Maki 11:18 - Buki Kimaasabaina

¹⁸ Ago kidi Gagaidi be Yaubada ina Katukeda ana tovatulukwanayao sinove Yeisu manakaena ibóbwara, tuwo enao siilusala bei manakaedi Tauyana sikaumate. Bogina kuyagoi. Tauyana simaatoite unana boda gagaina nukotodi sikabi. Moitamo. Ina vatulukwanayana pasina kidi boda madabokidi nukotodi siwowówana gagaina.

Maki 11:18 ပူးပေါင်းရင်းမြစ်များ

Madiu 21:15

E kidi Gagaidi be Yaubada ina Katukeda ana tovatulukwanayao maniyedi sikaaiyaka Yeisu aba kainaopa iguuinuwedi sigitedi. Nakae gogómana Vada Kimaasabaina ana kali goi idi duduwo sinovedi kadi, ‘Devida Tubuna takilagāsi!’ Tuwo gamodi igoyo,

Madiu 7:28

Tutayana Yeisu ina bóbwara ilukavavedi, e ina vatulukwanayana pasina boda sikainaopa,

Maki 1:22

Ina vatulukwanayana pasina boda sikainaopa, kadi, ‘Tauyana ina vatulúkwana geya kada kidi Yaubada ina Katukeda ana tovatulukwanayao nakae geya, go sem mana lovina ivaatulúkwana.’

Maki 11:32

Go sem neta kada, “Tomota goi”, e boda bei manakaedi?’ Ame tauyadi boda simatooitedi seki kaga bei sivekoidi. Bogina kuyagoi. Boda liliudi sinuwonúwana Iyoni moitamo toina tayamo.

Maki 12:12

Go kidi Gagaidi be Yaubada ina Katukeda ana tovatulukwanayao be Diyuu idi tomoyamoyayao enao siilusala bei Yeisu siyoisi go, boda simatoitedi. Moitamo. Tonuwalayadi, tovatulukwanayadi be tomoyamoyayadi bogina siiyagoi bego Yeisu ina livalakaibala goi iidigedi, e boda nakae bogina sinove, tauna nakona kaga bei sivekoidi. Go enao geya, tuwo Tauyana sikalave sina.

Maki 3:6

Kidi Parisiyadi sitaoya, aba tugugunayana goi sisowóduwo sina ina bodao taiyao silosinapu manakaedi bei Yeisu sikaumate.

Maki 6:20

Kina go Erodi mana wowoina Iyoni imatoite, tuwo imatakavate unana iyagoi tauyana be nakae kimaasabaina Yaubada umana. Erodiyana neta Iyoni ina livala inovedi, pasidi nukotona iwówana gagaina go, mana uyáwana tauyana itaiiyakeke. Tauna Erodiyasiyana enao geya ibabaneyeta bego Iyoni ikaumate.

Luke 19:47

Go maliyalina tamo tamo Vada Kimaasabaina ina kali goi Yeisu isiusiu ivaatulúkwana. E kidi go Gagaidi be Yaubada ina Katukeda ana tovatulukwanayao be tomota adi tomoyamoyayao sipooikíkina bego Yeisu sikaumate

Luke 2:47

E tomota liliudi sikaaiyaka Tauyana sitaaiyakeke, ina nanamsa be ina katumapu pasidi sikainaopa.

Luke 20:19

Tuwo Yaubada ina Katukeda ana tovatulukwanayao be Tonúwala Gagaidi enao siilusala bei Yeisu siyoisi tuta amo goi go, boda simatooitedi. Moe moitamo. Tovatulukwanayadi be tonuwalayadi bogina siiyagoi Yeisu ina livalakaibala goi iidigedi, e boda nakae bogina sinove, tauna nakona kaga bei sivekoidi.

Luke 4:22

Tuwo tomota liliudi Yeisu sikamoitamoe bego Tauyana todedevina be nakae ina livala Yaubada ina kanuwóiya manuna, e pasidi sikainaopa kadi, ‘Go ame Iyosepa natuna ae?’

Iyoni 7:1

Amo dogoiyadi sikavava, adi tolovinayao Yudiya goi siipoikiki bego Yeisu sikaumate, tauna geya latuwona amoko goi ivaníbita.

Iyoni 7:19

Yaubada ina nuwonúwana ikaaiyaka ina goi. Atukedayana Mosese boi nimatu tubumiyao ivinidi ae? Go moitamo geya vatau tayaamo komi yaimi goi ikabikaone. Atukedayana goi Yaubada aumata isanabode ae? Tauna kaga unana latuwomi kokaumategu?’

Iyoni 7:46

Kidi polisiyadi kadi, ‘Geya tayaamo koroto ina bóbwara amo korotoyana nakae!’

Guinuwa 24:25

E tutayana Paulo ivatétala kibóbwata, tomota toinidi idi kabikúnuwo be nakae Yaubada ina takínona ana tuta ina sowóduwo manudi, Pilikisiyana bogina imatoita, tauna idigo kana, ‘Ame tuta kom kūna. Ava tuta itoboinegu, bei aduduwemneim kuma kuvatetalamna.’