Madiu 27:3 - Buki Kimaasabaina

³ E tuta amo goi Yeisu ana tonuwotulu Yudasa inove Yeisu bogina sitakino bego ikámasa, e itugavila ivakúwana, tuwo teti (30) ikabidi, ina Tonúwala Gagaidi be Diyuu idi tomoyamoyayao yaidi goi bego ivinimneidi

Madiu 27:3 ပူးပေါင်းရင်းမြစ်များ

Tateta 21:32

Neta bulumakau tomota paakonina iginubasi, e toni bulumakau bei teti (30) iemāisi pakoninayana ina tomoya yaina.

Iyoni 13:2

Lavilavi goi bogina sivaideda kakakáika go, iya ina Saimoni natuna Yudasa guma Keriota nukotona isanayato bego Yeisu inuwotuluye.

Iyoni 13:27

Ivini, berediyana giyaina ikabi ikavava, yaina goi Kaleya isiu. Tauna Yeisu Yudasa ilatuwoko idigo kana, ‘Dogoiyana bei kuguinuwe, woilīm kuguuinūwe.’

Iyoni 18:3

E iya go Yudasayana tovayaviya maniyedi ikabidi be nakae Vada Kimaasabaina ana polisi adi tovakumgoyao maniyedi yaidi goi ikabidi. Ikavava, madi rampa, madi dúgala be madi kaipíyama Yudasa ivakededi sima amoko goi.

Guinuwa 1:18

Tuwo amo tauyana ina goyo ana maisa Gagaidi sikabidi, e tauyana yoina goi toinina ina poyapoya sigimone. Sigimone ikavava, tauyana itaoya, ina poyapoyayana goi isouye gamona ivatupave, e sileuna madabokina isowóduwo.

2 Korinta 7:10

Nuwomou Yaubada latuwona moe dedevina. Nuwomouyana pasina tatugavila bei ada yava tababane. Go ada yavayana manuna geya tavakuwoneta. Ego nuwomou da poyapoya silotowo goi ámasa sibabane unana idi goyo goi geya situgavileta.