Maki 1:41 - Buki Kimaasabaina

⁴¹ Tuwo mana nuwokapisi nimana iyosale toleperoyana ibisikone idigo kana, ‘Guna nuwonúwana nakae. Kumavāda!’

Maki 1:41 ပူးပေါင်းရင်းမြစ်များ

Aba Vatowo 1:3

E Yaubada sopana goi imadágina idigo kana, ‘Mavada kusowōduwo!’ E mavadayana isowóduwo.

Madiu 9:36

Ego boda iigitedi, geya adi tovaitamo sinuwokubukubu; tauyadi geya adi tomatakavatamo nakae, tauna inuwokapisiyedi.

Maki 1:40

Tuta tayamo tolepero tayamo ima Yeisu yaina goi aena ivatugúyala, ikawanoi makimaki idigo kana, ‘Neta im nuwonúwana nakae, itoboinem kukidedevinegu bei sakavaigu imavada.’

Maki 1:42

Tuwo mainao korotoyana sakavaina ina lepero ikavava, e sakavainayana imavada.

Maki 4:39

Tuwo itaoya yágira be aivaya ilovinaedi idigo kana, ‘Tuwo! Kudaūmwara!’ Tuwo yagirayana ilakapuwe nakae Bwaeyana ikadaúmwara gagaina.

Maki 5:41

Sinaena goi Yeisu ibala ina gomanayana nimana iyoisi, idigo kana, ‘Talita kumi!’ Moe ana kaigavila kada, ‘Gómana alatuwokoim kutāoya!’

Maki 6:34

E Yeisu mana tovatotowanayao bogina sima sivaiu, Tauyana isou labutabuta goi go, boda gagaina igitedi tauyadi geya adi tomatakavatamo nakae. Tauna inuwokapisiyedi go, ibibilágata vatulúkwana badabadaidi ivatulukoidi.

Iberiu 1:3

Tauyana Yaubada ana kanukanununa be nakae Tauyana goi Yaubada aderina toina imalatomota. Kaga liliuna ina livala toogagaina goi iyooisidi. Ida goyo goi ikimavadeda ikavava, wowoina basekoina Yaubada Tokanayatanatoina kakataina goi itusobu.

Iberiu 2:17

Moe pasina tauna itoboine Tauyana kaga liliuna goi imalatomota kita senao nakae bego ietonúwala toolagaina nuwokaapisina be Yaubada ina paisewa liliudi manudi, e bei kita ina bodao ida goyo inuwolidi.

Iberiu 4:15

Moe itoboine. Kita mada Tonúwala Toolagaina go, geya kada Tonúwala Toolagaidi liliudi nakae geya. Kidi Tonuwalayadi liliudi geya itoboinedita ida neneta silotowoidi. Go sem kita ida Tonúwala ida nenetayadi ilotowoidi. E Tauyana vakakona liliudi kita nakae bogina ibabanedi go, geya ina goyomo.