Madiu 27:50 - Buki Kimaasabaina

⁵⁰ E kina go Yeisu niyana gagaina goi aiyuwoina iduduwomna, e yawoina ikavava.

Madiu 27:50 ပူးပေါင်းရင်းမြစ်များ

Madiu 20:28

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Madiu 27:49

E korotoyana senao sidigo kadi, ‘Tauyana takalāve go, tagitegīte. Nakona Iraitiya bei ima iyave.’

Maki 15:37

E kina go Yeisu niyana gagaina goi aiyuwoina iduduwomna, e yawoina ikasalave.

Luke 23:46

Ago Yeisu niyana gagaina goi iduduwo kana, ‘Tamagu, balomaigu nimam goi ayato!’ E moe ibobore ikavava, yawoina ikasalave.

Iyoni 10:11

sipi adi torugwáuta dedevina. Torugwáuta dedevina yawoina bei ikasale ina sipiyao manudi.

Iyoni 10:15

nakae Tamagu iyaagoigu, e yau Tamagu aayagoi. Go yawoigu aakasale guna sipiyadi manudi.

Iyoni 19:29

Oine bwaena yuyuyuna ma keigaina kayaaodaina ikaaiyaka. E tuwo toutou sikabi, oineyana goi sisavaibute. Ikavava, náuna yoina sikabi, sisisiwo go, sikailagasi Yeisu tobuna goi bego inim.

Iyoni 19:30

E tutayana oineyana inim, idigo kana, ‘Bogina ikavava.’ Tuwo nukotona itapili, balomaina ikaiguyauye.

Iberiu 2:14

E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

Iberiu 5:7

Guyauyana, tutayana poyapoya ame goi ikaaiyaka, mana duduwo gagaina be mana táiya ikawanoi Yaubada yaina unana iyagoi Tauyana itoboine ámasa goi iyave. Ikawanoi, e ina wowoina pasina Yaubada inove.

Iberiu 9:14

Amo yoguyoguyadi ikaikaidi tomota toluyedi kaka sikimavadedi go, Guyau kina ikaikaina ikalisavedi. Tauyana geya ana pikwanamo Baloma aiyako vaatayaina ina togaga goi toinina ikasale Yaubada yaina. E ida guinuwa aba kámasa bolotodi goi nuwoda ina sabutuko ikimavadedi, e bei Yaubada maa yawoina yaina tataaimámina. Tauna amo yoguyoguyadi ikaikaidi kina ikaikaina ikalisavedi, e nuwoda ikimavadedi.