Maki 10:14 - Buki Kimaasabaina

¹⁴ Go kina Yeisu igitedi, gamona igoyo, idigo kana, ‘Gogomanayadi taabu kosanaabodēdi, go sem kotagonēdi sima yaigu. Tomota nuwotookaidi ame tauyadi nakae sinaena goi bei sisiu.

Maki 10:14 ပူးပေါင်းရင်းမြစ်များ

Aba Vatowo 17:7

Guna kanasiunayana akamoitamoe bego ikaiyako vata kom ma natumowo nakae tubumowo be yau yaida. Yau bei im Yaubada go, nava bei tubumowo idi Yaubada.

Madiu 18:10

Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi tuta liliuna Tamagu guma yábana matana goi sikaaiyaka. [

Madiu 18:4

Tauna avatauwa neta sinuwotokai ame gomanayana nakae, e tauyadi toolagaidi Yaubada ina kalibúbuna sinaena goi.

Madiu 19:14

Go kina Yeisu kana, ‘Gogomanayadi taabu kosanaabodēdi, go sem kotagonēdi sima yaigu. Tomota nuwotookaidi ame tauyadi nakae Yaubada ina kalibúbuna sinaena goi bei sisiu.’

Madiu 5:10

Avatauwa komi neta tomota sivakaleyemi imi kibóbwata pasina, e komi Yaubada ina bodayauwo bei ikalibubumi. Tauna ami dedevina bogina koobabane.

Madiu 5:3

‘Avatauwa komi balomaimi goi kootokai, e komi Yaubada ina bodayauwo bei ikalibubumi, tauna ami dedevina bogina koobabane.

Maki 3:5

Tuwo Yeisu mana egamogamogu imatavilavila go, nuwona imou gagaina idi dabakasa pasina. Tuwo itugavila korotoyana ilatuwoko idigo kana, ‘Nimam kuyosāle!’ Tuwo moitamo nimana iyosale go, bogina idedevina.

Maki 8:33

Go kina Yeisu itugavila ina tovatotowanayao igitedi go, Pita ibove, idigo kana, ‘Kom nuwom geya kuyatoeta Yaubada ina nuwonúwana goi, go sem nuwom kuyato tomota idi nuwonúwana goi. Tauna kom im guinuwa Kaleya nakae. Kūna mligu goi kusabokuliyēgu!’

Iyoni 3:3

Go iya Yeisuyana idigo kana, ‘Im bóbwara moitamo go, ame alatuuwokoim kunōve: Avatauwa neta geya sibibinamneta, geya itoboinedita bei sigite.’

Iyoni 3:5

Go iya Yeisuyana kana, ‘Moe moitamo go, ame alatuuwokoim kunōve: Avatauwa neta bwae goi be nakae goi geya sibibineta, geya itoboinedita Yaubada ina kalibúbuna goi sisiu.

Guinuwa 2:39

Moitamo. Boi Yaubada ikatótula Baloma Kimaasabaina manuna. Ame atotulayana moe komi manumi, natumiyao manudi be nakae kidi aduwanau goi manudi. Moe avatauwa neta Yauwe ida Yaubada iduduwedi toinina yaina.’

Guinuwa 3:25

Yaubada Guyau ietune ima komi be kai yaida goi nakae ina tokabivalavalayaoyadi sopadi goi ikatotule. Aiyuwoina boi tubudao ikanasiukoidi, e moe nakae komi be kai ikanasiukoida tutayana Eberamo ilatuwoko idigo kana, “Nava boda liliudi poyapoya ame bei siyagoi tubumyana goi .” Aba Vatowo 22:18

Roma 11:16

E aba gita tayamo aguinuwe bei koyagoi Yaubada ina bodao Diyuu bei iuyaonemneidi. Dibayoya ana tuta goi kai Diyuu ima kakauvetevete parawa kaodugu. Moe kakabi bego kagabu go, parawayana kanaapoivina giyaina vakuumgoina kakimasabe Yaubada umana. E moe nakae parawayana madabokina kimaasabaina Yaubada umana. Nakae neta alova lamna kimaasabaina Yaubada umana, e laonina nakae kimaasabaidi Yaubada umana. Ana yagoina moe Yaubada boi nimatu Diyuu ima tomoyamoyayao gagaidi iuyaonedi, tauna ame tuta nakae kita tubudiyao iuyaoneda.

Roma 11:28

Nuwonúwana aiyuwo sisowóduwo. Kidi Diyuuyadi sikatae, tauna kidi Yaubada ina kaleyayao go, moe Totuyoyowo adi dedevina manuna. Aiyuwoina Diyuuyadi kina Yaubada ikinavedi ina bodao, e imatakoiyedi boi tubumao pasidi.

1 Korinta 14:20

Segowo, taabu imi nuwonūwana Baloma Kimaasabaina ina kaiguyau adi kaikauna manudi gogómana nakae, go sem latuwogu imi sinapu goi geya ami pikwanamo memeya nakae. Ego imi nuwonúwana aiguyauyadi manudi komatūwo.

1 Korinta 7:14

Moitamo. Koroto neta geya inumiseta, Yaubada bogina ikimasabe toinina umana korotoyana monena ina numisa pasina. Vavina neta geya inumiseta nakae. Yaubada bogina ikimasabe toinina umana monena ina numisa pasina. Go neta ame moitamo geya, e Yaubada matana goi natudiyao nava ma baailidi. Go geya sibaileta, go sem tauyadi kimaasabaidi Yaubada umana.

Epeso 4:26

‘Neta koegamogamogu, imi egamogamoguyana goi taabu kogoyogōyo.’ Same 4:4 Taabu koegamoogamōgu tuta maanawena, go sem namlieta baige níyala isaliu, imi egamogamoguyana bogina ikavava,

2 Timoti 1:5

Guna kauyaguyana unana im numisa mooitamoina anuwokavate. Numisayana moe nakae boi mainao tubum Loisi sowona, niga sinam Yunisi nakae sowona. Ayagoi bego numisayana kom nakae sowom.

2 Timoti 3:15

be nakae am tuta gómana goi go, ima ame tuta Gínina Kimaasabaidi bogina kuyagoidi. Gininayadi goi itoboinem nanamsa am yava manuna kubabane. Ada yavayana moe ida numisa Yeisu goi pasina.

1 Pita 2:2

Nakae gogómana meyameyaidi nunu sikamonamonanae, e komi nakae Yaubada ina livala mooitamoina be maavadaina kokamonamonanāe bego livalayana goi koomatuwo ana kadókana ami yava ana kalaitúwana kobabane.

Nuwogau 14:5

Geya tayaamo pola siivatoi. Moitamo. Tauyadi geya adi pikwanamo.