Madiu 6:9 - Buki Kimaasabaina

⁹ Tauna kokawanōi ame nakae kami, “Tamama guma yábana, yoim kakimasabe.

Madiu 6:9 ပူးပေါင်းရင်းမြစ်များ

Madiu 10:29

Aba gita tamo aguinuwe bei koyagoi itoboinemi geya komatoitedita. Sine aiyuwo maisadi giyaina ae? Go Yaubada iiyagoi neta tayamo ikámasa isou poyapoya goi.

Madiu 23:9

Geya vatau tayaamo poyapoya ame goi kodudūwe tamami. Komi Tamami tayamo; Tauyana yábana goi ikaaiyaka.

Madiu 26:29

E ame alatuuwokoimi konōve: Oine ame geya tuwaina bei animnim ana kadókana tutayana Tamagu itagonegu akalibúbuna namlieta baige komi taiyao oine vau bei tanim.’ Tuwo kakabi kanim.

Madiu 26:42

Sivayuwoina ivayavamna ina ikawanoi idigo kana, ‘Tamagu, neta geya tayaamo enao ikaiyaka bego gedageda keigaina ame akalave, e bokoyo go tuwo im nuwonúwana bei aguinuwe; keigayana anim.’

Madiu 5:16

Komi nakae. Imi mavada kokaiwoduwēdi sininínima tomota matadi goi bei imi guinuwa dedevidi sigitedi, e Tamada guma yábana ina togaga ana bei sikamoitamoe.’

Madiu 5:48

Tauna komi bei imi sinapu madabokina goi komatūwo, Tamada guma yábana nakae.’

Madiu 6:14

Neta tomota idi bágala konuwotaoidi, komi nakae imi bágala Tamada guma yábana bei inuwotaoidi.

Madiu 6:6

E komi sem tutayana kokawanoi, imi vada goi kosīu totom kokatunibōde. Ikavava, kokawanoi gāuna Tamada yaina goi go, Tauyana anetava iigitemi bei ivaiwowoimi.

Madiu 7:11

Tauna komi toogoyoimi go, koyagoi manakaemi yabobona dedevidi natumiyao kovinidi ae? Go Tamada guma yábana todedevina, tauna neta kokawanoi Tauyana yaina, yabobona dedevidi moitamo bei ivinimi.

Luke 15:18

Bei ataoya ana tamagu yaina kagu, ‘Tamagu, bogina agoyo Yaubada yaina be nakae kom yaim.

Luke 15:21

E kina natunayana idigo kana, “Tamagu, bogina agoyo Yaubada yaina be nakae kom yaim. Geya itoboineguta bei tuwaina kuduuduwegu yau natum.”

Luke 2:14

‘Maeko ee, Yaubada diligaema toina aba taimámina! Poyapoya goi tuboina Yaubada ina nuwonúwana ana toguinuwayao yaidi.’

Iyoni 20:17

E Yeisu kana, ‘Taabu kuyooisīgu. Nava geya atukoita ana Tamagu goi. E kūna sedao kulatuwokōidi giyakainava bei atuko ana yau Tamagu nakae komi Tamami yaina. Tauyana yau guna Yaubada nakae komi imi Yaubada.’

Roma 1:7

Leta ame moe komi, tauyami Yaubada imatakooiyemi be nakae iduuduwemi, ina kimasabayao goi ami leta. Yaubada Tamada be ida Tomoya Yeisu idi kanuwóiya be idi tuboina bei sivinimi.

Roma 8:15

Yaubada Balomaina ivinida go, geya bego bei ikaluvilemneida ina liuna ana matoita goi geya. Go sem Balomainayana bogina ivinida bei ivanatuneda go, ame Balomayana goi kita taaduduwo Yaubada yaina kada, ‘, Tamagu!’

Galetiya 1:1

Komi Yaubada ana totugugunayao Galetiya dadavina goi, Yau Paulo be nakae Yaubada Tamada, Tauyana boi Yeisu tokámasa yaidi goi ikaitáoe, e ame Tauyadi sikawoigu bego yau idi vamoléyana. Yau nakae sedao liliudi taiyao kakaaiyaka ami leta ame kagini kaetune iwo yaimi.

Galetiya 4:6

E komi be yau Yaubada natunao, tauna Balomaina bogina ietune ima isiu nuwoda goi ikaaiyaka, e mada uyáwana takawanoi makimaki Yaubada yaina kada, ‘, Tamagu!’

1 Timoti 6:16

Tauyana anetava ikaiyako vata be nakae mavada gagaina goi ikaaiyaka go, mavadayana goi kita tomota geya itoboinedeta tanoko. Tauyana boi geya tayaamo tuta tomota sigite go, ame geya itoboinedita sigite. Tauyana aba wowoina vata be nakae Tokalibubuna vata mana togaga. E nakae!

1 Pita 1:17

Yaubada kita tomota tamo tamo ida guinuwa goi itakinovaavaseda. Ame Yaubadayana kovaatamane, tauna komi ogaoga imi tuta ameko poyapoya goi nakae mami matoita wowooinina Tauyana yaina kooketōiya.

Nuwogau 4:11

‘Ima Tomoya Yaubada, Kaga liliuna kom kumadagidi be nakae im nuwonúwana pasina sikaaiyaka. Tauna itoboinem bei taimámina, wowoina be nakae togaga kubabanedi.’

Nuwogau 5:12

niyadi gagaina goi sivesivesi kadi, ‘Lamiyana boi bogina sikaumate itoboine togaga, esaesa, nanamsa, alika, wowoina, taimámina be nakae auyagu ibaabanedi!’