Madiu 27:63 - Buki Kimaasabaina

⁶³ sidigo kadi, ‘Tomoya, kai kanuwopeye boi amo topolayana nava maa yawoina idigo kana, “Maliyalina aito sikavava, e ámasa goi Yaubada bei ikaitaoegu.”

Madiu 27:63 ပူးပေါင်းရင်းမြစ်များ

Madiu 16:21

Tuta amo goi Yeisu ivatowo kai ina tovatotowanayao ivatulukoima ina kámasa manuna, idigo kana, ‘Itoboine ana Yerusalema goi tomoyamoya be Gagaidi be nakae Yaubada ina Katukeda ana tovatulukwanayao bei siyogedegedegu gagaina be nakae sikaumategu go, maliyalina aitonina goi Yaubada bei ikaitaoegu.’

Madiu 17:23

Ikavava, bei sikabi sikaumate go, maliyalina aitonina goi Yaubada bei ikaitáoe.’ Ame kai kanove, nuwoma imou gagaina.

Madiu 20:19

Sitakino ikavava, bei sikabi, nimadi goi siyato. Ago kidi Totuyoyowoyadi bei sivaponuponuye, sidabi be nakae kerose goi situpatuko ikámasa. Ikámasa go, maliyalina aitonina goi Yaubada ikaitáoe.’

Madiu 26:61

sidigo kadi, ‘Ame Tauyana kanove idigo kana, “Itoboinegu Yaubada ina Vada Kimaasabaina atauwe go, maliyalina aito mlidi goi ayowomnei.”’

Madiu 27:64

Tauna im tovayaviyayao kulovinaēdi sina Tauyana ina valiwoga tukubu sivabodebode be nakae simatakavatedoko ana kadókana maliyalina aitonina goi, govila bei ina tovatotowanayao sina wowona sivainao, e tomota silatuwokoidi kadi, “Yaubada tokámasa yaidi goi bogina ikaitáoe.” Moeko goi pola vakuumgoina igoyo go, ame polayana vaamliyaina igoyo toina.’

Madiu 28:6

Tauyana ameko geya. Moitamo. Yaubada ámasa goi bogina ikaitáoe nakae boi Yeisuyana idige. Kōma tukubu goi kosīu ina kaba yata kogīte daakakaina.

Maki 10:34

Ago kidi Totuyoyowoyadi bei sivaponuponuye, sigiwoli, sidabi be nakae sikaumate go, maliyalina aitonina goi bei itaoyamna.’

Maki 8:31

Tuwo ivatowo ivatulukoidi idigo kana, ‘ Gagaidi be Yaubada ina Katukeda ana tovatulukwanayao bei sikatae namlieta sikaumate go, maliyalina aitonina goi bei itaoyamna.’

Maki 9:31

Moitamo. Sinonoina enao goi ina tovatotowanayao ivatuulukoidi kana, ‘Nava bei tomota tayamo itaoya, Tomalatomota inuwotuluye tomota nimadi goi. Ikavava, bei sikabi sikaumate go, ina kaumatayana mlina maliyalina aitonina goi bei itaoyamna.’ Nakae ivatuulukoidi go, boda liliudi nakona bei sitainasi, tauna geya latuwona siyagoi ikaaiyaka.

Luke 18:31

E ina tovatotowanayaoyadi yawou aiyuwo ikabidi, aditava ilatuwokoidi idigo kana, ‘Konovēgu. Ame tuta tatukotuko Yerusalema manuna go, maeko goi kaga liliuna Yaubada ina boi Tomalatomota manuna siiginidi bei simalatomota.

Luke 18:33

Niga sidabi ikavava, bei sikaumate go, maliyalina aitonina ámasa goi bei itaoyamna.’

Luke 23:2

E sima Pailatoyana goi sivatowo Yeisu siwowoko kadi, ‘Ame Tauyana kagitebabane ima boda ivasulaigidi ame nakae: Tomota isanabodedi geya sitakisita yaina. Aiyuwoina kanove idigo kana, “Yau tayamo.”’

Luke 9:22

Gagaidi be nakae Yaubada ina Katukeda ana tovatulukwanayao bei sikatae namlieta sikaumate go, maliyalina aitonina goi Yaubada bei ikaitáoe.’

Iyoni 2:19

Go iya Yeisu idigo kana, ‘Vada Kimaasabaina ame kotaūwe go, maliyalina aito goi bei avataoemnei.’

Iyoni 7:12

Boda Yeisu manuna sikanasinamo. Maniyedi kadi, ‘Tauyana koroto dedevina.’ Go maniyedi kadi, ‘Geya, go sem tomota ivasulaaigidi.’

Iyoni 7:47

E tauna kidi Parisiyadi kadi, ‘Manakae? Komi nakae bogina ivasulaigimi ae?

2 Korinta 6:8

Tuwaina tomota maniyedi sitaimaminema go, maniyedi sikisobuyema. Maniyedi sikaogoyoema go, maniyedi sikaodedevinema. Ima paisewa goi nakona tomota siwowokoima bego kai tovasuláiga go, kai kabóbwara moitamo.