Madiu 27:24 - Buki Kimaasabaina

²⁴ E Pailato bogina igite geya itoboineyeta ikaugeogéona Yeisu ina talígava manuna, go sem bodayadi giyakainava bei sivalauláuwo. Tuwo bwae ikabi bodayadi matadi goi nimana inikidi idigo kana, ‘Ame Tauyana ikaikaina moe yau geya guna puwoya geya. Yau nimagu bogina anikidi. Tauna Tauyana yawoina moe komi imi polava.’

Madiu 27:24 ပူးပေါင်းရင်းမြစ်များ

Madiu 26:5

E sidigo kadi, ‘Go Basitáwana Aikanina sinaena geya tayoisiyeta, govila bei tomota madi egamogamogu sivakaleyeda.’

Madiu 27:19

E Pailato aba takínona ana kaba tusobu goi iitusobu go, monena livala tayamo ietune ima idigo kana, ‘Moe korotoyana , e kwalāve. Geya tayaamo kaga kuguinūwe yaina. Nuwobuna Tauyana akanamimiye go, guna kanamimiyana aba matoita gagaina yaigu.’

Madiu 27:23

‘Ava goyo iguinuwe bei itoboine ikámasa?’ tauyana kaena. ‘Kerose goi kutupatūko!’ bodayadi tuwaina kaedi.

Madiu 27:4

idigo kana, ‘Koroto tutubeso anuwotuluye, tauna bogina agoyo.’ E kidi kadi, ‘Im goyo moe geya kai ima puwoya geya. Moe kom im polava.’

Madiu 27:54

E kina go tovayaviya adi tovakumgo taiyao sikaaiyaka Yeisu simataakavate go, nikuniku be nakae kaga liliuna sisowóduwo sigitedi, tuwo sikainaopa gagaina kadi, ‘Moitamo, ame Tauyana Yaubada Natuna.’

Madiu 27:9

Tuwo Yaubada ina Yeremaya ina livala moeko goi imalatomota. Tauyana idigo kana, ‘Ago mani teti (30) sikabidi, maniyadi moe Tauyana ana maisa. Maisayana moe silovina.

Iyoni 13:9

Tuwo Saimoni Pitayana idigo kana, ‘Tomoya, dedevina go, aegu kaka geya, go sem nimagu be dabagu nakae kunikīdi!’

Iyoni 19:4

Go iya Pailatoyana aiyuwoina isowoduwomna tomota ilatuwokoidi idigo kana, ‘Gwa! Ame Tauyana akaiwoduwe yaimi bego koyagoi geya tayaamo ina píkwana ababane.’

Guinuwa 3:14

Go moe komi kolawoiwoiye nakae kokawanoi makimaki Pailato yaina bego tokaumata italigei ivinimi.

2 Korinta 5:21

Guyauyana goyo geya ilotowoeta go, kita manuda Yaubada ivayoko kina ada kimavada ana vininabeso bego kai ima manuna kakaiwoduwe.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.