Madiu 5:26 - Buki Kimaasabaina

²⁶ U, moe bei isowóduwo go, ame alatuuwokoimi konōve: Amoko goi geya koosowóduwo ana kadókana imi rowaga madabokiina koyotuli.’

Madiu 5:26 ပူးပေါင်းရင်းမြစ်များ

Madiu 10:29

Aba gita tamo aguinuwe bei koyagoi itoboinemi geya komatoitedita. Sine aiyuwo maisadi giyaina ae? Go Yaubada iiyagoi neta tayamo ikámasa isou poyapoya goi.

Madiu 18:34

Tuwo tomoyayana mana egamogamogu ina deri ana tomatakavatayao iduduwedi sima ilatuwokoidi idigo kana, “Ame pakoninayana koyōisi, konāve deri goi kovaisīu koliūne. Amoko goi bei ikaaiyaka ana kadókana ina rowaga madabokina iyotuli.”

Madiu 25:41

E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi mana aneroseyao manudi.

Madiu 25:46

Tuwo amo tauyadi bei sina aba liuna vaatayaina goi. Ego kidi tokibobwatayao bei sina yawoidi vaatayaina sibabane.’

Maki 12:42

go, tayamo kóbuya ima ina vininabeso mani aiyuwo iyatoidi, moe ana lamgógana mani giyaina toina.

Luke 12:58

Moitamo. Tutayana imi kaleya taiyao kononoina kotu ana totakínona manuna, kopoikikina makimāki bei imi bágala kokitotomōi, govila bei tauyana ibiusalesalemi kotu ana totakínona yaina. Ago totakinonayana bei ina tovaita ilatuwoko ikabimi, deri goi ivaisiumi.

Luke 12:59

Ame alatuuwokoimi konōve: Amoko goi geya koosowóduwo ana kadókana imi rowaga madabokiina koyotuli.’

Luke 16:26

Go tuwaina kai be komi nauyayanaida goi sasa gagaina ikaaiyaka bego avatau neta latuwona ameko goi isaidámana iwo moeko goi, geya itoboineyeta. O moeko goi latuwona ima ameko kai goi, nakae geya itoboineyeta.”

2 Tesalonáika 1:9

Tomota amo tauyadi nakae Yaubada ina liuna bei sibabane. Liunayana moe sivailai vata. Nakae ida Tomoya matana goi be ina togaga ana goi itavileiyevataedi.

Yemesa 2:13

Neta sedao geya tanuwokapisiyedita, e Yaubada nakae ina takínona goi geya inuwokapisiyedeta. Avatauwa neta tonuwokapisi, Yaubada ina takínona geya simatoiteyeta, go sem Yaubada ina nuwokapisi bei sibabane.