Maki 10:32 - Buki Kimaasabaina

³² E Yeisu mana tovatotowanayao situko sinonoina Yerusalema manuna go, enao goi Yeisu ivakumgo inonoina. Kidi ina tovatotowanayaoyadi siyagoi Yeisu latuwona ina Yerusalema, tauna nukotodi siwówana. Ego boda Yeisu mlina sisabookuliye simatoita. E enao goi sinonoina go, Yeisu ina tovatotowanayao yawou aiyuwo aiyuwoina aditava iduduwedi sima, ilatuwokoidi kaga kaga bei siisowóduwo yaina.

Maki 10:32 ပူးပေါင်းရင်းမြစ်များ

Madiu 11:25

Tuta amo goi Yeisu ikawanoi idigo kana, ‘Tamagu, kom yábana be poyapoya idi Tomoya. Guna guinuwayadi adi yagoina bogina kuvamoudi kidi madi nanamsa be madi yagoina yaidi goi go, kidi gogómana nakae yaidi goi guna guinuwa adi yagoina bogina kukaiwoduwedi. Tauna ayapaliyem.

Madiu 13:11

E Tauyana idigo kana, ‘Yaubada nanamsa bogina ivinimi bei itoboinemi ina nuwogau manuna koyagoi. Go bodayadi geya ivinidita bego siyagoi.

Maki 1:27

Tomota madabokidi sikainaopa, tauna taudiva silumadadedi, sidigo kadi, ‘Iyaa, ame manakae? Vatulukwana vau mana lovina! Dimoni nakae ilovinaedi go, Tauyana sopana sikabiikaone!’

Maki 4:34

Lava liliuna livalakaibala kaka goi boda ivatuulukoidi, go sem ina aditava yaidi livalakaibalayadi itaaligeidi.

Luke 10:23

Yeisu itugavila ina tovatotowanayao aditava ilatuwokoidi kana, ‘Avatauwa sigite kaga komi matami goi bogina koogitedi, e adi dedevina bogina sibabane.

Luke 19:28

Moe livalayadi Yeisu idigedi ikavava, inonoina Yerusalema manuna, ina tovatotowanayao mlina goi siiketoiya.

Luke 9:51

E Yeisu ina tuta bego Yaubada ikabi itukoe ina yábana giyakainava isowóduwo, tuwo ina nuwonúwana iyato bego inonoina Yerusalema manuna.

Iyoni 11:16

E tuwo Tomasi, tauyana youyuwoina , ilatuwokoima idigo kana, ‘Kita nakae Tauyana taiyao tāna Yudiya goi bego Tauyana taiyao takámasa.’

Iyoni 11:8

Go kai tovatotowanayama kadigo kama, ‘Tovatulúkwana Toolagaim, ame tuta sipooikíkina bego gurewa goi sikaumatem go, manakae? Bego aiyuwoina kukaluvilamna kuna amoko goi?’