Maki 1:11 - Buki Kimaasabaina

¹¹ Ago aníyana tayamo yábana goi itumasobu kana, ‘Kom Natugu guna kakaya, auyaonedokoim.’

Maki 1:11 ပူးပေါင်းရင်းမြစ်များ

Madiu 12:18

‘Konōve! Guna kitom goame. Bogina akinave. Tauyana amatakoiye be nakae ategu iuyaone gagaina. Yaina goi bei Balomaigu ayato. Yau guna takínona vavasa bei italavaite yaidi.

Madiu 17:5

Pita nava ibobóbwara go, gaota maavadaina iumaidi. Ago gaotayana goi níyana tayamo sinove idigo kana, ‘Ame Natugu, guna kakaya, auyaonedoko. Tauyana konōve!’

Madiu 3:17

Níyana tayamo matabuwona yábana goi itumasobu idigo kana, ‘Moe natugu guna kakaya. Tauyana auyaonedoko.’

Maki 1:10

Isayoyoi ikavava, bwae goi isinalaga, e mainao ikandolaga igite yábana sekulapeyaina Yaubada ikiise go, Baloma Kimaasabaina bunabuna nakae isou imamaima Yeisuyana yaina goi.

Maki 9:7

Niga gaota isowóduwo iumaidi go, gaotayana goi níyana tayamo sinove, idigo kana, ‘Ame Natugu, guna kakaya. Tauyana konōve!’

Luke 3:22

Baloma Kimaasabaina ma wowona ana kaigigita bunabuna nakae isou ima Tauyana yaina goi. Ago níyana tayamo yábana goi itumasobu idigo kana, ‘Kom natugu guna kakaya, auyaonedokoim.’

Luke 9:35

Iumaidi go, gaotayana goi níyana tayamo sinove, idigo kana, ‘Ame Natugu, guna kinava. Tauyana konōve!’

Iyoni 1:34

Ame yau bogina agite nakae bogina atalavaite yaimi bego amo Tauyana Yaubada ina kinava.’

Iyoni 3:16

Ame moitamo. Yaubada imatakoiyeda ame nakae: Natuna kaakesaina ikasale bego avatau neta inumise, bei geya ikamaseta, go sem maa yawoina vata.

Iyoni 5:37

Ago Tamagu guna Toetuna, Tauyana toinina bogina italavaitegu go, niyana geya konovenove nakae maisina geya kogitegite.

Iyoni 6:69

Kai bogina kanuumisem nakae kayaagoim bego kom , Yaubada goi kuma.’

Roma 1:4

Ina taoyamna tokámasa yaidi pasina Yaubada ivayoko Tauyana Natuna mana togaga. Natunayana moe ida Tomoya Yeisu Guyau. Go ana vayokwanayana moe goi, Tauyana ada kimasaba Yaubada umana unana.

Kolose 1:13

Kita mamaníwana ina kaba lovina goi iyaveda namlieta ikaidamaneda Natuna, moe ina kakaya, ina kalibúbuna sinaena goi.