Madiu 5:16 - Buki Kimaasabaina

¹⁶ Komi nakae. Imi mavada kokaiwoduwēdi sininínima tomota matadi goi bei imi guinuwa dedevidi sigitedi, e Tamada guma yábana ina togaga ana bei sikamoitamoe.’

Madiu 5:16 ပူးပေါင်းရင်းမြစ်များ

Tateta 34:35

Go tutayana sigite bego sakavaigu maisigu goi itomoéyala, e arekoyana akabi, maisiguyana atabodemnei ana kadókana akaluvila ana Yauwe avadigo.

Madiu 23:5

E kaga liliuna siguuinuwedi moe bego tomota sigitedi bei siyapaliyedi. Nakae idi tomwana dedeogaidi siwodugudi gagaidi, dabadi goi o nimadi goi sisikoidi. Adi kwama adi kura sikimanavedi bego tomota siyapaliyedi.

Madiu 23:9

Geya vatau tayaamo poyapoya ame goi kodudūwe tamami. Komi Tamami tayamo; Tauyana yábana goi ikaaiyaka.

Madiu 5:45

bego komi Tamada guma yábana natunao, e imi sinapu nakae Tauyana ina sinapu. Yaubada tomota liliuda imatakoiyeda. Nakae iilovina níyala ituko bei toogoyoidi be nakae todedevidi itapasigidi. Aiyuwoina kúwana iietune ima be nakae tokapipilova manudi. Tauna komi nakae imi kaleyayao komatakoiyēdi.

Madiu 6:16

E tutayana kodiiyakímwana, maisimi taabu kobuwoowonīdi kidi todedevidi polapola idi sinapu nakae. Maisidi sibuwowonidi bego tomota siyagoidi tauyadi . U, moe nakae siguuinuwe go, ame alatuuwokoimi konōve: Kidi adi vaiwówana bogina sibabanevatae. Tauna taabu kovatotoowonēdi.

Madiu 6:9

Tauna kokawanōi ame nakae kami, “Tamama guma yábana, yoim kakimasabe.

Madiu 9:8

E amo guinuwayana boda sigite, madi matoita wowooinina Yaubada ina togaga ana sikamoitamoe unana tomota togaga iivinidi.

Luke 11:2

E kina Yeisu idigo kana, ‘Tutayana kokawanoi, kodīgo kami, “Tamama, yoim kakimasabe. Kūma kukalibubūma.

Iyoni 15:8

Neta kokéuwo gagaina, komi moitamo yau guna mooitamoina kovagitakoe tomota yaidi goi.

Guinuwa 9:36

E Yopa goi Yeisu ina tovatotówana tayamo yoina Tabita ikaaiyaka. Moe youyana neta takaigavile da Giriki niyadi kadi, ‘Dokasi.’ Ame vavinayana tuta liliuna guinuwa dedevidi iguuinuwedi, nakae tokai ivaaitedi.

1 Korinta 14:25

Nakae idi nuwogau goyogoyoidi Yaubada ikamamaetalidi. Tuwo bei aedi sivatugúyala Yaubada yaina sisakululu be sitalavaita kadi, ‘Moitamo, Yaubada yaimi goi ikaaiyaka.’

2 Korinta 9:13

Moe imi guinuwayana goi imi numisa ana kamoitamo isowóduwo. Tauna bei Yaubada ina togaga ana Valena Dedevina kokabikaone, kokamoitamoe be nakae komi kaaiguyaumi imi vininabeso da Yerusalema tookaidi kovinidi be nakae ituli ta tonumisava kovinidi.

Galetiya 1:24

Tuwo valeguyana sinove, yau pasigu Yaubada ina togaga ana sikamoitamoe.

Epeso 2:10

Moitamo. Kita Yaubada ina madágina go, ida spwagógana Guyau Yeisu taiyao pasina iyolimeda guinuwa dedevidi adi guinuwa manudi. Guinuwayadi boi mainao Yaubada igimilovina bego kita ina bodao taguinuwedi.

Epeso 5:8

Boi mainao komi mamaníwana nakae go, ame tuta imi ida Tomoya taiyao pasina komi mavada nakae. Komi mavada natunao nakae kooketōiya.

1 Tesalonáika 2:12

Ame nakae: Kakipaiiwolemi, atemi kavapatuupatudi be nakae kakaugeogéona bego kooketoiya nakae Yaubada ina bodao itoboinedi. Ame Yaubadayana iduuduwemi tomoeeyalina goi kosiu.

1 Timoti 2:10

Go sem latuwogu idi guinuwa dedevidi goi sipasa nakae vevina itoboinedi neta Yaubada yaina sikaasaledi.

1 Timoti 5:25

Guinuwa dedevidi nakae. Tomota maniyedi idi guinuwa dedevidi sowooduidi, tauna tayagoidokoidi. Ago maniyedi, idi guinuwa dedevidi geya tayagoidita go, geya itoboinedita sivamoudi. Ago neta tatuyáwata, nava bei sisowóduwo. E tauna moe pasina manukaim tomota kukimasabedi bego kidi tovakumgo.

1 Timoti 6:18

Toesaesayadi kuloviinaēdi bego guinuwa dedevidi yaidi siesaesa dōkana, simaatakōi be nakae sikaiiguyāu.

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

Taito 3:14

E ida bodao madabokidi kuvatulukōidi madi salau guinuwa dedevidi siguuinuwedi bei tokaiyakomou sivaaitedi, govila bei ida bodaoyadi yawoidi geya basabasaidimo.

Taito 3:4

E tutayana ada Toyava Yaubada ina yabobona be ina matakoi ikaiwoduwedi yaida,

Iberiu 10:24

Aiyuwoina sedao manudi tanuwonūwana manakaeda nuwodi tanuwotalatalaidi bei simatakoi be guinuwa dedevidi siguinuwedi. Ida nuwotalatalayana ame nakae:

1 Pita 2:12

Latuwogu ana vagitákwana sikamoitamoe.

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.

1 Pita 3:1

Komi vevina nakae. Kokatetaagonēmi toinimi monemiyao yaidi goi bego monemiyaoyadi nakona ame tuta Yaubada ina livala geya sikabikaoneyeta go, neta kotugaumo, bei imi guinuwa dedevidi kaka goi itoboinemi nuwodi kokobaledi sinumisa.

1 Pita 3:16

go sem mami sakululu be mami wowoina kokatuumapūdi. Imi katumapuyana goi itoboinemi nukotomi geya isabutukoidita bego tutayana sikaogoyoemi, kidi imi sinapu dedevina imi Guyau taiyao pasina sitaagiwoi bei odi imayamaya.

1 Pita 4:11

Ame nakae: Avatauwa kita neta ida kaiguyau moe talavaita, tatalavaita nakae neta Yaubada ina livala tatalavaite. Avatauwa kita neta ida kaiguyau moe vaita, Yaubada ina togaga goi tavāita. Moe bego ida guinuwa liliudi Yeisu ame tuta be nakae tuta simamaima! E nakae!

1 Pita 4:14

Neta tomota sitagiwoimi unana Guyau yoina ikaaiyaka yaimi, e ami dedevina bogina kobabane unana Yaubada Balomaina, Tauyana Yaubada ana káeyana ana tovagitákwana, yaimi goi ikaaiyaka. Tauna ami dedevina bogina kobabane.