Maki 2:1 - Buki Kimaasabaina

¹ Niga ikaluvilamna ina Kapaneumi goi go, maliyalina maniyedi sikavava, toni kasa sinove bego Tauyana bogina ima vada goi ikaaiyaka.

Maki 2:1 ပူးပေါင်းရင်းမြစ်များ

Madiu 4:13

Go Nasaretayana goi geya ikaiyakoita, go sem ina Kapaneumi goi ilokasa. Kapaneumiyana moe Galili Bwaena kikina go, Sebuloni tubunao be nakae Napatali tubunao idi kaba lovina sinaedi.

Madiu 9:1

Tuwo oga goi sisowoyamna sisaidámana sina toinina ina kasa goi sivaiu sisou.

Maki 1:45

E kina go korotoyana ina Tonúwala yaina iguinuwe nakae Yeisu ilatuwoko go, Yeisu ina sanaboda geya ikabikaoneyeta, go sem ina tomota yaidi ivatowo Yeisu ina guinuwa tetelina italavaite. Tuwo Tauyana valena isagayako. Tauna geya tuwaina itoboine asayadi sinaedi goi ivamaamaétala, go sem ina yoyowo goi ikaaiyaka. Go asa liliudi goi tomota simamaima Tauyana yaina.

Maki 2:2

Tuwo tomota badabadaidi sima vadayana goi situgúguna, tauna sinaena ikayaoda, e totom kikina nakae ikayaoda. Tomota sikaaiyaka go, Tauyana Yaubada ina vala ivatuulukoidi.

Maki 3:20

Niga Yeisu ikaluvila ina ina vada Kapaneumi goi go, aiyuwoina boda gagaina sitaligógana simamaima yaina. Tauna Yeisu mana tovatotowanayao geya itoboinedita siwaiwasi be sikáika.

Maki 7:17

Tutayana Yeisu mana tovatotowanayao boda sikalavedi sina vada tayamo goi sisiu go, ina tovatotowanayao silumadade sidigo kadi, ‘Im livalakaibala kaga ana yagoina?’

Maki 7:24

E Yeisu itaoya ina tovatotowanayao taiyao amo dadavayana sikalave go, sina Taya ana dadava goi. Amoko goi vada tayamo ibabane ana toboine ikaiyaka. Tuwo isiu go, geya latuwona bego tomota siyagoi vadayana goi ikaaiyaka. Go geya itoboineyeta bei isiugau,

Maki 9:28

Yeisu mana tovatotowanayao sina vada tayamo goi sisiu go, ina tovatotowanayaoyadi taudiva Yeisu silumadade sidigo kadi, ‘Kaga unana geya itoboinemeta amo dimoniyana kavatapiye isiya?’

Luke 4:23

Go kina Yeisu idigo kana, ‘Nakona livalakaibala ame bei kolatuwokoigu kami, “Kom tokidedevina, toinim kukidedevinēm. Kaga nakae kanove Kapaneumi goi bogina kuguuinuwe, ameko toinim im kasa goi nakae kuguinūwe.”’

Luke 5:18

Nakae go, koroto maniyedi topem ma liyaliyakaina sikavale sime. Sime sipoikíkina bego sisiuye Yeisu matana goi siyato

Iyoni 4:47

Ame tauyana livala inove bego Yeisu Yudiya Parovinisi goi bogina ima Galili Parovinisi goi. Tuwo itaoya ima Yeisu yaina ikawanoi kana, ‘Natugu koroto giyakainava bei ikámasa. Neta itoboinem, kusōu kūma tauyana kukidedevīne.’

Guinuwa 2:6

E butukawanayana sinove, tuwo sideli sima; latuwodi siyagoi kaga butukáona. Sima, tamo tamo toinidi niyadi sinovedi, tauna nuwodi siwówana.