Madiu 26:35 - Buki Kimaasabaina

³⁵ Go kina Pitayana idigo kana, ‘Neta akámasa kom taiyao, tuwo akámasa go, geya alawoiwooiyem.’ Ame nakae tovatotówana liliuma kadige.

Madiu 26:35 ပူးပေါင်းရင်းမြစ်များ

Tateta 19:8

E tomota liliudi taiyao sidigo kadi, ‘Kaga liliuna Yauwe iidigedi nakae bei kaguinuwedi.’ E tuwo akalavedi go, ana koyayana goi atuko ana Yauwe yaina idi livala atalavaitedi.

Madiu 10:33

Go avatauwa neta tomota matadi goi silawoiwoiyegu, e yau nakae Tamada guma yábana matana goi bei alawoiwoiyedi.’

Iyoni 13:37

Go iya Pitayana idigo kana, ‘Tomoya, go kaga unana geya itoboineguta bei ame tuta asabokuliyem? Bei yawoigu akasale manum!’

Roma 11:20

Nakae go, tauyadi geya idi numisamo pasina ikiguyalidi go, komi imi numisa goi kotaoyakavata. Taabu konuuwatūe, go sem koomatōita!

1 Korinta 10:12

Tauna avatauwa komi neta konuwonúwana itoboinemi aba vakakona goi bei kotaoyakavata, korugwausīmi, govila bei kokapusi.

Pilipai 2:12

Tauna guna kaloyao, boi tuta liliuna kokabikaaonegu, e ame tuta nakae go, imi kabikawanayana geya kada guna kaiyako yaimi pasina kokaabikáwana geya, go sem geya akaiyaketa yaimi goi go, imi kabikawanayana kokidedēde. Nakae bogina kokabikáwana mami matoita be mami malitatátava Yaubada matana goi toinimi ami yava keuwoina kovagitakōe.

1 Pita 1:17

Yaubada kita tomota tamo tamo ida guinuwa goi itakinovaavaseda. Ame Yaubadayana kovaatamane, tauna komi ogaoga imi tuta ameko poyapoya goi nakae mami matoita wowooinina Tauyana yaina kooketōiya.