Madiu 7:7 - Buki Kimaasabaina

⁷ Tuwaina Yeisu kana, ‘Kokawanōi Yaubada yaina, e bei ivinimi. Kaga kokiseeyeseye Yaubada yaina goi koolusāle, e bei kobabane. Kokaukeeyakēya, e Yaubada komi yaimi totom bei ikatupáeve.

Madiu 7:7 ပူးပေါင်းရင်းမြစ်များ

Aba Vatowo 26:32

E amo maliyalinayana goi Aisake ina pakonayao sima silatuwoko sidigo kadi, ‘Aisake, tayamo doelu katavi go, bwae bogina kababane!’

Madiu 18:19

U, moe nakae go, ame alatuuwokoimi konōve: Neta ami taiyuwo poyapoya goi imi nuwonúwana tayamo kokawanoi dogoi tayamo manuna, e Tamagu guma yábana nakae bei iguinuwe komi manumi.

Madiu 21:22

Tuwo kaga liliuna kokawaanoiye Yaubada yaina, bei kobabane neta konumisa.’

Madiu 6:33

E yawoimi madabokina kotagonēdi be nakae ina kivavasa yaidi goi, bei moe dogoiyadi liliudi ivinimi.

Madiu 7:11

Tauna komi toogoyoimi go, koyagoi manakaemi yabobona dedevidi natumiyao kovinidi ae? Go Tamada guma yábana todedevina, tauna neta kokawanoi Tauyana yaina, yabobona dedevidi moitamo bei ivinimi.

Madiu 7:8

Moitamo. Tokawanoi liliudi yaidi Yaubada ikaiguyau. Tolusala liliudi bei sibabane. Tokaukeyakeya liliudi yaidi Yaubada totom bei ikatupáeve.

Maki 11:24

Moe pasina tauna ame alatuuwokoimi konōve: Kaga liliuna kokawaanoiye Yaubada yaina, konumīsa bego dogoiyana bei kobabane, e moitamo bei kobabane.

Luke 13:25

Aba gita aguinuwe. Toni vada itaoya totom bogina ikatunibode go, moetala goi kootaoya be kovatowo niboda kokaukeyekeye kami, “Tomoya, manuma totom kwatupāeve kasiu!” Go amo tutayana kina tomoyayana bei idigo kana, “Komi tauyami geya ayagoimita nakae geya ayagoiyeta komi nako tomotaimi.”

Luke 18:1

E livalakaibala ilatuwokoidi go, ivatulukoidi awanoi goi taabu nukotodi sitopatōpa, go sem tuta liliuna sikaawanoi.

Iyoni 15:16

Boi komi geya kokinaveguta bego yau komi imi Tomoya, go sem yau akinavemi be avayokoimi komi yau guna tovatotowanayao. Avayokoimi bego komi kona kokéuwo go, keuwoimiyadi sikaiyako vata bego kaga yoigu goi kokawanoiye Tamada yaina, bei ivinimi.

Iyoni 15:7

Neta kokaaiyaka yau yaigu goi be nakae guna livala yaimi goi sikaaiyaka, kaga latuwomi, manuna kokawanōi, bei kobabane.

Iyoni 4:10

Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’

Roma 2:7

Avatauwa neta madi mesayágana be madi guinuwa dedevidi Yaubada ina taimámina be ina wowoina be aiyako vata sisokiikinedi, e yawoidi vata bei sibabane.

Roma 3:11

Geya vatau tayaamo iyagoi nako dedevina. Geya vatau tayaamo isokikina Yaubada yaina geya.

Iberiu 11:6

E, neta geya ida numisamo Yaubada yaina, geya itoboinedeta Tauyana tavauyaone. Neta latuwoda tanoko, itoboineda mainao tanumisa bego ikaaiyaka be nakae ana tolusalayao adi vaiwówana ivinidi.

Yemesa 5:15

Neta madi numisa sikawanoi, e tokatowanayana ida Tomoya bei ikaitáoe, e iboboina. Neta tokatowanayana mana goyo, Yaubada bei inuwotaoidi.

1 Iyoni 3:22

e kaga kaga takawaanoiye Tauyana yaina, bei ivinida. Moe unana Tauyana ina lovina takabikaaonedi be nakae ava guinuwava Yaubada iuyaaonedi taguuinuwedi. Tauna bei ida kawanoiyadi bei inovedi.