Maki 14:18 - Buki Kimaasabaina

¹⁸ Amoko goi situsobu sikakáika go, Tauyana idigo kana, ‘Ame dedevina taiyao takakáika go, ame alatuuwokoimi konōve: Koroto tayamo yaimi goi bei inuwotuluyegu. Tauyana taiyao kakakáika go, nava bei inuwotuluyegu!’

Maki 14:18 ပူးပေါင်းရင်းမြစ်များ

Madiu 26:21

Kakakáika go, Tauyana idigo kana, ‘Ame dedevina taiyao takakáika go, ame alatuuwokoimi konōve: Koroto tayamo yaimi goi nava bei inuwotuluyegu.’

Madiu 5:18

U ame pasina ama go, ame alatuuwokoimi konōve: Yaubada ina Katukedayana goi geya tayaamo kaga giyaina bei itagau ana kadókana yábana be poyapoya sitagau be nakae ana kadókana kaga liliuna Atukedayana goi simalatomota dókana.

Madiu 6:16

E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi . U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 6:2

Tauna tutayana kovininabeso tookaidi yaidi, taabu kokimaamaētala. Moe nakae kidi todedevidi polapola idi sinapu ida kaba tugúguna goi be nakae enao goi siguuinuwe bego tomota sigitedi, e yoidi sikilagasidi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae.

Madiu 6:5

Tutayana kokawanoi, taabu todedevidi polapola kovatotoowonēdi unana kidi nuwodi ikabi aba tugúguna goi be nakae kedalalavi goi siitaoya sikawanoi Yaubada yaina bego tomota sigitedi. U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Maki 10:15

Ame moitamo, tauna ame alatuuwokoimi konōve: Avatauwa komi neta Yaubada ina kalibúbuna kouuyaone gogómana nakae, e itoboinemi alibubunayana sinaena goi kosiu.’

Maki 10:29

Yeisu idigo kana, ‘Moitamo kaga liliuna bogina kokalavedi go, ame alatuuwokoimi konōve: Avatau neta ina vada o senao o niunao o sinana o tamana o natunao o ina kaba lovina ikalavedi yau pasigu be nakae pasina,

Maki 14:17

Bogina kinanatau, Yeisu mana tovatotowanayao yawou aiyuwo sitaoya sima vadayana goi.

Maki 14:19

Tuwo kidi ina tovatotowanayaoyadi tamo tamo madi kategeda sidigo kadi, ‘Nakona yau?’

Maki 14:25

Moitamo nakae bei isowóduwo go, ame alatuuwokoimi konōve: Oine ame geya tuwaina bei animnim ana kadókana tutayana Yaubada itagonegu akalibúbuna namlieta baige oine vau bei anim.’

Maki 14:9

E moe nakae dedevina iguinuwe go, ame alatuuwokoimi konōve: Poyapoya ana madabokina goi nako sitaalavaite, e ina guinuwayana tetelina nakae bei sivateteli go, tauyana sinuwokavate.’

Maki 3:28

Moe pasina itoboinegu dimoni avatapiyedi go, ame alatuuwokoimi konōve: Tomota idi goyo liliudi be idi tagíwaya liliudi sivaatoidi adi nuwotao bei sibabane.

Maki 6:11

Go ava kasa goi kosiu, neta toni kasa geya siuyaonemita o imi livala geya sinovedita, e asa amo kokalāve go, tutayana kosowóduwo, e asayana kaukauna aemi goi kokatumaumāui. Moe imi katumátala tauyadi yaidi bego Yaubada itavileiyedi.’

Maki 8:12

Go Yeisu mana kategeda ikalayawoi idigo kana, ‘Tomota ame tomotayadi nakae manakae aba kinana siilusale? Moe sinapu igoyo go, ame alatuuwokoimi konōve: Yaubada geya tayaamo aba kinana bei ivinidi!’

Maki 9:1

Tuwaina idigo kana, ‘U, moe nakae bei isowóduwo go, ame alatuuwokoimi konōve: Tutayana mana togaga ima ina bodao ikaliibubudi, e komi maniyemi ameko kootaoya, nava bei maa yawoimi kogite.’

Maki 9:41

Kogita. Avatauwa neta bwae sivanimmi unana komi yoimi ina bodao go, neta ame tauna siguinuwe, e ame alatuuwokoimi konōve: Adi vaiwówana nava bei sibabane.

Luke 11:51

Nakae Ebeli ina kámasa ima Sakaraiya ina kámasa, Sakaraiyayana boi nimatu be Vada Kimaasabaina go, nauyayanaidi goi tubumiyao sikaumate. Ame alatuuwokoimi moitamo konōve: Tomota komi be nakae toogoyoidi komi nakae tokabivalavalayadi idi kámasa moe imi puwoya!

Luke 22:21

Go konovēgu. Guna tonuwotulu teboro ame goi ikaaiyaka mada kabivekoveko ikakáika yau taiyao.

Luke 4:24

E aiyuwoina idigo kana, ‘Moe nakae bei kodige go, ame alatuuwokoimi konōve: Yaubada ina tokabivalavala toinina ina kasa goi tomota geya siuyaoneyeta.

Iyoni 1:51

Tuwaina kana, ‘U nakae dogoi gagaidi bei kugitedi! Ame alatuuwokoimi konōve: Nava bei yábana kogite ikatupáeva go, Yaubada ina yaina goi.’

Iyoni 13:18

Ago abobóbwara geya komi madabokimi manumi geya. Komi akiinavemi yau bogina ayagoimi, nakae bogina ayagoi tayamo yaimi geya idedevineta, go sem ame itoboine ameko goi imalatomota; Gininayana idigo kana, “Tauyana bego siyagu taiyao kakakáika go, bogina ivakaleya yau yaigu.” Same 41:9

Iyoni 13:21

Ame Yeisu idigedi ikavava, nukotona taitáiya iuyoi, e ana tonuwotulu italavaite, idigo kana, ‘Nakae adige bei isowóduwo go, ame alatuuwokoimi konōve: Koroto tayamo yaimi goi nava bei inuwotuluyegu.’

Iyoni 13:22

Kai ina tovatotowanayao kamatavilavila toinima yaima, geya kayagoiyeta avatau manuna ibobóbwara.

Iyoni 13:38

Go iya Yeisuyana idigo kana, ‘Manakae? Bego kutagona yawoim kukasale manugu? Nakona moe im nuwonúwana go, ame alatuuwokoim kunōve: Kamkam geya itaiyeta ana kadókana sivato bei kulawoiwoiyekoigu.’

Iyoni 21:18

Nakae kuguinuwe go, ame alatuuwokoim kunōve: Boi tutayana kom tubuwau, toinim am gadíwana kusiko be kuuketoiya nako goi latuwom. Go nava tutayana bogina kukaitomoya, e nimam bei kuyosaledi go, ituli ta tomota be isikoidi namlieta inavem kuna nako goi geya latuwom.’

Iyoni 3:11

Moe aba kainaopa gagaina go, ame alatuuwokoim kunōve: Kaga kaayagoi kaabobore; kaga kagitegite katalavaite yaimi go, ima talavaitayana geya konumiseyeta.

Iyoni 3:3

Go iya Yeisuyana idigo kana, ‘Im bóbwara moitamo go, ame alatuuwokoim kunōve: Avatauwa neta geya sibibinamneta, geya itoboinedita bei sigite.’

Iyoni 3:5

Go iya Yeisuyana kana, ‘Moe moitamo go, ame alatuuwokoim kunōve: Avatauwa neta bwae goi be nakae goi geya sibibineta, geya itoboinedita Yaubada ina kalibúbuna goi sisiu.

Iyoni 5:19

E iya Yeisu ilatuwokoidi idigo kana, ‘Moitamo apaaisewa go, ame alatuuwokoimi konōve: Geya tayaamo kaga Yaubada Natuna itoboine toinina ina lovina goi iguinuwe, go sem kaga neta igite Tamana iguuinuwe Natunayana nakae iguuinuwe. Ame moitamo. Kaga neta Tamanayana iguuinuwedi, guinuwayadi Natuna nakae iguuinuwedi.

Iyoni 6:26

Yeisuyana idigo kana, ‘Komi kolusalegu moe moitamo go, ame alatuuwokoimi konōve: Komi koluusalegu geya kada aba kinana boi koogitedi pasidi geya, go sem boi beredi kokáika bogina gamomi pasina moe kolusalegu.

Iyoni 6:32

Go iya Yeisuyana idigo kana, ‘Moitamo awoinu yábana goi imamaima sikakáika go, ame alatuuwokoimi konōve: Iya Mosese awoinu yábana goi geya ivinidita, go sem yau Tamagu ivinidi go, awoinu mooitamoina yábana goi nakae bei ivinimi.

Iyoni 6:47

Guna bóbwara moitamo go, ame alatuuwokoimi konōve: Avatauwa neta sinuumisegu, bogina maa yawoidi vata.

Iyoni 6:70

Yeisu idigo kana, ‘Komi yawou aiyuwoyami, yau akinavemi go, tuwo tayamo yaimi goi moe .’