Maki 14:41 - Buki Kimaasabaina

⁴¹ Ikawanoi ikavava, sivatonina ikaluvila ina ina tovatotowanayaoyadi adi taito ibabanedi sikanaamatáiya. Tuwo iwoinidi go, idigo kana, ‘Manakae? Nava koomasisi be kowaaiwasi ae? Moe tuwo. Tomalatomota ina tuta bogina ima. Ana tonuwotulu bei toogoyoidi nimadi goi iyato.

Maki 14:41 ပူးပေါင်းရင်းမြစ်များ

Madiu 26:2

‘Komi bogina koyagoi maliyalina aiyuwo mlidi moe Basitáwana Aikanina ana tuta. Amo tutayana tomota tayamo bei itaoya, inuwotuluye ina kaleyayao yaidi goi bei kerose goi situpatuko.’

Maki 14:10

Tuwo Yudasa guma Keriota, tauyana Yeisu ina tayamo yawou aiyuwo yaidi go, tuwo itaoya ina Tonúwala Gagaidi yaidi bego Yeisu inuwotuluye.

Maki 14:18

Amoko goi situsobu sikakáika go, Tauyana idigo kana, ‘Ame dedevina taiyao takakáika go, ame alatuuwokoimi konōve: Koroto tayamo yaimi goi bei inuwotuluyegu. Tauyana taiyao kakakáika go, nava bei inuwotuluyegu!’

Maki 14:35

Ibóbwara ikavava, ivayavakova ikanakabobo go, ikawanoi Yaubada yaina goi neta itoboine ina gedageda ana tuta geya ibabaneyeta.

Maki 14:40

Niga sivayuwoina ikaluvilamna ima ina tovatotowanayaoyadi ibabanedi sikanaamatáiya. Bogina kuyagoi. Matadi inosedi gagaina. Iwoinidi go, odi imayamaya, tauna geya siyagoiyeta manakaedi bei sikatumapu. E Yeisu ivayava ina ikawanoi.

Maki 14:42

Kotāoya tāna. Kogīte; guna tonuwotuluyana bogina imamaima.’ Tuwo moitamo sitaoya go, ina tovatotowanayao ainima aito nakae iduduwedi sima.

Maki 7:9

Aiyuwoina idigo kana, ‘Komi koyagoidoko manakaemi Yaubada ina lovina kokataedi bego toinimi imi gulagula kokailagasidi ae?

Maki 9:31

Moitamo. Sinonoina enao goi ina tovatotowanayao ivatuulukoidi kana, ‘Nava bei tomota tayamo itaoya, Tomalatomota inuwotuluye tomota nimadi goi. Ikavava, bei sikabi sikaumate go, ina kaumatayana mlina maliyalina aitonina goi bei itaoyamna.’ Nakae ivatuulukoidi go, boda liliudi nakona bei sitainasi, tauna geya latuwona siyagoi ikaaiyaka.

Iyoni 12:23

E iya go Yeisuyana idigo kana, ‘ ina tuta bogina ima bego Tauyana ina kámasa goi Yaubada ina togaga ana káeyana ivagitakoe.

Iyoni 12:27

Tuwaina Yeisu kana, ‘Ame nuwogu taitáiya iuyoi. Go bei manakaegu? Kagu, “Tamagu, mou ame goi kuyavēgu”? Go moe nakae geya akawanoita, go sem ama bego ame mouyana alotowo.

Iyoni 17:1

Moe livalayadi ilukavavedi, matana idolaga yábana goi ikawanoi Yaubada yaina idigo kana, ‘Tamagu, guna tuta bogina ima. Lovina boi bogina kuvinigu tomota madabokidi yaidi goi bego tomota liliudi bogina kuuvinigu yawoidi vata avinidi. Tauna im togaga ana yau Natum goi kuvagitakōe bego avagitakoe tomotayadi yaidi.

Iyoni 7:30

E tauna kidi tomotayadi siipoikiki bego Yeisu siyoisi go, ina kámasa ana tuta nava, tauna geya vatau tayaamo ibisikone.

Iyoni 8:20

Yeisu ina livala amo iidigedi tutayana Vada Kimaasabaina ina kali goi tomota ivatuulukoidi vininabeso dedeogaidi kikidi go, Yeisu ina tuta nava, tauna geya vatau tayaamo iyoisi.

Guinuwa 7:52

Yaubada ina tokabivalavalayao ietunedi sina tubumiyao yaidi go, manakae? Adi taivina sivakaleyedi? Madabokidi ae? Aiyuwoina boi tokabivalavalayadi sitalavaita bego kina bei ima go, nakae tubumiyao sitaoya sikaumatedi. Ame tuta Tokibobwatayana ana tonuwotuluyao be nakae ana tokaumatayao moe tauna komi!