Maki 12:14 - Buki Kimaasabaina

¹⁴ E sima Yeisu silatuwoko sidigo kadi, ‘Tovatulúkwana, bogina kayagoim bego kom moitamo be nakae kom tomota geya kutagonedita nuwom siikobale. Moitamo. Tomota kuwowooinedi geya adi kaigigita goi geya, tauna geya kunuwonuwoneta tomota manakaedi sinuwonúwana im vatulúkwana manuna geya, go sem Yaubada ina kenao kuvatulukwana dókana. Tauna manakae? Itoboine kita tatakisi yaina gea geya? Manakaem kunuwonúwana, takisi tavini gea tuwo?’

Maki 12:14 ပူးပေါင်းရင်းမြစ်များ

Madiu 22:16

Tuwo tauyadi idi ina bodao sietunedi sima Yeisu yaina sidigo kadi, ‘Tovatulúkwana, bogina kayagoim bego kom moitamo be nakae Yaubada ina kenao kuvatulukwana dókana. Kom tomota geya kutagonedita nuwom sikobale. Moitamo. Tomota kuwowooinedi geya adi kaigigita goi geya; nakae madabokidi sivavasa yaim.

Madiu 22:17

Tauna kom im nuwonúwana takisi manuna kulatuwokōima. Manakae? Itoboine kita tatakisi yaina gea geya?’

Maki 12:13

E tuwo Diyuu adi tolovinao ina bodao sietunedi sima Yeisu bego ina livala goi sikatutao.

Maki 12:15

E idi pola bogina iiyagoi, tauna idigo kana, ‘Komi manakae bego kokatutaoigu! Mani tayamo kokābi kōme agite.’

Maki 14:45

Tuwo Yudasayana isowóduwo go, mainao iseivata ima Yeisu goi idigo kana, ‘Tovatulúkwana Toolagaim, uyagu!’ Ikavava, iyowoi.

Luke 20:22

Tauna manakae? Itoboine kita tatakisi yaina gea geya?’

Luke 23:2

E sima Pailatoyana goi sivatowo Yeisu siwowoko kadi, ‘Ame Tauyana kagitebabane ima boda ivasulaigidi ame nakae: Tomota isanabodedi geya sitakisita yaina. Aiyuwoina kanove idigo kana, “Yau tayamo.”’

Iyoni 7:18

Avatau neta toinina ina nuwonúwana goi ibobóbwara, tauyana toinina ana taimámina manuna iitokuma. Go avatau neta ana toetuna ina taimámina manuna iitokuma, tauyana moitamo. Geya tayaamo sinapu goyo tauyana yaina goi ikaaiyaka geya.

Roma 13:6

Moe pasina nakae tatakisi. Tauyadi Yaubada ana katumapuyao ikawoidi kita ada dedevina manuna go, yawoidi sikaasaledi ada rugwáuta manuna.

2 Korinta 2:17

Moitamo. Maniyedi totalavaita polapola madi váobuna Yaubada ina livala sitaalavaite. Go kai amo tauyadi nakae geya, go sem kai geya ima polamo kataalavaita. Kai ima spwagógana Guyau taiyao pasina katalavaita go, moe paisewayana Yaubada ikawoima bei matana goi katalavaita.

2 Korinta 2:2

Neta yau pasigu kokategeda, e geya vatau tayaamo yaimi goi ikaaiyaka bei ivauyaonegu ae?

2 Korinta 4:1

Moe pasina nukotoma geya itopeta unana ame ama kawoi Yaubada ina nuwokapisi goi inumisema ivinima kaguuinuwe, tauna nukotoma geya itopeta.

2 Korinta 5:11

Tauna, ida Tomoya ina mapuyana pasina ana matoita wowooinina bogina kayagoi, tauna tomota katamyabidi bego Yaubada sinoko. E kai Yaubada bogina iyagoima. Go alotuta bego komi nakae koyagoima.

2 Korinta 5:16

Tauna Tauyana ina kámasa pasina ame tuta ima sinapu ituli. Ame tuta be nakae tuta simamaima kai geya vatau tayaamo ana kaigigita goi bei kadovatusiye nakae da poyapoya siguinuwe. Boi mainao nava geya kayagoiyeta moe nakae Tauyana kadovatusiye bego Tauyana tomota besobeso go, ame tuta ima nuwonúwana ituli Tauyana manuna. Tauyana kayagoi Guyau.

Galetiya 1:10

Moitamo. Mae guna livalayadi kasakasaidi go, manakae? Tomota ataamyabidi gea Yaubada aatamyabi? Geya, komi tomota! Guna livalayadi goi latuwogu atamyabimi bego Vala Dedevina avatuulukoimi kosabokuliyemnei. Manakae? Guna livalayadi goi nava apooikíkina bego tomota avauyaonedi? Geya! Neta latuwogu guna livala goi tomota siuyaonegu, moe nakae yau geya kada geya!

Galetiya 2:6

E kidi go koroto gagaidiyadi Vala Dedevina yau ataalavaite geya sikatusavisaviyeta. Nakona tauyadi koroto gagaidi, nakona geya go, yau yaigu moe dogoi besobeso. Yaubada geya inuwonuwoneta tomota adi kaigigita manuna, go sem matana goi tomota liliuda tavavasa. E Vala Dedevinayana yau ataalavaite geya sikatusavisaviyeta,

1 Tesalonáika 2:4

go sem Yaubada bogina idovatusima inumisema bego Vala Dedevinayana katalavaite, e tuwo nakae katalavaite. Ago ima talavaitayana goi geya kada tomota kavauyaonedi geya, go sem latuwoma bego Yaubada, Tauyana nuwoma idovaatusidi, kavauyaone.