Maki 1:27 - Buki Kimaasabaina

²⁷ Tomota madabokidi sikainaopa, tauna taudiva silumadadedi, sidigo kadi, ‘Iyaa, ame manakae? Vatulukwana vau mana lovina! Dimoni nakae ilovinaedi go, Tauyana sopana sikabiikaone!’

Maki 1:27 ပူးပေါင်းရင်းမြစ်များ

Madiu 15:31

Tauna tutayana bodayadi sigite kidi maedi moumoudi sibóbwara, togoyogoyo sidedevina, topem siketoiya be nakae tokebo sigita, e sikainaopa go, kai Isileli tubunao ima Yaubada ina togaga ana sikamoitamoe.

Madiu 8:9

Yau nakae lovina ayagoi. Yau magu tolovinao be nakae tovayaviya maniyedi sobuyekoigu. Neta tayamo alatuwoko kagu, “Kūna!” bei ina. Neta tayamo alatuwoko kagu, “Kūma!” bei ima. Neta guna pákwana tayamo alatuwoko kagu, “Ame kuguinūwe!” bei iguinuwe.’

Madiu 9:33

E ivatapiye ikavava, korotoyana itoboine ibobwara dókana. Ago boda sigite, sikainaopa kadi, ‘Geya tayaamo kaga nakae sinaena tagitegite!’

Maki 1:26

Tuwo dimoniyana koroto ikinagove itátava go, mana podeda gagaina korotoyana yaina goi isowóduwo ina.

Maki 1:28

Tuwo Tauyana valena isagayako ina asa liliudi Galili ana dadava goi.

Maki 10:24

E kidi go ina tovatotowanayaoyadi ina livala pasidi nukotodi siwowówana. E Yeisu aiyuwoina ilatuwokoidi idigo kana, ‘Natugowo, Yaubada ina kalibúbuna ana siu moumou isaki.

Maki 10:32

E Yeisu mana tovatotowanayao situko sinonoina Yerusalema manuna go, enao goi Yeisu ivakumgo inonoina. Kidi ina tovatotowanayaoyadi siyagoi Yeisu latuwona ina Yerusalema, tauna nukotodi siwówana. Ego boda Yeisu mlina sisabookuliye simatoita. E enao goi sinonoina go, Yeisu ina tovatotowanayao yawou aiyuwo aiyuwoina aditava iduduwedi sima, ilatuwokoidi kaga kaga bei siisowóduwo yaina.

Maki 16:5

Sima tukubuyana goi sisiu go, kakataidi goi tubuwau tayamo sigite iitusobu. Tauyana ana kwama poowouna be maanawena. Sigite, sikainaopa be nakae atedi iyova.

Maki 16:6

E tubuwauyana kana, ‘Taabu kokaateyōva! Yeisu guma Nasareta tupaatukoina koolusale. Yaubada ámasa goi bogina ikaitáoe. Tauna Tauyana ameko geya. Ina kaba yata kogīte, daakakaina! Tauna taabu kokaateyōva,

Maki 7:37

Go tomota ina guinuwa sigite, sikainaopa gagaina sidigo kadi, ‘Iyaa! Ina guinuwa madabokina dedevina! Tauyadi taiyadi patupatudi ikidedeevinedi bei sinowo, nakae tauyadi maedi simoumou ikidedeevinedi bei sibobwara dókana.’

Luke 4:36

Tomota madabokidi sikainaopa, taudiva sidigo kadi, ‘Iyaa! Ame kaga isowóduwo? Tauyana mana lovina be mana togaga dimoni iloviinaedi go, moitamo sisowóduwo!’

Luke 9:1

E liliudi sivatapiyedi be nakae tokatówana sikidedevinedi.

Guinuwa 17:19

Ego kidi da Ateni be nakae ogaoga liliudi amoko goi sikaaiyaka tuta liliuna latuwodi nuwonuwana vau siinovedi be nakae sivateetelidi. Tuwo Pauloyana sikabi sinave idi tugúguna yoina Areopagasi goi. Amoko goi silatuwoko kadi, ‘Kutagona ame vatulukwana vau kutaalavaite, kai kuvatulukoima bei kayagoi? Latuwoma im vatulukwanayana kutaligei bei ana yagoina kayagoi unana im vatulukwanayana ana taiyakeka ituli toina yaima.’