Maki 12:1 - Buki Kimaasabaina

¹ E idi tolovinayao ivatulukoidi idigo kana, ‘Koroto tayamo ina tánuwo goi iwodugu. Iwodugu ikavava, tanuwoyana sinaena vada aba yáusa tayamo maanawena iyowo ituko ina. Iyowo ikavava, koroto maniyedi itagonedi tanuwoyana sikatoguye go, niga dibayoya ana tuta oine keuwoina maniyena bei toni tánuwo siemaisi. Tuwo tokatoguyadi sikaaiyaka tánuwo sipaaisewa go, kina toni tanuwoyana itaoya ina ituli ta dadava.

Maki 12:1 ပူးပေါင်းရင်းမြစ်များ

Madiu 13:3

Iitusobu, vatulúkwana badabadaidi livalakaibala goi ivatuulukoidi idigo kana, ‘Ame konōve: Tobágula tayamo ina ina tánuwo goi kutukutuna isivagaegaedi.

Madiu 21:28

E aiyuwoina Yeisu ibobwaramna idigo kana, ‘E tétala ame konōve go, manuna konuwolelēu: Koroto tayamo natunao koroto adi taiyuwo go, ina ina botomoya ilatuwoko idigo kana, “Natugu, kutāoya, ame tuta kūna tanuina goi kupaisēwa.”

Madiu 21:33

Yeisu livalakaibala aiyuwoina ivinidi idigo kana, ‘Livalakaibala aiyuwoina konōve. Toni tánuwo tayamo ikaaiyaka. Ina tanuwoyana goi oine kaka ibaguli. Ibaguli ikavava, gurewa ikabidi tanuwoyana ana kali ikaudakodako. Ikavava, bobosiu ieli. Amoko goi oine ana iwodugu. Iwodugu ikavava, tanuwoyana sinaena vada aba yáusa tayamo maanawena iyowo ituko ina. Iyowo ikavava, koroto maniyedi itagonedi tanuwoyana sikatoguye go, niga dibayoya ana tuta oine keuwoina maniyena bei toni tánuwo siemaisi. Tuwo kidi tokatoguyadi sikaaiyaka tánuwo sipaaisewa go, kina toni tanuwoyana itaoya ina ituli ta dadava.

Madiu 21:34

E tutayana dibayoya ana tuta isowóduwo, toni tanuwoyana ina ietunedi sina tánuwo ana tokatoguyao yaidi goi bego tánuwo ana takona oine sikabidi simedi.

Madiu 25:14

Tuwaina Yeisu kana, ‘Moitamo koyāusa. Imi yausayana goi imi sinapu itoboine ame livalakaibalayana nakae: Koroto tayamo latuwona ina ituli ta kasa. Tuwo ina iduduwedi sima ina esaesa ivinidi sirugwausidi.

Maki 11:33

Tuwo Yeisu silatuwoko sidigo kadi, ‘Geya kayagoiyeta avatau ina lovina goi.’ Go kina Yeisu idigo kana, ‘Yau nakae, geya alatuwokoimita avatau ina lovina goi ame guinuwayadi aguuinuwedi.’

Maki 13:34

Moe nakae livalakaibala ame: Koroto tayamo latuwona ina ituli ta kasa. Tuwo ina tamo tamo idi paisewa ivinidi. Ikavava, ina vada totomna ana tomatakavata lovina ivini kana, “Kuyauyāusa!”

Maki 3:23

Go Yeisu iduduwedi sima livalakaibala goi ivatulukoidi idigo kana, ‘Manakae? Kaleya bego toinina ina bodao ivatapiyedi? Neta nakae iguuinuwe, bei ineneta.

Maki 4:2

Tauyana vatulúkwana badabadaidi ivatuulukoidi go, madabokina moe livalakaibala goi. Ina vatulukwanayana goi idigo kana,

Luke 15:13

Go maliyalina maniyedi sikavava, bogomaneyana ina toboda madabokina ikaigimone. Ikaigimone ikavava, ina mani ikabi, itaoya asa ikalave go, ina ituli ta kasa aduwanau goi. Amoko goi ikaaiyaka go, uyawana owáowana goi ina maniyadi madabokiina ikavavaluge.

Luke 19:12

Idi nuwonuwanayana pasina tauna Yeisu idigo kana, ‘Tayamo koroto tomoya go, ina kasa goi ikaaiyaka ikatubayasi bei ina ituli ta dadava tupwana aduwanau goi. Amoko goi tolovina gagaina bei asa ina kalibúbuna iyato tomoyayana nimana goi. Ikavava, bei ikaluvilamna.

Luke 22:9

‘Go nako goi latuwom kakatubayasi?’ tauyadi kaedi.

Luke 8:10

E Yeisu kana, ‘Yaubada nanamsa bogina ivinimi bei itoboinemi ina nuwogau ina kalibúbuna manuna koyagoi. Go tomota liliudi kaga liliuna livalakaibala goi sinovedimo. Moe bego tayamo ina livala imalatomota, kana, “Sigitagita go, geya sigitadokoneta. Sitaiiyakeka go, geya siyagoiyeta.” Aiseya 6:9-10

Guinuwa 7:38

Ame Moseseyana Isileli tubunao yoyowo goi taiyao situgúguna go, anerose Sainai koyaina goi tauyana ivadigo. Inove, e aneroseyana ina livala ikabivalevaledi, tubudao ivatulukoidi. Ame livalayadi moe Yaubada ina livala yáwana manuna Mosese ivini, e sima kita yaida.