Madiu 9:15 - Buki Kimaasabaina

¹⁵ Go kina Yeisu idigo kana, ‘Neta nai ana káika goi tonai koroto nava yaimi ikaaiyaka, manakae? Nai ana toyokoyao itoboinedi bei madi sinuwomou? Geya ae? Go sem itoboinedi madi uyáwana sikakáika ae? E diyakímwana ana tuta nava imamaima. Amo tutayana tonaiyana bei siyoisi sinave namlieta baige tauyadi madi nuwomou sidiyakímwana.

Madiu 9:15 ပူးပေါင်းရင်းမြစ်များ

Madiu 9:14

E ina tovatotowanayao sima Yeisu silumadade sidigo kadi, ‘Kai be nakae kidi Parisi kadiiyakímwana Yaubada manuna go, kom im tovatotowanayao manakae geya sidiyakimoneta?’

Madiu 9:16

E livalakaibala tayamo vatulukwana bogo be vatulukwana vau manudi avatulukoimi bei koyagoi. Ame nakae: Geya vatau tayaamo boboda vau ikabi, ana kwama bogo taaporaina goi igilumipatuko. Ame moitamo. Bobodayana bei ikatumásina, e kwama bogoyana itaisa go, ina taisayana bei gagaina.

Maki 2:19

Go kina Yeisu idigo kana, ‘Neta nai ana káika goi tonai koroto nava yaimi ikaaiyaka, manakae? Nai ana toyokoyao itoboinedi bei madi nuwomou ? Geya itoboinedita sidiyakímwana neta tonai koroto nava yaidi goi ikaaiyaka ae? Go sem itoboinedi madi uyáwana sikakáika ae?

Maki 2:20

E diyakímwana ana tuta nava imamaima. Amo tutayana tonaiyana bei siyoisi sinave, e tuta amo goi baige tauyadi sidiyakímwana.

Luke 17:22

E Yeisu ina tovatotowanayao ilatuwokoidi idigo kana, ‘Tuta simamaima bei latuwomi ina kaluvilamna ana tuta kogite go, geya bei kogiteyeta.

Luke 5:34

E kina go Yeisuyana idigo kana, ‘Neta nai ana káika goi tonai koroto nava yaimi ikaaiyaka, manakae? Itoboinemi bei nai ana toyokoyao kolovinaedi madi nuwomou ? Geya ae? Go sem itoboinedi madi uyáwana sikakáika ae?

Luke 5:35

E diyakímwana ana tuta nava imamaima. Amo tutayana tonaiyana bei siyoisi sinave, e tuta amo goi baige tauyadi sidiyakímwana.’

Iyoni 16:6

go sem nuwomou ivakayaodeimi unana moe dogoiyadi bogina alatuwokoimi. Taabu nuwomi imoumōu.

Iyoni 3:29

Aba gita tayamo aguinuwe: Korotoyana tonai nakae bei inai. Yau siyana nakae. Yau aataoya tauyana atuuyaosi bego ima. Tutayana tonaiyana isowóduwo, siyana bei iuyáwana gagaina tutayana tonaiyana niyana inove. Yau nakae auyáwana gagaina tutayana korotoyana ina guinuwa valena kutaalavaite anove.

Guinuwa 14:23

E tauyadi Tomoya ana totugugunayao idi tugúguna tamo tamo adi tomoyamoyayao sikinavedi. Ikavava, madi be madi kawanoi tomoyamoyayadi sikasaledi idi Tomoya siinumise yaina.

1 Korinta 7:5

Komi nainaimi, geya tuwaina toinimi masisi goi kovagagalēmi, go sem neta komi koroto ma monemiyao kotagona, e tuta kaakupina masisi kototo bego kokasalemi awanoi manuna. Ago tutayana ikavava, aiyuwoina komasisīmna, govila bei Kaleya ivakakonemi unana imi vikaiya geya itoboinemita kototo, tauna Kaleya ivakakonemi.

2 Korinta 11:27

guna poisógana be guna valitulítuwo goi, sabamgo badabadaidi geya amasisita, magu loga be maegu isayasaya, tuta badabadaina geya avagumo, gogou akámasa unana guna kwama geya sibadebadeta.

Nuwogau 19:9

Amo ikavava, ilatuwokoigu idigo kana, ‘Livala ame kugīni kam, “Avatauwa komi neta Yaubada iduduwemi Lamiyana ina nai aikanina manuna, e ami dedevina bei kobabane.”’ Tuwaina kana, ‘Ame livalayadi moe Yaubada ina livala mooitamoidi!’

Nuwogau 21:2

Niga nakae agite moe Yerusalema vau go, asayana Yaubada yábana goi isou imamaima. Asayana bogina ivapase tonai vavina nakae bego monena ivalobode.