Maki 14:36 - Buki Kimaasabaina

³⁶ Ina kawanoiyana goi idigo kana, ‘, Tamagu, kaga liliuna ikakapu yaim. Tauna neta gedageda keigaina ame kukābi kunāve. Go sem yau geya guna nuwonúwana geya, go sem kom im nuwonúwana kuguinūwe.’

Maki 14:36 ပူးပေါင်းရင်းမြစ်များ

Aba Vatowo 18:14

Geya kada kaga tayaamo imou yau Yauwe yaigu. Moitamo guna upa bogina ayato bei akaluvila moe tukówana ainima aivasi sikavava nakae go, Sera bogina bei ivenátuna, natuna koroto.’

Madiu 26:39

Ibóbwara ikavava, ivayavakova ikanakabobo go, ikawanoi Yaubada yaina kana, ‘Tamagu, manakae? Itoboine bego gedageda keigaina ame geya ababaneyeta? Go yau geya guna nuwonúwana geya, go sem kom im nuwonúwana kuguinūwe.’

Madiu 26:42

Sivayuwoina ivayavamna ina ikawanoi idigo kana, ‘Tamagu, neta geya tayaamo enao ikaiyaka bego gedageda keigaina ame akalave, e bokoyo go tuwo im nuwonúwana bei aguinuwe; keigayana anim.’

Madiu 6:9

Tauna kokawanōi ame nakae kami, “Tamama guma yábana, yoim kakimasabe.

Maki 10:27

Yeisu iipotedi go, idigo kana, ‘Tomota yaidi goi moe geya itoboineyeta, go sem Yaubada yaina goi itoboine. Moitamo. Yaubada yaina goi kaga liliuna sikakapu.’

Maki 10:39

‘Itoboinema’, kaedi. E kina go Yeisu idigo kana, ‘Moitamo. Keigayana goi bei anim komi bei konim. Aiyuwoina gedagedayana bei alotowo, komi bei kolotowo.

Maki 14:37

Ikawanoi ikavava, ikaluvila ima ina tovatotowanayaoyadi ibabanedi sikanaamatáiya, tuwo iwoinidi, e Pita ilatuwoko idigo kana, ‘Saimoni, manakae? Kom kuumasisi? Manakae? Geya itoboinemta tuta giiyaina goi kuyauyáusa ae?’

Iyoni 12:27

Tuwaina Yeisu kana, ‘Ame nuwogu taitáiya iuyoi. Go bei manakaegu? Kagu, “Tamagu, mou ame goi kuyavēgu”? Go moe nakae geya akawanoita, go sem ama bego ame mouyana alotowo.

Iyoni 18:11

Go iya Yeisu idigo kana, ‘Im sisi ana piwa goi kwatusagemnēi! Manakae? Gedageda keigaina Tamagu iivinigu bei anim gea geya?’

Iyoni 4:34

E Yeisuyana kana, ‘Yau avagu moe bego guna Toetuna ina nuwonúwana aguuinuwe be nakae ina paisewa alukavave.

Iyoni 5:30

Yau geya tayaamo kaga toinigu guna nuwonúwana goi itoboinegu aguinuwe. Takinona nakae. Nakonakae Yaubada ilatuwokoigu, nakae atakínona. Geya latuwogu toinigu guna nuwonúwana aguinuwe, go sem latuwogu guna Toetuna ina nuwonúwana aguuinuwe. Tauna yau guna takinonayana moe kivaavasaina.

Galetiya 4:6

E komi be yau Yaubada natunao, tauna Balomaina bogina ietune ima isiu nuwoda goi ikaaiyaka, e mada uyáwana takawanoi makimaki Yaubada yaina kada, ‘, Tamagu!’

Pilipai 2:8

go, toinina inuwotokai ame nakae: Yaubada ikabikaonedoko go, ina kabikawanayana goi toinina ikasale ikámasa! Ego ina kamasayana kerose goi moe aba omayamaya!

2 Timoti 2:13

Neta kita geya aba numisa, e Tauyana nava aba numisa. Moitamo. Tauyana geya itoboineyeta toinina ina sinapu ilawoiwoiye.

Taito 1:2

Tauna guna kawoi pasina tauyadi silotuta yawoidi vata bei sibabane. Yawana vatayana boi nimatu tuta ana kaba vatowo goi Yaubada, Tauyana geya ipolapola, ikatotule bei ivinida.

Iberiu 6:18

Dogoiyadi aiyuwo goi, moe ina katótula be toinina yoina goi, geya itoboineyeta ipola. E ina yupunayana geya ikatuvilevileta bego kita, Tauyana yaina goi taatuvásala, itoboineda takatepatu bei kaga bogina ikaatotule talotutae bei iguinuwe.