Madiu 26:61 - Buki Kimaasabaina

⁶¹ sidigo kadi, ‘Ame Tauyana kanove idigo kana, “Itoboinegu Yaubada ina Vada Kimaasabaina atauwe go, maliyalina aito mlidi goi ayowomnei.”’

Madiu 26:61 ပူးပေါင်းရင်းမြစ်များ

Aba Vatowo 19:9

Go kidi korotoyadi sidigo kadi, ‘Geya! Kusiyāmo!’ Go taudiva kadi, ‘Iyaa! Ame tauyana ogaoga go, manakae? Bego itakinoida?’ Tuwo Loti silatuwoko kadi, ‘Ima guinuwa yaim bei igoyo toina.’ Tuwo Lotiyana sivatubibi nakae niboda sivalabelabene; latuwodi bego sikaugaegae, e sisiu.

Madiu 12:24

E kidi go Parisiyadi nakae sikaaiyaka, tomota idi livala sinovedi, sidigo kadi, ‘Ame tauyana ina togaga kaka goi ivataapiyedi siisowóduwo.’

Madiu 26:62

Sitalavaita ikavava go, kina Tonúwala Toolagaina itaoya Yeisu ilatuwoko idigo kana, ‘Manakae kom im katumapu? Ame kaga manuna tauyadi sitalavaaitem?’

Madiu 26:71

E ibala ina aliyana ana kaba siu goi ikaaiyaka. Ikaaiyaka go, ituli ta vavina paakonina ikandobala Pita igite, tomota amoko goi sikaaiyaka ilatuwokoidi idigo kana, ‘Ame tauyana Yeisu guma Nasareta ina tosabokuli tayamo.’

Madiu 27:40

sidigo kadi, ‘Kom Tauyam bego Vada Kimaasabaina kutauwe go, maliyalina aito mlidi kuyowomnei, neta kom Yaubada Natuna, e kerose goi kusōu kūma toinim kuyavēm.’

Madiu 27:5

Tuwo siribayadi ilavedi Vada Kimaasabaina ina kali sinaena. Ikavava, isowóduwo ina yowoyówana ikabi, ina alova laonina goi isiko. Ikavava, nukotona goi isiko ilosuyae ikámasa.

Maki 14:58

‘Tauyana kanove, idigo kana, “Vada Kimaasabaina ame tomota nimadi goi siyowo, e nava bei atauwe go, maliyalina aito mlidi goi ituli ta Vada Kimaasabaina bei ayowo go, geya tomota nimadi goi geya.”’

Maki 15:29

Niga tomota maniyedi enao goi siiketoiya Yeisu sitagiwoi. Nakae dabadi sikatuugegéwana be nakae sikaaoseve sidigo kadi, ‘Ee kom tauyam bego Vada Kimaasabaina kutauwe go, maliyalina aito mlidi kuyowomnei,

Luke 23:2

E sima Pailatoyana goi sivatowo Yeisu siwowoko kadi, ‘Ame Tauyana kagitebabane ima boda ivasulaigidi ame nakae: Tomota isanabodedi geya sitakisita yaina. Aiyuwoina kanove idigo kana, “Yau tayamo.”’

Iyoni 9:29

Kai bogina kaayagoi boi nimatu Yaubada Mosese bogina ivadigo. E amo Tauyana sem geya kayagoiyeta nako goi ima!’

Guinuwa 17:18

E maniyedi tonanamsa nakae aba maketiyana goi sikaaiyaka. Tonanamsayadi moe boda aiyuwo, tayamo yoina Epikuriyo, tayamo yoina Sitoiko. E tonanamsayadi sikaumakimaki Paulo taiyao. Ago Paulo ina bóbwara sinovedi, maniyedi sidigo kadi, ‘Iyaa! Ame tauyana tokautaotáwana tayamo. Kaga latuwona nakona bego idigedi?’ Maniyedi sitainasi; sinuwonúwana bego Yeisu be nakae ina taoyamna moe yaubada aiyuwo italavaitedi, tauna sidigo kadi, ‘Ana taiyakeka ituli ta yaubadava adi taiyuwo italavaitedi.’

Guinuwa 18:13

sidigo kadi, ‘Ame korotoyana ima ameko tomota itamyabidi sisaakululu Yaubada yaina go, moe sakululuyana geya kada Roma ina lovina nakae geya.’

Guinuwa 22:22

E boda sitaaiyakeke ana kadókana ina livala Totuyoyowo manudi sinovedi. Tuwo gamodi sigoyo niyadi gagaina goi sidigo kadi, ‘Ame korotoyana kokaumate! Geya itoboineyeta maa yawoina ikaaiyaka.’