Madiu 4:10 - Buki Kimaasabaina

¹⁰ Go kina Yeisuyana idigo kana, ‘Kaleya, kom kusīya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’ Atukeda 6:13

Madiu 4:10 ပူးပေါင်းရင်းမြစ်များ

Tateta 23:25

Kosakulūlu Yau Yauwe imi Yaubada yaigu go, avami be ami bwae bei avamamailidi go, imi katówana bei akabidi akalavedi.

Madiu 16:23

Go Yeisu itugavila, Pita matana goi idigo kana, ‘Kom im guinuwa Kaleya nakae! Kūna mligu goi kusabokuliyēgu! Kom geya kunuwonuwoneta Yaubada ina nuwonúwana manuna, go sem tomota idi nuwonúwana manuna kunuwonúwana. Tauna kom im nuwonúwana goi kupooikíkina kumatabodeebodegu!’

Maki 1:13

Amoko goi maliyalina poti (40) ikaaiyaka. Amo tutayana kina Kaleya ima Yeisu ivakakone. Ego Yeisu ikaaiyaka yoguyogu sasasaidi taiyao go, sima simataakavate.

Luke 10:18

E idigo kana, ‘Tutayana dimoniyadi sikabikaonemi ida Kaleya agitegite ana kaigigita matabuwona ávila nakae yábana goi isousou.

Luke 11:18

E ida Kaleya nakae. Komi kodigodigo bego Beyelisebuli ina togaga goi dimoni avataapiyedi. Neta moe moitamo, moe nakae toinina ina bodao iliivisidi. Go moe kaga ana dedevina? Ina lovinayana manakaena bei itogaga? Geya! Neta toinina ina bodao iliivisidi, ina lovinayana bei ikavava!

Luke 13:16

E ame vavinayana Eberamo tubuna tayamo go, tala eitin (18) goi bogina Kaleya iyowo. Manakae? Sabati goi itoboine tauyana ana yówana goi Yaubada italigei gea geya? Itoboine ae?’

Luke 22:3

E Kaleya ina Yudasa guma Keriota yaina goi isiu. Tauyana Yeisu ina tayamo yawou aiyuwo yaidi go, tuwo yaina Kaleyayana isiu.

Luke 22:31

Yeisu Pita ilatuwoko idigo kana, ‘Saimoni, Saimoni, kunōve. Kaleya bogina ikawanoi Yaubada yaina goi bego ivakakonemi nakae tobágula neta ina bego ikausapisapi. Kaleyayana latuwona igite avatauwa yaimi nukotomi iyoi yau manugu. E Kaleyayana kina Yaubada bogina itagone.

Luke 4:8

Go kina Yeisuyana idigo kana, ‘Geya! Gínina Kimaasabaina idigo kana, “Moe ida Yaubada yaina tasaakulūlu be anetava yaina tataaimāmina.”’ Atukeda 6:13

Iyoni 13:27

Ivini, berediyana giyaina ikabi ikavava, yaina goi Kaleya isiu. Tauna Yeisu Yudasa ilatuwoko idigo kana, ‘Dogoiyana bei kuguinuwe, woilīm kuguuinūwe.’

Guinuwa 26:18

Kutalavaitegu, e bei mamaníwana situgavile go, mavada simeko. Aiyuwoina Kaleya ina lovina sikalave go, Yaubada simeko. Moeko idi goyo adi nuwotao bei sibabane go, Yaubada ina bodao sisiukoidi, moe idi numisa yau yaigu goi Yaubada ikimasabedi kina ina bodao”, Tomoyayana kaena.

Guinuwa 5:3

E ime ivinidi go, kina idigo kana, ‘Ananiyasi, kaga unana kutagona Kaleya ikalimonem, e yaina kupola go, poyapoya maisana maniyena kuyoisi?

1 Korinta 5:5

e korotoyana tayato Kaleya nimana goi sakavaina ana tusáwala manuna bego tauyana balomaina ana yava ida Tomoya ana maliyalina goi ibabane.

1 Korinta 7:5

Komi nainaimi, geya tuwaina toinimi masisi goi kovagagalēmi, go sem neta komi koroto ma monemiyao kotagona, e tuta kaakupina masisi kototo bego kokasalemi awanoi manuna. Ago tutayana ikavava, aiyuwoina komasisīmna, govila bei Kaleya ivakakonemi unana imi vikaiya geya itoboinemita kototo, tauna Kaleya ivakakonemi.

2 Korinta 11:14

Moe manuna geya takaliwoiseta ae? Moitamo. Kaleya maavadaina itapate bego ikatubauda.

2 Korinta 2:11

bego Kaleya geya itoboineyeta ikatubauda. Ina sinapu tulutuludi bogina tayagoidokoidi.

Yemesa 4:7

Tauna Yaubada yaina kokatetaagonēmi go, yaina koovadōkana, e yaimi goi bei isiya.

1 Pita 5:9

Tauyana yaina mami numisa tamadiidinina kovadōkana. Neta konuwaisi gedagedayadi kobaabanedi sedao poyapoya madabokiina goi nakae bogina sibabanedi.