Madiu 26:55 - Buki Kimaasabaina

⁵⁵ Go tuta amo goi bodayadi Yeisu ilatuwokoidi idigo kana, ‘Manakae? Yau bego tokapipilova tayamo, tauna komi mami sisi be mami kepati koma koyoisigu? Maliyalina tamo tamo Vada Kimaasabaina goi atusobu avaatulúkwana go, geya koyoisiguta.

Madiu 26:55 ပူးပေါင်းရင်းမြစ်များ

Madiu 21:23

E kaketoiya kama Vada Kimaasabaina ana kali goi kasiu go, Yeisu ivatowo ivatulúkwana. Ivaatulúkwana go, kidi Tonúwala Gagaidi be tomota idi tomoyamoyayao sima Tauyana silumadade sidigo kadi, ‘Avatau ina lovina goi moe guinuwayadi kuguuinuwedi? Nakae avatau itaagonem kuguuinuwedi?’

Madiu 26:47

Yeisu nava ibobóbwara go, Yudasa isowóduwo ima. Tauyana tovatotówana tayamo kai yawou aiyuwo yaima goi. Isowóduwo go, boda gagaina madi sisi be madi kepati taiyao sima. Bodayadi kidi Tonúwala Gagaidi be Diyuu idi tomoyamoyayao sietunedi sima.

Maki 10:1

E amoko goi amo asayana sikalave go, sina sákala Iyoridani goi sisaidámana sina bomatu dadavina, e sinonoina Yudiya ana dadava manuna. Go boda gagaina aiyuwoina sitaligógana simamaima Tauyana yaina. Tuwo, nakae ina sinapu aiyuwoina ivatuulukoidi.

Maki 12:35

Niga Yeisu Vada Kimaasabaina goi ivaatulúkwana go, tomota ilatuwokoidi idigo kana, ‘Atukeda ana tovatulukwanayao manakae sidigodigo bego moe Devida tubuna ame tauna?

Luke 19:47

Go maliyalina tamo tamo Vada Kimaasabaina ina kali goi Yeisu isiusiu ivaatulúkwana. E kidi go Gagaidi be Yaubada ina Katukeda ana tovatulukwanayao be tomota adi tomoyamoyayao sipooikíkina bego Yeisu sikaumate

Luke 20:1

Tuta tayamo Vada Kimaasabaina ina kali goi boda sikaaiyaka idi tomoyamoyayao sima

Luke 4:20

Bukiyana Yeisu ikatuyaivi ikavava, inunumimnei, buki ana tomatakavata ivini go, itusobu. Itusobu go, tomota madabokiidi aba tugugunayana goi sidumaakavate.

Iyoni 7:14

E aikayana nauyayanaina goi Yeisu ituko ina Vada Kimaasabaina ana kali goi isiu ivaatulúkwana.

Iyoni 7:28

E tauna Yeisu nava Vada Kimaasabaina goi ikaaiyaka, niyana gagaina goi ivatulúkwana idigo kana, ‘Moitamo? Bego bogina yau koyagoigu be nakae koyagoi nako goi ama ae? Geya toinigu guna nuwonúwana goi ama geya, go sem yau guna sowóduwo moe guna Toetuna mooitamoina ina nuwonúwana goi. Tauyana komi geya koyagoiyeta

Iyoni 8:2

E nobuyana nava matagougouna aiyuwoina Yeisu kai taiyao kakaluvila kana Vada Kimaasabaina ina kali goi kasiu. Ago boda liliudi simamaima Tauyana yaina, tuwo itusobu ivatulukoidi.

Iyoni 8:20

Yeisu ina livala amo iidigedi tutayana Vada Kimaasabaina ina kali goi tomota ivatuulukoidi vininabeso dedeogaidi kikidi go, Yeisu ina tuta nava, tauna geya vatau tayaamo iyoisi.