Maki 3:20 - Buki Kimaasabaina

²⁰ Niga Yeisu ikaluvila ina ina vada Kapaneumi goi go, aiyuwoina boda gagaina sitaligógana simamaima yaina. Tauna Yeisu mana tovatotowanayao geya itoboinedita siwaiwasi be sikáika.

Maki 3:20 ပူးပေါင်းရင်းမြစ်များ

Maki 1:45

E kina go korotoyana ina Tonúwala yaina iguinuwe nakae Yeisu ilatuwoko go, Yeisu ina sanaboda geya ikabikaoneyeta, go sem ina tomota yaidi ivatowo Yeisu ina guinuwa tetelina italavaite. Tuwo Tauyana valena isagayako. Tauna geya tuwaina itoboine asayadi sinaedi goi ivamaamaétala, go sem ina yoyowo goi ikaaiyaka. Go asa liliudi goi tomota simamaima Tauyana yaina.

Maki 2:1

Niga ikaluvilamna ina Kapaneumi goi go, maliyalina maniyedi sikavava, toni kasa sinove bego Tauyana bogina ima vada goi ikaaiyaka.

Maki 3:19

Tuwaina Yudasa guma Keriota; tauyana nava bei Yeisu inuwotuluye.

Maki 3:7

Yeisu ina ikabidi, amo asayana sikalave, siiwo sina Galili labutabutaina goi. Go boda gagaina sinove kaga liliuna Yeisu bogina iguinuwedi, tuwo sima Tauyana sisabokuliye. Bodayadi Galili goi, Yudiya goi, Yerusalema goi, Idumeya ana dadava goi be nakae kidi Iyoridani go, bomatu dadavina asaina madabokidi goi sima. Aiyuwoina maniyedi Taya be Saidoni kikidi goi sima.

Maki 3:9

Tuwo Yeisu ina tovatotowanayao ilatuwokoidi idigo kana, ‘Kewou kokābi kōme bei itoboinegu asowoya boda pasidi, govila bei bodayadi sivatuvagivagígina yau yaigu.’

Maki 6:31

Tauyana ilatuwokoidi idigo kana, ‘Dadava ame takalāve, tāna yoyowo goi giyaina amitava kowaiwāsi.’ Moitamo, kidi waiwasi geya. Boda gagaina sivaviilavila, tuwo ina tovatotowanayao geya itoboinedita siwaiwasi o sikáika nakae.

Maki 7:17

Tutayana Yeisu mana tovatotowanayao boda sikalavedi sina vada tayamo goi sisiu go, ina tovatotowanayao silumadade sidigo kadi, ‘Im livalakaibala kaga ana yagoina?’

Maki 9:28

Yeisu mana tovatotowanayao sina vada tayamo goi sisiu go, ina tovatotowanayaoyadi taudiva Yeisu silumadade sidigo kadi, ‘Kaga unana geya itoboinemeta amo dimoniyana kavatapiye isiya?’

Luke 6:17

Yeisu ivayokoidi ikavava, koya goi kidi taiyao sisou sima bútuma goi sitaoya. Amoko goi ina tovatotowanayao badabadaidi sikaaiyaka. Nakae boda gagaina Yerusalema goi nakae asa liliudi Yudiya ana madabokina goi sima sikaaiyaka. Aiyuwoina boda asa Taya be Saidoni négwasa kikina goi sima sikaaiyaka.