Madiu 6:12 - Buki Kimaasabaina

¹² Ima goyo neta kunuwotaōidi nakae kai semao idi goyo yaima kanuwotaoidi.

Madiu 6:12 ပူးပေါင်းရင်းမြစ်များ

Tateta 34:7

Guna kubunuwayana tomota yaidi ikaiyako vata. Tomota idi tapepeko, idi kadoinana be nakae idi bágala anuwootaoidi. Go tomota madi tapepeko anuwokavatedi, e bei natudiyao, tubudiyao be natudiyao adi liuna avinidi.’

Madiu 26:28

Moe ikaikaigu nakae. Ikaikaiguyana bei idaudau komi manumi be nakae tomota liliudi manudi, e bei imi goyo adi nuwotao kobabane. Ikaikaiguyana ina dau goi Yaubada ikanasiukoimi.

Madiu 9:2

Go topem tayamo liyaliyaka goi iimasisi, e boda sikavale sime Yeisu yaina. Sime go, Yeisu idi numisa igite, tuwo topemyana ilatuwoko idigo kana, ‘Natugu, kwatepātu. Yau adigo kom im goyo adi nuwotao bogina kubabane.’

Maki 11:25

Ago tutayana kotaoya bei kokawanoi, neta tomota idi bágala yaimi goi sikaaiyaka, e bagalayadi konuwotaōidi bego Tamada guma yábana nakae bei imi bágala inuwotaoidi.’

Luke 11:4

Ima goyo neta kunuwotaōidi. Kai nakae tomota idi goyo liliudi yaima goi kanuwootaoidi. Neta taabu kutaagonēma bei vakakona goi kaakapusi.”’

Luke 13:4

Aiyuwoina tomota eitin (18) boi Siloam Yerusalema sinaena goi sikaaiyaka go, vada maanawena isou ikaumatedi. Manakae? Konuwonúwana bego kidi idi goyo ivakaigaga Yaubada matana goi namlieta kidi Yerusalema ana tokaiyakoyao madabokidi, tauna moe nakae eitiniyadi (18) sivailai ae?

Luke 6:37

Yeisu tuwaina kana, ‘Taabu semiyao kovaayokōidi kidi toogoyoidi, e Yaubada nakae bei geya ivayokoimita komi toogoyoimi. Nakae taabu semiyao kotaakinōidi itoboinedi liuna sibabane, e Yaubada nakae, bei geya ilovineta komi toogoyoimi bei iliunemi. Tomota idi goyo konuwotaōidi, e komi imi goyo Yaubada bei inuwotaoidi.

Guinuwa 13:38

Tauna segowo, latuwogu komi koyagoi bego Tauyana ina guinuwa goi itoboinemi imi goyo adi nuwotao kobabane. Moe kataalavaite yaimi. Yaubada ina Katukeda boi Mosese ivini go, Atukedayana ana kabikáwana goi Yaubada geya ivayokoideta kita kiboobosidi ina manuna, go sem avatauwa neta ame Yeisuyana sinumise, e Yaubada ivayokoidi kidi kiboobosidi ina kanasíuna manuna.

Epeso 1:7

Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’

Epeso 4:32

E komi sem semiyao tamo tamo koyabobonēdi, konuwokapisiyēdi be nakae konuwotaōidi nakae Yaubada nakae ina guinuwa pasina ida goyo inuwotaoidi.

Kolose 3:13

Tomota yaidi geya kokawowoteyeta go, neta tomota goyo siguinuwedi yaimi, idi goyoyadi konuwotaōidi. Ida Tomoya ida goyo bogina inuwotaoidi. Kita nakae, tomota idi goyo tanuwotaōidi.