Madiu 27:1 - Buki Kimaasabaina

¹ E nobuyana nava matagougouna kidi sikaumate.

Madiu 27:1 ပူးပေါင်းရင်းမြစ်များ

Madiu 23:13

E komi Yaubada ina Katukeda ana tovatulukwanayao be nakae Parisi, imi vatulúkwana goi tomota kosanaabodedi, e goi geya sisiuta. Moitamo. Komi geya latuwomi kosiu go, avatauwa neta latuwodi sisiu, komi kosanabodedi. Tauna komi tokibobwata polapola! Oo komi ami toovalugo ae? [

Maki 15:1

Nobuyana nava matagougouna Gagaidi be Diyuu idi tomoyamoyayao be nakae Yaubada ina Katukeda ana tovatulukwanayao taiyao. Silosinapu ikavava, Yeisu nimana siyowóidi, sinave Pailato nimana goi siyato.

Luke 13:1

E tomota maniyedi tuta amo goi sikaaiyaka, da Galili valedi sitalavaite yaina goi sidigo kadi, ‘Da Galili maniyedi idi vininabeso sikaasaledi Yaubada yaina go, Pailato ina lovina goi ina tovayaviyayao sina tokasalayadi sikaumatedi.’

Luke 22:66

Tutayana vanuwo itomo, Diyuu idi tomoyamoyayao, moe Tonúwala Gagaidi be nakae Yaubada ina Katukeda ana tovatulukwanayao siitugúguna go, Yeisu sime idi kotu goi silumadade

Iyoni 18:28

E polisiyadi Yeisu siyoisi, Kaiyapasi ina vada esaaesaina goi sinave gávana Pailato ina vada goi. Ego moe nobuyana nava matagougouna. Ago Diyuuyadi vada goi geya sisiuta geya, govila bei kidi sikibaibailidi, e bei geya itoboinedita Basitáwana Aikanina sikáika.

Guinuwa 5:21

Tuwo anerose ina livala sinove, nobuyana nava matagougouna tauyadi sitaoya sina Vada Kimaasabaina ana kali goi tomota sivatuulukoidi Yeisu manuna. E kidi Tonúwala Toolagaina ma senao Sadusi bogina sitaligógana sima Vada Kimaasabaina goi kotu manuna. Tuwo kotu ana tolovinayao moe idi tomoyamoyayao sikatuvagogudi sima baige Vada Kimaasabaina ana polisi maniyedi sietunedi sina deri goi bego vamoleyanayaoyadi sikabidi simedi.