Madiu 3:14 - Buki Kimaasabaina

¹⁴ E kina go Iyoniyana ipoikíkina Yeisu isanabode kana, ‘Itoboine yau kusayoyoigu go, kom kuma bego asayoyoim?’

Madiu 3:14 ပူးပေါင်းရင်းမြစ်များ

Madiu 3:13

Amo lavayana itaoya Galili goi ina sákala Iyoridani bei Iyoni goi isayóyova.

Madiu 3:15

E tuwo kina Yeisuyana idigo kana, ‘Ame tuta kutagōna kusayoyoigu. Moe nakae Yaubada ina nuwonúwana madabokina ina yava ana kenao manuna bei takibobosidoko.’ Tuwo moitamo itagona.

Luke 1:43

Ame aba wowoina yau yaigu bego kom ida Tomoya sinana go, yau kumekoigu.

Iyoni 1:16

Moitamo Yaubada ina kanuwoiyayana Natuna ivakayaodei. Ame anuwoiyayana gagaina goi tuta tuta madabokida ivakayaaodeida.

Roma 1:13

E segowo, latuwogu koyagoi bego tuta badabadaina aavatoiya ao yaimi goi go, boi ima ame tuta dogoi maniyedi sisanaabodegu geya awoita. Latuwogu ao bego itoboinegu komi nakae yaimi goi abágula, e bei guna bagulayana kiyayana yaimi goi ababane nakae boi aababane Totuyoyowo liliudi yaidi goi.

Roma 3:23

Madabokiida, Diyuu be Totuyoyowo, bogina tagoyo, e Yaubada ana tomoeeyalina tapoikiki bego yaida goi itakanukanunu go, geya itoboinedeta.

Roma 3:25

Yeisuyana Yaubada ikasale, e ikaikaina goi be nakae ina kabikáwana aba numisa goi kita ada kaba núwala. Nakae Yaubada iguinuwe bego ina kibóbwata ina kanasíuna manuna ikaiwoduwe unana ida goyo boi mainao bogina taguuinuwedi mana mesayágana ituuyouyoidi.

Galetiya 3:22

Go moe nakae geya iguinuweyeta, go sem Gínina Kimaasabaina tomota liliudi poyapoya goi ikaukabolidi, goyo ina togaga ogalaoina goi sikaaiyaka bego Yeisu pasina kaga Yaubada boi ikaatotule Eberamo yaina ivinida kita ina tonumisayao.

Galetiya 4:6

E komi be yau Yaubada natunao, tauna Balomaina bogina ietune ima isiu nuwoda goi ikaaiyaka, e mada uyáwana takawanoi makimaki Yaubada yaina kada, ‘, Tamagu!’

Iberiu 7:23

Tonúwala badabadaaidi bogina sikaaiyaka unana ámasa pasina geya itoboinedita sikaiyako vata. Tauna tayamo ikámasa, ana katumapu itaoya. Nakae nakae go, liliudikova sikámasa.