Madiu 6:19 - Buki Kimaasabaina

¹⁹ Tuwaina Yeisu kana, ‘Poyapoya esaesaina taabu kokanuukulīdi. Esaesayana manumánuwo be dáura sikaigoyaidi be nakae tovaináwana sisiu sivainaoidi.

Madiu 6:19 ပူးပေါင်းရင်းမြစ်များ

Tateta 22:2

Go neta yoguyoguyana iivainao nava maa yawoina nimana goi ikaaiyaka, nakona bulumakau o o sipi, e yoguyoguyana ana katumapu moe aiyuwo toni yoguyogu ivini. E tovaináwana neta sabamgo goi imi vada isiu bego ivaináwana go, kogitebabane go, kolaui ikámasa, e moe aumata geya, tuwo geya ami goyomo. Go neta níyala bogina ituko go, tovainawanayana isiu, kolaui ikámasa, moe aumata, e bogina kogoyo. E tovaináwana, neta koyoisi, itoboine toni kónana ikatumapu go, neta tauyana geya konanamo, tuwo koyōisi kokaigimōne bei tauyana go, manina toni kónana kovini.’

Madiu 19:21

Yeisuyana idigo kana, ‘Neta latuwom Yaubada matana goi kumatuwo, e kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Madiu 6:20

Go sem yábana esaesaina kokanuukulīdi. Esaesayana ituli. Manumánuwo be dáura geya sikaigoyaidita be nakae tovaináwana geya sivainaoidita. Tauna yábana esaesaina kokanuukulīdi.

Luke 12:21

Nakae bei isowóduwo komi yaimi neta komi imi esaesa kovagugunidi toinimi manumi go, Yaubada yaina geya imi esaesamo.’

Luke 12:33

Kōna konami kokaigimonēdi go, maisadi kokabīdi tookaidi yaidi kokaiguyauyēdi. Moe nakae mani ana saisaira kowoodugudi go, saisairayadi geya sidaureta, tauna imi esaesa ikaiyako vata. O tadigo kada, “Yábana esaesaina kobabanedi go, geya ikavaveta.” Amoko goi tovaináwana geya itoboineyeta ima ivainao be manumánuwo geya itoboinedita sikaigoyai.

Luke 12:39

E ame konuwookavāte: Neta toni vada bogina iyagoi ava tuta tovaináwana bei ima bego ina vada isiu, mana katubayasi imaaitula, e bei tovainawanayana geya itoboineyeta ina vada goi isiu.

Luke 18:22

E livalayana kina Yeisu inove, idigo kana, ‘Go tayamo guinuwa nava kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 18:24

E ina nuwomouyana Yeisu igite, tuwo idigo kana, ‘Kidi madi esaesa idi siu Yaubada ina kalibúbuna goi moumou isaki.

1 Timoti 6:17

Kidi go poyapoya ana toesaesa ame tuta kuloviinaēdi taabu sinuuwatūe nakae idi esaesa taabu silotuutaēdi unana esaesayadi nava bei sikavava. Go sem Yaubada silootutāe, unana Tauyana tokaiguyau bei kaga liliuna ivinibesoida moe ida uyáwana manuna.

Iberiu 13:5

Imi sinapu goi esaesa taabu kolookonāko ame nakae: Ava konami bogina yaimi, e manuna kouyáwana. Moitamo. Yaubada toinina idigo kana, ‘Bei geya anuwooilavem; bei geya akaalavem.’ Iyosuwa 1:5