Madiu 27:19 - Buki Kimaasabaina

¹⁹ E Pailato aba takínona ana kaba tusobu goi iitusobu go, monena livala tayamo ietune ima idigo kana, ‘Moe korotoyana , e kwalāve. Geya tayaamo kaga kuguinūwe yaina. Nuwobuna Tauyana akanamimiye go, guna kanamimiyana aba matoita gagaina yaigu.’

Madiu 27:19 ပူးပေါင်းရင်းမြစ်များ

Aba Vatowo 31:11

E Yaubada ina ilatuwokoigu idigo kana, “Yakobo!” “U, amegu”, kaegu.

Aba Vatowo 31:24

Ego sabamgo tayamo goi Lebaniyana ikanamimi. Ina kanamimiyana goi Yaubada isowóduwo Lebani guma Aram yaina idigo kana, ‘Lebani, am dodōkana. Taabu Yakobo kuubōve.’

Aba Vatowo 31:29

Yau magu togaga itoboinegu bei ayogedegedem go, nuwobuna tamam ina Yaubada ima ikatuwoinigu idigo kana, “Taabu Yakobo kuubōve.”

Madiu 1:20

Moe manuna inuuwonúwana go, matana imasisi, e imasisi ikanamatáiya. Ina masisiyana goi ikanamimi. E ina kanamimiyana goi matabuwona isowóduwo ikatuwoini, idigo kana, ‘Iyosepa, Devida tubuna, taabu kuumatōita bei Meri kukabi monem. Gamona sinaena gomanayana ibibíbina moe Baloma Kimaasabaina ina kaiguyau goi ima.

Madiu 2:19

E Erodi ina kámasa mlina Iyosepa nava Itipita goi ikaaiyaka go, tuta tayamo imasisi, ikanamimi. Ina kanamimiyana goi Yauwe ina anerose matabuwona isowóduwo ikatuwoini

Madiu 2:22

E sima go, Iyosepayana vala inove bego Erodi ana katumapu moe natuna Arekeleo Yudiya goi iilovina. Tuwo imatoita; geya latuwona sina amoko. E sabamgo tayamo imasisi, ikanamimi go, ina kanamimiyana goi Yaubada isowóduwo ilatuwoko idigo kana, ‘Taabu kunonōina Yudiya goi.’ Tuwo Iyosepa itaoya, gómana ma sinana ikabidi, sina Galili dadavina.

Madiu 27:18

Pailatoyana bogina iyagoi kidi Tonúwala Gagaidi Yeisu sime nimana goi siyato kotu manuna unana Tauyana sivakipikipiye.

Madiu 27:24

E Pailato bogina igite geya itoboineyeta ikaugeogéona Yeisu ina talígava manuna, go sem bodayadi giyakainava bei sivalauláuwo. Tuwo bwae ikabi bodayadi matadi goi nimana inikidi idigo kana, ‘Ame Tauyana ikaikaina moe yau geya guna puwoya geya. Yau nimagu bogina anikidi. Tauna Tauyana yawoina moe komi imi polava.’

Madiu 27:4

idigo kana, ‘Koroto tutubeso anuwotuluye, tauna bogina agoyo.’ E kidi kadi, ‘Im goyo moe geya kai ima puwoya geya. Moe kom im polava.’

Luke 23:41

Ago liunayana kita itoboineda. Kita ida guinuwa ana katumapu bogina tababanedoko go, ame Tauyana geya tayaamo kaga goyogoyoina iguinuwe geya.’

Luke 23:47

E tovayaviya adi tovakumgo igite kaga iisowóduwo, Yaubada ina togaga ana ikamooitamoe kana, ‘Moitamo. Amo korotoyana tutubeso nakae .’

Iyoni 19:13

E tuwo iya go Pailatoyana livala amo inovedi, Yeisu ikabi sisowóduwo go, sina ina kaba takínona ana kaba tusobu goi. Moe gurewa gagaidi paaevaidi yatadi goi ikaaiyaka. Dadava amo yoina Gurewa Paaevaidi. Ego Diyuu niyama goi moe yoina Gabata. Tuwo Pailatoyana ina aba takinonayana ana kaba tusobu goi itusobu.

Guinuwa 12:21

E maliyalinayana boi siupeupe bogina ima, tauyana ana kwama dedevina ilosi. Ikavava, ina aba takínona ana kaba tusobu goi itusobu go, ivatowo ibóbwara yaidi.

Guinuwa 18:12

E Akeya parovinsi ana gávana yoina Galiyo iilovina go, kidi Diyuu nuwodi tayamo goi sitaoya Paulo siyoisi sinave Galiyoyana ina kaba takínona ana kaba tusobu goi

Guinuwa 18:16

Ibóbwara ikavava, aba takínona goi Diyuuyadi ivalilivedi sina.

Guinuwa 18:17

E boda madabokina sitaoya, aba tugugunayana ana tolovina Sositeni siyoisi, aba takínona ana kaba tusobuyana matana goi silaui go, ame guinuwayana manuna Galiyo geya inuwonuwoneta.

Guinuwa 25:10

Go kina Pauloyana idigo kana, ‘Moe nakae geya! Yau ame Sisa ina kaba takínona goi bogina aataoya! Ameko goi itoboinegu guna takínona ababane unana yau . Aiyuwoina geya tayaamo goyo aguinuwe Diyuuyadi yaidi goi! Moe kom nakae bogina kuyagoidoko.

Guinuwa 25:17

Tauna Diyuuyadi taiyao kama Sesariya go, geya akaimumuneta, go sem vanuwo itomo ama aba takínona ana kaba tusobu goi atusobu. Ikavava, guna tovayaviyayao alovinaedi sina korotoyana sikabi sime.

Guinuwa 25:6

E tauyana Diyuu yaidi goi ikaaiyaka nakae maliyalina ana badabada ainima aito o yawou, taudi. Ikavava, tauyadi taiyao sisou sina Sesariya goi simasisi. Simasisi vanuwo itomo Pestoyana itaoya ina aba takínona ana kaba tusobu goi itusobu go, livala ietune ina bego Paulo sime.

1 Pita 2:22

Yawoina ame nakae: Tauyana geya tayaamo goyo iguinuwe geya; nakae geya tayaamo pola sopana goi isowóduwo.

1 Iyoni 2:1

Natugowo, ame dogoiyadi aginidi siwo bego goyo taabu koguuinūwe. Go neta tagoyo, kita mada .