Maki 16:10 - Buki Kimaasabaina

¹⁰ Amo Meriyana itaoya ina tauyadi boi Yeisu sivaakitau yaidi. Kidi nava madi nuwomou Yeisu manuna sitaitáiya go, ina ilatuwokoidi

Maki 16:10 ပူးပေါင်းရင်းမြစ်များ

Madiu 19:22

E kina tubuwauyana Yeisu ina livala inove, mana nuuwomou ina. Bogina kuyagoi. Tauyana konana badabadaidi go, nukotona iyoi.

Madiu 24:30

Amo tutayana bei Tomalatomota ina kaluvilamna ana kaba kinana yábana osasaina goi isowóduwo. Go amo tutayana bei boda liliudi poyapoya ame goi madi nuwomou sitáiya. Ago Tomalatomotayana bei sigite yábana geleoina goi imamaima ina togaga be nakae ina tomoéyala gagaina ana bei ivagitaakoedi.

Madiu 9:15

Go kina Yeisu idigo kana, ‘Neta nai ana káika goi tonai koroto nava yaimi ikaaiyaka, manakae? Nai ana toyokoyao itoboinedi bei madi sinuwomou? Geya ae? Go sem itoboinedi madi uyáwana sikakáika ae? E diyakímwana ana tuta nava imamaima. Amo tutayana tonaiyana bei siyoisi sinave namlieta baige tauyadi madi nuwomou sidiyakímwana.

Maki 14:72

E mainao kamkam sivayuwoina itáiya go, kina Pita Yeisu ina livala inuwopeye boi idigo kana, ‘Namlieta kamkam sivayuwoina itáiya, e kom bogina bei sivato kulawoiwoiyekoigu.’ Tuwo to itaiyamo.

Luke 24:17

E Yeisu kidi taiyao siiketoiya, idigo kana, ‘Kooketoiya kaga kovaateteli?’ Adi taiyuwo madi nuwomou sitaoya.

Iyoni 16:6

go sem nuwomou ivakayaodeimi unana moe dogoiyadi bogina alatuwokoimi. Taabu nuwomi imoumōu.

Iyoni 20:18

Tuwo Meri guma Magidara ima kai Yeisu ina tovatotowanayao yaima goi italavaita kana, ‘Ida Tomoya bogina agite!’ Kaga liliuna Yeisu ilaatuwoko nakae ilatuwokoima.