Maki 3:12 - Buki Kimaasabaina

¹² Go kina Yeisu ilovinaedi idigo kana, ‘Taabu kotaalavāita bego yau avatau.’

Maki 3:12 ပူးပေါင်းရင်းမြစ်များ

Madiu 12:16

Ikavava, ilovinaedi idigo kana, ‘Taabu kotaalavāita bego yau avatau.’

Madiu 8:4

Ago Yeisu idigo kana, ‘Kunōve. Am kimavadayana manuna geya vatau tayaamo kulaatuwōko, go sem kūna yaina goi kuvagitakōim, igitem bei ivayokoim kom bogina kumavada. Ikavava, im vininabeso yoguyogu kukasāle Yaubada yaina ada lovina boi Mosese iivinida tolepero adi kimavada manuna nakae. Moe aba kinana tomota yaidi sakavaim bogina imavada, e bei siuyaonemneim.’

Madiu 9:30

Tuwo matadi sikatupailala go, Yeisu ikatumatalidokoidi idigo kana, ‘Konovēgu. Geya vatau tayaamo kolatuwōko moe dogoiyana manuna.’

Maki 1:25

Go kina Yeisuyana ibove, idigo kana, ‘Tuwo! Kumaigāumo go, koroto yaina goi kusowōduwo!’

Maki 1:34

Tokatówana badabadaidi be tauyadi naagovaidi badabadaidi Yeisu ikidedevinedi. Ago dimoniyadi Yeisu bogina siyagoi, tauna geya itagonedita sibóbwara.

Guinuwa 16:18

E moe nakae maliyalina tamo tamo iguuinuwe. E Pauloyana bogina ikawowoteya gagaina. Tuwo itugavila go, dimoniyana ilatuwoko idigo kana, ‘Yeisu yoina goi alovinaem, tauyana goi kusowōduwo kusīya!’ E amo tutayana goi mainao isowóduwo.