Madiu 7:21 - Buki Kimaasabaina

²¹ Tomota maniyedi sikatomooyaegumo Yaubada ina bodayauwo geya sisiukoidita bego ikalibubudi unana ina nuwonúwana geya siguinuweyeta. Go sem avatauwa neta Tamagu guma yábana ina nuwonúwana siguuinuwe, bei sisiu.

Madiu 7:21 ပူးပေါင်းရင်းမြစ်များ

Madiu 12:50

Moitamo. Avatauwa neta Tamagu guma yábana ina nuwonúwana siguuinuwe, e moe tauyadi segowo nakae niugowo nakae sinagowo.’

Madiu 16:17

E kina Yeisu idigo kana, ‘Saimoni, Iyona natuna, moe tomota geya sivatulukoimta, go sem Tamagu guma yábana ivatulukoim. Tauna am dedevina bogina kubabane.

Madiu 18:10

Ami dodōkana. Guna tonumisayao nuwotookaidi taabu kokubuuyevēdi. Ame alatuuwokoimi konōve: Guna tonumisayao nuwotookaidi idi tuta liliuna Tamagu guma yábana matana goi sikaaiyaka. [

Madiu 18:19

U, moe nakae go, ame alatuuwokoimi konōve: Neta ami taiyuwo poyapoya goi imi nuwonúwana tayamo kokawanoi dogoi tayamo manuna, e Tamagu guma yábana nakae bei iguinuwe komi manumi.

Madiu 18:3

idigo kana, ‘Ame gómana tayamo go, ame alatuuwokoimi konōve: Imi sinapu kokaigavilēdi bei komalagogómana. Go geya, e geya itoboinemita Yaubada ina kalibúbuna sinaena goi kosiu.

Madiu 18:35

Tauna nakae neta komi tamo tamo atemi goi semiyao geya konuwotaoidita, e liunayana nakae Tamagu guma yábana bei iguinuwe komi yaimi.’

Madiu 19:24

E aiyuwoina ame alatuuwokoimi konōve: yoguyogu gagaina, tauna geya itoboineyeta siláluma taporaina goi isiu ae? Ago toesaesa nakae. Bego Yaubada ina kalibúbuna sinaena goi toinidi sisiu go, geya itoboinedita, geya toina.’

Madiu 25:10

E tuwo moitamo yaluwoidiyadi sitaoya sina bego idi pútuma sigimona. Sinonoina go, tonaiyana koroto ima, e wowoiyaiyadi bogina sikatuubayasi tonai taiyao sina nai aikanina goi sisiu. Sisiu ikavava, totom sikatunibode.

Madiu 25:21

Ina tomoyayana idigo kana, “Dedevina! Kom guna pákwana dedevim be nakae . Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Madiu 26:39

Ibóbwara ikavava, ivayavakova ikanakabobo go, ikawanoi Yaubada yaina kana, ‘Tamagu, manakae? Itoboine bego gedageda keigaina ame geya ababaneyeta? Go yau geya guna nuwonúwana geya, go sem kom im nuwonúwana kuguinūwe.’

Madiu 26:42

Sivayuwoina ivayavamna ina ikawanoi idigo kana, ‘Tamagu, neta geya tayaamo enao ikaiyaka bego gedageda keigaina ame akalave, e bokoyo go tuwo im nuwonúwana bei aguinuwe; keigayana anim.’

Maki 3:35

Moitamo. Avatauwa neta Yaubada ina nuwonúwana siguuinuwe, e moe tauyadi segowo nakae niugowo nakae sinagowo.’

Luke 11:28

E kina go Yeisu idigo kana, ‘Moe geya, go sem avatau neta Yaubada ina livala inove be ikabikaone, tauyana ana dedevina bogina ibabane.’

Luke 13:25

Aba gita aguinuwe. Toni vada itaoya totom bogina ikatunibode go, moetala goi kootaoya be kovatowo niboda kokaukeyekeye kami, “Tomoya, manuma totom kwatupāeve kasiu!” Go amo tutayana kina tomoyayana bei idigo kana, “Komi tauyami geya ayagoimita nakae geya ayagoiyeta komi nako tomotaimi.”

Luke 18:25

Moitamo. yoguyogu gagaina, tauna geya itoboineyeta siláluma taporaina goi isiu ae? Ago toesaesa nakae. Bego Yaubada ina kalibúbuna sinaena goi toinidi sisiu go, geya itoboinedita, geya toina.’

Luke 6:46

Tuwaina Yeisu kana, ‘E kaga unana kokatomoegu go, kaga nakae alatuuwokoimi geya koguinuwedita?

Iyoni 14:7

Neta bogina koyagoigu, yau Tamagu nakae bei koyagoi. Go ame tuta be nakae tuta simamaima Tauyana kooyagoi nakae bogina kogitegite.’

Iyoni 15:23

Avatauwa neta sikaoliilivegu, yau Tamagu nakae sikaoolilive.

Iyoni 3:5

Go iya Yeisuyana kana, ‘Moe moitamo go, ame alatuuwokoim kunōve: Avatauwa neta bwae goi be nakae goi geya sibibineta, geya itoboinedita Yaubada ina kalibúbuna goi sisiu.

Iyoni 5:17

E iya go Yeisu ilatuwokoidi idigo kana, ‘Yau Tamagu boi nimatu go, ima ame tuta nava ipaaisewa, tauna yau nakae apaaisewa.’

Iyoni 6:40

Ame moitamo. Yau Tamagu ina nuwonúwana ame nakae: Bego avatauwa neta Natuna sigite be sinumise, e yawoidi vata bei sibabane, nakae tuta ana kaba lukavava ámasa goi bei akaitaoedi.’

Iyoni 7:17

Avatauwa neta latuwodi Yaubada ina nuwonúwana siguinuwe, bei siyagoi guna vatulúkwana moe Yaubada goi ima gea toinigu guna nuwonúwana goi abobóbwara.

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

Roma 12:2

Imi kasalayana ame nakae: Taabu da poyapoya kotaapatēdi, go sem Yaubada kotagōne yawoimi ikaigaviledi go, ina kaigavilayana ame nakae: Nuwomi iyoolimedi bei itoboinemi ina nuwonúwana kodovatusiye be kokamoitamoe. Moeko goi bei koyagoi kaga dedevina, kaga Yaubada ivauyaone be nakae kaga geya ana pikwanamo Yaubada matana goi.

Roma 2:13

Kaga unana idi liuna itoboine? Kidi Yaubada ina Katukedayana sitaiyakeekeyamo geya nuwona ana Yaubada matana goi geya, go sem kidi Atukedayana ana toguinuwa ivayokoidi kidi nuwona ana tokibóbwata.

Epeso 6:6

Go geya kada matadi kaka goi kokabikaonēdi nakae tauyadi yapali ana tolusalayao idi sinapu geya, go sem komi Guyau ina pakonayao nakae atemi goi Yaubada ina nuwonúwana koguuinūwe.

Kolose 4:12

Epapira, tauyana imi boda tayamo, ina yabobona yaimi. Tauyana Yeisu ina pákwana tayamo. Tuta liliuna ina kawanoi goi iikokoila manumi bego koovadókana, imi numisa goi komatuwo be nakae Yaubada ina nuwonúwana koyagoidoko.

1 Tesalonáika 4:3

Nakae ame boi kavatulukoimi: Yaubada ina nuwonúwana bego komi kimaasabaimi Tauyana umana, masisi goyogoyoina kovaakilīsi,

1 Tesalonáika 5:18

Nakona ava sinapuva siisowóduwo yaimi goi, manudi Yaubada yaina kokaauyāgu. Moe guinuwayadi Yaubada latuwona bego komi, tauyami bogina kospwagógana Yeisu taiyao, koguuinuwedi.

Taito 1:16

Tauyadi sidigodigo bego ida Yaubada siyagoi go, idi guinuwa goi tayagoi Tauyana silawoiwoiye. Tauyadi aba kalagíwala Yaubada yaina, tokapipilova, geya basabasaidimo guinuwa dedevidi manudi.

Iberiu 13:21

Amo Yaubadayana yaina goi akawanoi bego kaga liliuna dedevina goi ikatubayasimi, bei itoboinemi ina nuwonúwana Yeisu ina vaita goi koguinuwedoko, e bei imi guinuwayana dedevina Tauyana matana goi. Yaubada aba taimámina ame tuta be nakae tuta simamaima! E nakae!

Iberiu 4:6

E aba waiwasiyana nava ikaaiyaka bei tomota maniyedi itoboinedi sisiu go, tauyadi boi Vala Dedevina sigiiminove geya sisiuta unana sikapipilova.

Yemesa 1:22

E Yaubada ina valayana taabu kotaiyakeekeyāmo, go sem valayana koguuinūwe. Neta kotaiyakeekeyamo, e toinimi kokatuubaumi.

1 Pita 2:15

Yaubada ina nuwonúwana bego imi guinuwa dedevidi goi itoboinemi totamogemoge yaaluwoidi sopadi kokaupatudi. Tauna kokatetaagonēmi ami tolovinayadi yaidi goi.

1 Pita 4:2

Moeko goi bei ida tuta madabokina poyapoya ame goi takaaiyaka geya tuwaina da poyapoya idi yalagau tasokiikinēdi geya, go sem Yaubada ina nuwonúwana tasookikīne.

Nuwogau 2:27

Lovinayana avinimi nakae boi yau Tamagu iivinigu. Imi lovinayana toogagaina tomota yaidi nakae Yaubada ina buki idigo kana, ‘Kepati kainum goi imtulidi; nakae vaega neta ikaauvisidi.’ Same 2:9

Nuwogau 22:14

Avatauwa neta adi kwama maanawedi sikimaavadedi, adi dedevina bei sibabane. Adi dedevinayana bego madi tagona yawana vata alovaina keuwoina sikanikani be nakae asayana ana kaba siu goi sisiu.

Nuwogau 3:5

Avatauwa komi neta kootogaga, e ami kwama poowoudi bei kolosidi be yoimi yawana vata bukina goi geya atauwedita be nakae yoimiyadi akamoitamoedi Tamagu mana aneroseyao yaidi bego komi yau guna bodao.