Madiu 26:58 - Buki Kimaasabaina

⁵⁸ E kina go Pita tupwana masigava goi Yeisu isabookuliye, e ina Tonúwala Tolagainayana ina vada ana kali goi isiu itusobu Vada Kimaasabaina ana polisi taiyao bego igite kaga iisowóduwo.

Madiu 26:58 ပူးပေါင်းရင်းမြစ်များ

Madiu 26:3

E tuwo kidi idi tomoyamoyayao sima Tonúwala Toolagaina yoina Kaiyapasi ina vada esaaesaina goi situgúguna

Madiu 5:25

Tutayana imi kaleya taiyao kononoina kotu ana totakínona manuna, woilīmi imi bágala kokitotomōi, govila bei tauyana inavemi kotu ana totakínona yaina. Ago totakinonayana bei ina tovaita ilatuwoko ikabimi, deri goi ivaisiumi.

Iyoni 18:25

E Saimoni Pita nava iitaoya yeu goi ibuuvavaya toyoko taiyao. E tuwo toyokoyadi sidigo kadi, ‘Kom nakae Tauyana ina tovatotówana tayamo ae?’ Tauyana ilawoiwoi idigo kana, ‘Yau geya!’

Iyoni 19:6

E tutayana Gagaidiyadi be Vada Kimaasabaina ana polisiyadi Yeisu sigite, siduduwo kadi, ‘Kerose goi kutupatūko! Kerose goi kutupatūko!’ Go iya Pailatoyana kana, ‘Komi toinimi kōma kokābi konāve kerose goi kotupatūko. Yau geya tayaamo ina píkwana ababane.’

Iyoni 7:32

Nakae bodayadi Yeisu manuna sikanasinamo go, kidi Gagaidi be Parisiyadi Vada Kimaasabaina adi polisi silatuwokoidi kadi, ‘Kōna Yeisu koyōisi.’ E tuwo sima Yeisu bego siyoisi

Iyoni 7:45

E kidi Vada Kimaasabaina ana polisiyao sikaluvila sima Tonúwala Gagaidi be nakae Parisi yaidi goi. Go tonuwalayadi be Parisiyadi sidigo kadi, ‘Kaga unana amo Tauyana geya komeyeta?’

Guinuwa 5:22

Sinonoina go, deriyana sigite tauyadi geya. Tuwo sikaluvila sina tolovinayao silatuwokoidi

Guinuwa 5:26

Tuwo polisiyadi madi tovakumgo sina Vada Kimaasabaina goi vamoleyanayaoyadi siyoisidi simedi go, manukaidi siyoisidi simedi. Boda simatooitedi; geya latuwodi bodayadi siegamogamogu, govila bei gurewa sikabidi sikaumatedi.