Madiu 25:46 - Buki Kimaasabaina

⁴⁶ Tuwo amo tauyadi bei sina aba liuna vaatayaina goi. Ego kidi tokibobwatayao bei sina yawoidi vaatayaina sibabane.’

Madiu 25:46 ပူးပေါင်းရင်းမြစ်များ

Madiu 13:43

E tuwo tokibóbwata bei sinínima níyala nakae Tamadi ina kalibúbuna sinaena. Avatauwa komi neta ma taaiyami, guna livala konoovedōko.’

Madiu 19:16

Kai kaaketoiya go, koroto tayamo ima Yeisu yaina goi idigo kana, ‘Tovatulúkwana, ava guinuwa dedevina aguuinuwe bei yawoigu vata ababane?’

Madiu 19:29

Ago avatau neta ina vada o senao o niunao o tamanao o sinanao o natunao o ina kaba lovina ikalavedi yau yoigu pasina, e ana katumapu ivakaigaga toina bei ibabane be nakae yawoina vata bei ibabane.

Madiu 25:41

E toogoyoidi kekelina goi iiyatoidi bei ilatuwokoidi kana, “Komi Yaubada bogina itakinoimi toogoyoimi. Tauna kosiyaēgu kōna yeu aiyako vaatayaina! Yeuyana Yaubada bogina ikatubayasi mana aneroseyao manudi.

Madiu 25:45

E tuwo kina bei idigo kana, “U, moe moitamo go, ame alatuuwokoimi konōve: Tutayana amo guinuwayadi geya koguinuwedita kidi nuwotookaidi yaidi, e moe nakae yau yaigu geya koguinuwedita.”

Luke 16:26

Go tuwaina kai be komi nauyayanaida goi sasa gagaina ikaaiyaka bego avatau neta latuwona ameko goi isaidámana iwo moeko goi, geya itoboineyeta. O moeko goi latuwona ima ameko kai goi, nakae geya itoboineyeta.”

Iyoni 3:36

Avatauwa neta Natuna siinumise, tauyadi bogina maa yawoidi vata. Ego avatauwa neta Natuna geya sikabikaoneyeta, yawoidi vata bei geya sibabaneyeta, go sem Yaubada ina egamogamogu ikaaiyaka tauyadi yaidi goi.

Iyoni 4:14

go, avatauwa neta bwae yau avinidi sinimnim, e maedi geya siyapayápasa, go sem tauyadi nuwodi goi bei ikaubobóbwala be nakae idau vata, e bei yawoidi vata sibabane.’

Iyoni 5:24

Takínona ana paisewa ivini go, ame alatuuwokoimi konōve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo takínona goi geya sisiuta, go sem ámasa bogina sikalave go, sisaidámana yawana vata goi.

Iyoni 5:29

adi goi bei sisowóduwo. Tauyadi guinuwa dedevina ana toguinuwa sitaoyamna bei yawoidi vata sibabane go, goyo adi toguinuwayao sitaoyamna bei adi takínona sibabane. Tauna taabu kokaaināopa.

Iyoni 6:27

Taabu kopooisōgana awoinu kaavavaina manuna, go sem yawana vata awoinuna manuna kopooisōgana! Moe awoinuyana bei ivinimi. Bogina koyagoi. Tamada Yaubada bogina ivayoko iya ana katumapu, tauna itoboine nakae iguuinuwe.’

Iyoni 6:40

Ame moitamo. Yau Tamagu ina nuwonúwana ame nakae: Bego avatauwa neta Natuna sigite be sinumise, e yawoidi vata bei sibabane, nakae tuta ana kaba lukavava ámasa goi bei akaitaoedi.’

Guinuwa 13:46

Ago kidi Paulo be Banabasi madi katepatu sidigo kadi, ‘Itoboine komi Diyuu Yaubada ina livala kogiminove go, konōve! Ame tuta bei kakalavemi go, kana kidi Totuyoyowo yaidi goi Vala Dedevinayana katalavaite unana livalayana kokatae be nakae toinimi kotakinoimi komi geya ikonemita yawoimi vata kobabane.

Guinuwa 13:48

E Totuyoyowo Paulo ina livalayana sinove, siuuyaone be Tomoya ina togaga ana sikamooitamoe. Tuwo avatauwa neta bogina nuwodi siyatoidi bego yawoidi vata siibabane, e sinumisa.

Guinuwa 24:15

Aiyuwoina dogoi tayamo alootutae, e ame korotoyadi nakae silootutae. Dogoiyana moe Yaubada bei tokámasa ikaitaoedi, be nakae tokapipilova.

Roma 5:21

bego ame: Nakonakae goyo ana togagayana ámasa goi iilovina, e nakae Yaubada ivayokoida kita kiboobosida, tauna ina kanuwoiyayana iilovina, e yawoida vata ida Tomoya Yeisu ina guinuwa goi bei tababane.

Roma 6:23

Moe moitamo. Goyo ana katumapu moe ámasa go, Yaubada ina yabobona iviniibesoida moe yawoida vata ida spwagógana ida Tomoya Yeisu taiyao pasina.

Galetiya 6:8

Moitamo. Avatau neta sakava sinapuna goi ibágula, e nava bei sakavayana goi vailai idibayoyoi. Go avatau neta Yaubada Balomaina goi ibágula, e nava bei Balomayana goi yawoina vata idibayoyoi.

2 Tesalonáika 1:9

Tomota amo tauyadi nakae Yaubada ina liuna bei sibabane. Liunayana moe sivailai vata. Nakae ida Tomoya matana goi be ina togaga ana goi itavileiyevataedi.

1 Iyoni 2:25

Tauna atotulayana boi Tauyana ikaatotuli yaida bei tababane, moe yawoida vata.

Yuda 1:21

Ago Yaubada ina matakoi koyoisiikavāte go, ida Tomoya Yeisu ina nuwokapisi kotuuyaōsi. Nuwokapisiyana goi yawoimi vata bei kobabane.

Nuwogau 20:10

Iya go Totagiwayayana moe kidi adi topola, anerose bei siyoisi, silave isou ina yeu sabeninimina be poiseni mokauna gagaina toina sinaedi goi ikaaiyaka nakae woiwoiyana be polapolayana bogina sikaaiyaka. Amoko goi bei gedageda siilotowo maliyalina be sabamgo goi go, gedagedayana geya iikavava.

Nuwogau 20:15

Avatauwa neta yoidi yawana vata bukina goi geya sikaiyaketa, e nakae ilavedi sisou yeu sabeniniminayana gagaina toina sinaena goi.

Nuwogau 21:8

E kidi go atedi taameyaidi, kidi idi numisa silawoiwoiye, kidi aba kalagíwala siguuinuwedi, kidi tokaumata, tomasisi goyogoyo, toroerata, tomeméyava, tobowou, yaubada polapola adi tosakululu be nakae topola liliudi. E ame tauyadi bei sina yeu sabeninimina gagaina toina nakae poiseni mokauna dadavina, moe ámasa aiyuwoina.’