Madiu 6:34 - Buki Kimaasabaina

³⁴ E tauna taabu konuwokuubukūbu itomo manuna ava mou nakae bei sisowóduwo. Ada mou maliyalina ame goi bogina yoiyada go, itomo ana mou moe itomo manuna.’

Madiu 6:34 ပူးပေါင်းရင်းမြစ်များ

Madiu 6:11

Ama máliya ame manuna neta kuvinīma.

Madiu 6:25

Tuwaina Yeisu kana, ‘Moe pasina tauna ame alatuuwokoimi konōve: Yawoimi manudi taabu konuwokuubukūbu kami, “Kaga bei kakáika?” O nakae kami, “Kaga bei kanim?” O wowomi manudi kami, “Kaga bei kalosi?” Yawoida moe dogoi gagaina namlieta awoinu ae? Nakae wowoda dogoi gagaina namlieta kwama ae?

Madiu 6:27

Avatau yaimi goi itoboine ina nuwokubukubu goi yawoina ikimamanave? Geya ae?

Luke 10:41

Go kina Tomoyayana idigo kana, ‘Marita, Marita, dogoi badabadaidi manudi kunuuwotúkala, nakae nukotom taitáiya iuyoi.

Luke 11:3

Ama máliya ame manuna neta kuvinīma.

Luke 12:11

E tutayana siyoisimi simemi goi o madisitireti o tolovina matadi goi bego siekotuyemi, taabu konuuwotūkala manakaemi bei kobóbwara o manakaemi bei kotasigimi o kaga kobobore.

Luke 12:22

E Yeisu ina tovatotowanayaoyadi ilatuwokoidi idigo kana, ‘E moe pasina tauna ame alatuuwokoimi konōve: Yawoimi manudi taabu konuwokuubukūbu kami, “Kaga bei kakáika?” O wowomi manudi kami, “Kaga bei kalosi?”

Iyoni 14:27

Bei akalavemi go, guna yabobona yaimi moe tuboina. Yau guna tuboina avinimi. Go tuboinayana geya da poyapoya idi tuboina nakae geya. Taabu nukotomi taitáiya iiuyōi nakae taabu kokaateyōva.

Iyoni 16:33

Ame dogoiyadi bogina alatuwokoimi bego yau goi tuboina kobabane. Poyapoya ame goi mou bei kobabanedi go, kokatepātu! Ame poyapoyayana ana togaga yau bogina atogagasave.’

Guinuwa 14:22

Ame asayadi tamo tamo goi Yeisu ina tovatotowanayao sikitogagedi. Nakae atedi sivapatupatudi Yaubada ina yava ana kenao goi sitaoyakavata. Silatuwokoidi sidigo kadi, ‘Mou badabadaidi itoboineda tababanedi bei goi tasiu.’

Pilipai 4:6

Geya tayaamo kaga manuna konuuwotūkala, go sem tutayana kokawanoi Yaubada yaina, mami kauyagu Tauyana kolatuwōko kaga liliuna sisowóduwo yaimi.

1 Pita 5:7

Tauyana ilokayasida, tauna imi nuwokubukubu madabokina nimana goi koyāto.