mosese ina tabodayana nakae nava ikaaiyaka yaidi nuwodi itaabodedi. Tabodayana ikaaiyaka unana ida spwagógana taiyao pasina tauna bei itauwe go, kidi geya sinumiseyeta, tauna geya itauweyeta.

Epeso 4:18

Idi nuwonuwanayadi bogina sikamamaníwana be nakae yawana vau Yaubada goi imamaima yaidi goi bogina ituyoyowo unana idi dabakasa pasina Yaubada sitamogemogeye.

Epeso 4:26

‘Neta koegamogamogu, imi egamogamoguyana goi taabu kogoyogōyo.’ Same 4:4 Taabu koegamoogamōgu tuta maanawena, go sem namlieta baige níyala isaliu, imi egamogamoguyana bogina ikavava,

Epeso 4:30

Taabu imi guinuwa goi Yaubada Balomaina Kimaasabaina kokitaaitaīye. Balomayana moe Yaubada ina kaba kinana yaida goi bego kita Yaubada ina bodao tateta ana tuta manuna.

Iberiu 3:17

E avatauwa tala poti goi Yaubada iegamogamoguyedi? Tauyadi toogoyoidi boi yoyowo goi sikámasa ae?

Iberiu 5:9

Tuwo tutayana Yaubada ikimatuwe, Tauyana kita ana tokabikawanayao liliuda ada yava vata unana.

Nuwogau 6:16

Sitamumu, e koyayadi be gurewayadi silatuwokoidi sidigo kadi, ‘Yaubada be Lami idi egamogamogu ana tuta moumouna bogina isowóduwo ima. Geya vatau tayaamo itoboine liunayana goi itogaga, tauna kosōu kovamōuma Tolovina kebana esaaesaina goi itulaagalaga matana goi be nakae Lamiyana ina egamogamogu yaina goi.’