Madiu 26:28 - Buki Kimaasabaina

²⁸ Moe ikaikaigu nakae. Ikaikaiguyana bei idaudau komi manumi be nakae tomota liliudi manudi, e bei imi goyo adi nuwotao kobabane. Ikaikaiguyana ina dau goi Yaubada ikanasiukoimi.

Madiu 26:28 ပူးပေါင်းရင်းမြစ်များ

Madiu 20:28

Tomalatomota nakae, tauna komi nakae itoboinemi. Tauyana ima geya kada bego tomota sivaite geya, go sem ima bego tomota ivaitedi. Yawoina moe tomota adi kaba tateta go, yawoinayana toinina ikasale ámasa goi, tomota liliudi adi katumapu.’

Madiu 26:27

Tuwo kakabi kakáika. Ikavava, ma keeigaina ikabi, manuna ikauyagu Yaubada yaina. Ikavava, keigayana ivinima idigo kana, ‘Oine moe madabokimi konīm.

Madiu 26:29

E ame alatuuwokoimi konōve: Oine ame geya tuwaina bei animnim ana kadókana tutayana Tamagu itagonegu akalibúbuna namlieta baige komi taiyao oine vau bei tanim.’ Tuwo kakabi kanim.

Madiu 6:12

Ima goyo neta kunuwotaōidi nakae kai semao idi goyo yaima kanuwotaoidi.

Maki 1:4

Nakae Aiseya ina talavaitayana, e ina yoyowo goi tomota yaidi itaalavaita idigo kana, ‘Imi goyo goi kotugavīla namlieta bei asayoyoimi, e bei Yaubada imi goyo inuwotaoidi.’

Maki 14:24

go, idigo kana, ‘Moe ikaikaigu nakae. Ikaikaiguyana bei idaudau komi manumi be nakae tomota liliudi manudi. Ikaikaiguyana ina dau goi Yaubada ikanasiukoimi.

Luke 22:19

Sinim ikavava, ikabi, manuna ikauyagu Yaubada yaina. Ikavava, ikivisi, ina tovatotowanayao ivinidi idigo kana, ‘Moe wowogu nakae aakasale komi manumi. Moe tuta liliuna kokakāika bei konuwokaavategu.’

Luke 22:20

Sikáika ikavava, oine ma keigaina nakae ikabi, manuna ikauyagu Yaubada yaina. Ikavava, keigayana ina tovatotowanayao ivinidi sinim go, idigo kana, ‘Moe oine ma keigainayana konimnim moe ikaikaigu nakae bei idaudau komi manumi. Ikaikayana goi Yaubada ina kanasiuna vau iguinuwe yaimi.

Roma 5:15

Go geya kada sivavasa toina geya, go sem Adama ina kapipilova geya kada Yaubada ina yabobona nakae geya. Koroto tayamo ina kapipilova goi tomota liliudi sikámasa go, Yaubada ina kanuwóiya nakae ina yabobona moe koroto tayamo yoina Yeisu ina kanuwóiya goi ivaituwedi tomota liliuda yaida.

Roma 5:19

Koroto tayamo ina kapipilova goi tomota liliuda tamalatogoyoida, e nakae koroto tayamo ina kabikáwana goi liliudakova ivayokoida kita kiboobosida.

1 Korinta 11:25

Sikáika ikavava, keiga nakae ikabi, ina tovatotowanayao ivinidi bego sinim go, idigo kana, ‘Moe oine ma keigaina moe ikaikaigu nakae komi manumi. Ikaikayana goi Yaubada ina kanasiuna vau iguinuwe yaimi. Oineyana konīm go, tuta tamo tamo konimnīm, konuwokaavatēgu.’

Epeso 1:7

Kita ida spwagógana Tauyana taiyao pasina ikaikaina goi ada tateta tababane o tadigo kada, ‘Ina kanuwóiya gagaina toina goi ida kapipilova inuwotaoidi.’

Kolose 1:14

Kita ida spwagógana Natunayana taiyao pasina ada tateta bogina tababane, moe ida goyo adi nuwotao.

Kolose 1:20

be nakae Natunayana ina guinuwa goi kaga liliuna poyapoya yatana be yábana sinaena ikabivekovekomneidi ame nakae: Tauyana ikaikaina kerose goi Yaubada inuwolida. Tauna Natunayana toosakina.

Iberiu 10:29

Neta moe nakae Yaubada itagone ina Katukeda ana tokapipilovayao manudi, manakaemi konuwonúwana tomota adi liuna manuna neta idi goyo ame nakae: Yaubada Natuna sikaolilive? Aiyuwoina Yaubada ina kanasiuna vau ikaikaina sikaogoyoe. Ikaikayana goi Yaubada ikimasabedi toinina umana. Aitonina Baloma Kimaasabaina sikaogoyoe go, Balomayana anuwóiya unana. Manakae? Liuna gagaina bei sibabane gea geya? Bei igoyo toina ae?

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

Iberiu 9:28

nakae. Ana lovina goi sivatayamo Yaubada ikasale ámasa goi be tomota liliuda ida goyo ikabidi ikalavedi go, Tauyana bei aiyuwoina ikaluvilamna ima geya kada ida goyo manudi geya, go sem bei kita mada salau tatuuyaosi ada yava manuna.

1 Iyoni 2:2

Tauyana ida kaba núwala ida goyo manudi. Go geya kada adetava geya, go sem tomota madabokidi nakae idi goyo manudi.

Nuwogau 7:14

‘Guna tomoya, kom bogina kuyagoi’, kaegu. Tauyana idigo kana, ‘Amo tauyadi mou gagaina ana tuta goi sitogaga. Adi kwama maanawedi Lamiyana ikaikaina goi bogina sinikidi sipopowou.

Nuwogau 7:9

Amo dogoiyadi sikavava, e akandobala boda gagaaina agitedi. Geya vatau tayaamo itoboine ikatuyaividi. Tauyadi aba lovina tamo tamo goi, dala tamo tamo goi, boda tamo tamo goi be aníyana tamo tamo goi sima kébana esaaesaina matana goi be nakae matana goi siitaoya. Tomotayadi madi kwama maanawedi be poowoudi go, nimadi goi magimagi libidi siyooisidi.