Madiu 4:24 - Buki Kimaasabaina

²⁴ Tauna Tauyana valena inúnuwo Siriya ana madabokina goi. Boda sinove, tuwo idi togogolatayao, idi yaluwoyao be nakae kidi naagovaidi liliudi simedi Tauyana yaina. Togogolatayaoyadi ame nakae: Maniyedi madi vísiya, maniyedi madi gedageda, maniyedi madi pem. Madabokiidi simedi Tauyana ikidedevinedi.

Madiu 4:24 ပူးပေါင်းရင်းမြစ်များ

Tateta 15:26

idigo kana, ‘Yau Yauwe imi Yaubada, ami tokidedevina. Tauna neta konovedokoigu go, kaga dedevina matagu goi koguinuwe be nakae guna lovina konovedi be guna katukeda liliudi kokabikaonedi, e vísiya liliudi boi da Itipita aavinidi geya avinimita.’

Madiu 12:22

E niga koroto tayamo tomota sime Yeisu yaina. Korotoyana naagovaina go, matana kebokeboina be nakae maena moumouna. E sime go, Yeisu ikidedevine, tauna korotoyana itoboine ibóbwara be nakae igita.

Madiu 14:1

Amo tutayana da Galili adi tolovina ina guinuwa valena inove.

Madiu 15:22

Ago amo dadavayana goi tayamo Kenani vavinaina ima Yeisu yaina iduduwo idigo kana, ‘Tomoya Devida tubuna, natugu vavina ikinagova gagaina! Kunuwokapisiyēgu!’

Madiu 17:15

idigo kana, ‘Tomoya, natugu koroto ina vísiya goi ma taatavina, tauna visiyayana ibunenete. Nakae tuta maniyena ikapusi isou yeu goi go, tuta maniyena ikapusi isou bwae goi. Aiyuwoina maine bogina ame im tovatotowanayao yaidi goi bego sivaite go, geya itoboinedita sikidedevine. Tauna tauyana kunuwokapisīye.’

Madiu 17:18

Tuwo gomanayana sikabi sime Tauyana yaina goi go, ikaaiyaka gomanayana sinaena ilovinae idigo kana, ‘Dimoni, kusowōduwo!’ Moitamo isowóduwo go, gomanayana mainao idedevina.

Madiu 4:23

Galili ana madabokina goi Yeisu ivanibiníbita go, tamo tamo goi ivaatulúkwana be nakae Yaubada ina kalibúbuna Valena Dedevina itaalavaite. Tauyadi neta ituli ta visiyava siyooisidi be nakae tokatówana liliudi ikidedeevinedi.

Madiu 8:28

Yeisu kidi bogina sima da Gadara idi kaolao goi sivaiu. E sisou go, koroto adi taiyuwo naagovaidi goi sisowóduwo sima Yeisu sivalobode. Korotoyadi aba silali toina, tauna geya vatau tayaamo itoboine bei amo enaoyana goi iiketoiya. E korotoyadi sima Yeisu sivalobode.

Madiu 8:33

E kidi go baoyadi adi tomatakavatayao sisiya sina asa goi, e kaga liliuna sigite sitalavaite. Nakae kaga siisowóduwo boi korotoyadi naagovaidi yaidi goi nakae sitalavaitedi.

Madiu 8:6

idigo kana, ‘Tomoya, guna pempemna mana gedageda gagaina guna vada goi iimasisi.’

Madiu 9:26

Tuwo ame valayana boda sisanunui ina amo dadavayana ana madabokina goi tomota sinove.

Madiu 9:35

Yeisu kai taiyao kataoya, asa liliudi giyaidi be gagaidi goi kavanibiníbita. Kavanibiníbita go, Tauyana Diyuu idi kaba tugúguna tamo tamo goi ivaatulúkwana be nakae Valena Dedevina itaalavaite bego tomota itoboinedi sisiu. Aiyuwoina tomota ituli ta vísiya siyooisidi be nakae tokatówana liliudi ikidedeevinedi.

Maki 1:28

Tuwo Tauyana valena isagayako ina asa liliudi Galili ana dadava goi.

Maki 1:32

E asa bogina lavilavi, tutayana níyala iisaliu, toni kasa idi tokatówana be nakae tomota naagovaidi, e liliudi simedi Yeisu yaina.

Maki 2:3

Ivaatulúkwana go, koroto adi taivasi topem ma liyaliyakaina sime.

Maki 2:4

Latuwodi sisiuye sime Yeisu yaina goi go, boda isaki pasina geya itoboinedita. Tauna aitámana toluye goi simwerae sinave vada yatana goi átava giyaina sikibale. Ikavava, topemyana ma liyaliyakaina sisoilave isou Yeisu matana goi siyato.

Maki 2:9

Gobe ava livala ikakapu topemyana alatuwoko? Kagu, “Kom im goyo ana nuwotao bogina kubabane”? Gea kagu, “Kutāoya be im sita kukavāle, e kuketōiya”? Nako ikakapu?

Luke 2:2

Amo atuyaivinayana Kureniyasi ina lovina ana tuta Siriya goi sivatowo.

Luke 4:14

Yeisu manaa togaga Baloma Kimaasabaina goi ikaluvila ina Galili. Tuwo Tauyana valena inúnuwo ina asa liliudi amo dadavayana goi.

Luke 4:38

E Yeisu itaoya aba tugugunayana goi isowóduwo go, ina Saimoni ina vada goi isiu. Ego Saimoniyana yaona (moe monena sinana) ikatówana gagaina, tuwo tauyana manuna sikawanoi Yeisu yaina bego ikidedevine.

Luke 5:15

E Yeisu valena tuwaina inunúnuwo. Tuwo boda gagaina sideli sima latuwodi Tauyana sitaiyakeke be idi katówana goi ikidedevinedi.

Luke 5:24

E itoboine koyagoi bego mana lovina poyapoya goi tomota idi goyo inuwootaoidi.’ Yeisu itugavila topemyana ilatuwoko idigo kana, ‘Alatuwokoim kutāoya, im baseko kwābi, kwaluvīla kūna im kasa!’

Luke 7:17

Tuwo Yeisu ina guinuwa amo tetelina inúnuwo ina Yudiya ana dadava madabokina goi be asa liliudi kikina goi.

Iyoni 10:21

Go maniyedi kadi, ‘Amo livalayadi geya kada tomota naagovaina ina livala nakae geya. Dimoni geya itoboineyeta tokebo matadi ikidedevinedi!’

Guinuwa 15:23

Ego leta tayamo sigini bego Yudasa be nakae Sailasi itoboinedi sinave. Letayana ame nakae kadi, ‘Kai Tomoya ina vamoleyanayao be nakae sedao adi tomoyamoyayao leta ame kagini kaetune iwo komi semao Totuyoyowo nuumisaimi Antiyoki goi be Siriya goi be nakae Silisiya goi yaimi. Uyama.

Guinuwa 15:41

E tuwo adi taiyuwokova sitaoya sina Siriya parovinsi goi be Silisiya parovinsi goi sivanibiníbita Tomoya ana totugugunayao sikitogagedi.

Guinuwa 28:9

E ikidedevine ikavava, boda liliudi simlayana goi Paulo valena sinove, tuwo madi vísiya sima Paulo yaina ikidedevinedi.

Guinuwa 8:7

Moe moitamo. Aba kinanayadi ame nakae: Tomota badabadaidi amoko goi sikaaiyaka naagovaidi. Ago kina Pilipo ivatapiyedi, tuwo madi podeda tomota sikalavedi go, sisowóduwo. Aiyuwoina topem badabadaidi sikaaiyaka Pilipo ikidedevinedi siboboina.