Maki 15:15 - Buki Kimaasabaina

¹⁵ E kina go Pailatoyana latuwona bego boda ivauyaonedi, tauna ina tovayaviyayao ilovinaedi Barabasi sitaligei bodayadi sivinidi. Ikavava, ina tovayaviyayao maniyedi ilatuwokoidi kana, ‘Yeisu kokābi, kodābi. Ikavava konāve bei kerose goi kotupatūko.’ Tuwo moitamo Tauyana sikabi sidabi.

Maki 15:15 ပူးပေါင်းရင်းမြစ်များ

Madiu 20:19

Sitakino ikavava, bei sikabi, nimadi goi siyato. Ago kidi Totuyoyowoyadi bei sivaponuponuye, sidabi be nakae kerose goi situpatuko ikámasa. Ikámasa go, maliyalina aitonina goi Yaubada ikaitáoe.’

Madiu 27:26

E tuwo kina Pailato ina tovayaviyayao ilovinaedi Barabasi sitaligei bodayadi sivinidi. Ikavava, ina tovayaviyayao maniyedi ilatuwokoidi idigo kana, ‘Yeisu kokābi, kodābi. Ikavava, konāve bei kerose goi kotupatūko.’ Tuwo moitamo Tauyana sikabi sidabi.

Maki 10:34

Ago kidi Totuyoyowoyadi bei sivaponuponuye, sigiwoli, sidabi be nakae sikaumate go, maliyalina aitonina goi bei itaoyamna.’

Maki 15:14

‘Go ame Tauyana ava goyo iguinuwe bei itoboine ikámasa?’ Pailatoyana kaena. ‘Kerose goi kutupatūko!’ bodayadi niyadi gagaina kaedi.

Luke 18:33

Niga sidabi ikavava, bei sikaumate go, maliyalina aitonina ámasa goi bei itaoyamna.’

Luke 23:16

Tauna bei adabiyamo namlieta ataligei yaimi goi.’

Iyoni 19:1

E amo tutayana goi Pailatoyana isiumna ina tovayaviyayao maniyedi ilatuwokoidi idigo kana, ‘Kōma kokābi, kodābi.’

Guinuwa 24:27

E nakae nakae siguuinuwe tala aiyuwo. E Pilikisiyana latuwona Diyuu ivauyaonedi, tauna Paulo ikalave deri goi ikaaiyaka. E tala aiyuwoyadi sikavava, Pilikisiyana isou go, ana katumapu itaoya. Ana katumapuyana yoina Posiyo Pesto.

Guinuwa 25:9

E kina go Pestoyana latuwona Diyuu ikanuwoiyedi, tuwo Pauloyana ilatuwoko idigo kana, ‘Paulo manakae? Kutagona bego tatuko tana Yerusalema goi bei maeko goi im kotu yau aguinuwe, gea tuwo?’

Galetiya 1:19

Go guna kaiyakayana amoko goi Yeisu ina vamoleyanayaoyadi liliudi geya agitedita. Ida Tomoya siyana toina Yemesa anetava agite.

1 Pita 2:24

Tutayana Yeisuyana kerose goi situpatuko, toinina wowona goi ida goyo ana liuna ilotowoidi bego ida goyoyadi yaidi takámasa go, ma kiboobosida taaketoiya. Tauna Tauyana ana kaipíyama kiyauna pasidi ida goyo goi kita tadedevina.