Madiu 25:35 - Buki Kimaasabaina

³⁵ Ame moitamo. Boi loga akámasa go, kovakanigu. Maegu iyápasa go, kovanimgu. Yau ogaoga go, kouyaonegu.

Madiu 25:35 ပူးပေါင်းရင်းမြစ်များ

Madiu 25:40

Go tokalibubunayana bei idigo kana, “U, moe moitamo go, ame alatuuwokoimi konōve: Tutayana moe guinuwayadi koguuinuwedi siyagu tayamo yaina, nakona tauyana nuwotookaina, e moe nakae yau yaigu koguuinuwedi.”

Madiu 26:11

Kidi tookaidi tuta liliuna sikaaiyaka yaimi itoboinemi kovaitedi. Go yau sem tuta kaakupina bei akaaiyaka yaimi.

Maki 14:7

Bogina koyagoi. Kidi tookaidi tuta liliuna sikaaiyaka yaimi. Ava tuta latuwomi, e itoboinemi kovaitedi. Go yau sem tuta kaakupina bei akaaiyaka yaimi.

Luke 11:41

Taabu konuuwonūwana toluyemi manudi, go sem atemi goi kokaiguyau bēso tokai yaidi, e bei atemi madabokina maavadaina.

Iyoni 13:29

Moitamo. Yudasayana moe ima mani dedeogaina ana torugwáuta, tauna maniyema kanuwonúwana bego Yeisu Yudasa ilatuwoko kana, ‘Kūna áika konanina kugimōne.’ O bego ina tookaidi mani ivinibesoidi.

Guinuwa 10:31

Itaoya idigo kana, “Koniliasi, im kawanoi Yaubada bogina inove be nakae im vaita tookaidi yaidi bogina inuwaisidi.

Guinuwa 11:29

E kidi go Yeisu ina tovatotowanayao sinove, tamo tamo silovina nakonakae itoboinedi, vininabeso bei silamgogo, sietune ina sediyao nuumisaidi Yudiya goi bei sivaitedi.

Guinuwa 16:15

Tuwo moitamo inumise. E tauyana mana bodayauwo . Kasayoyoidi ikavava, tauyana ikawanoi makimaki yaima idigo kana, ‘Neta kogitegu go, imi nuwonúwana ida Tomoya anumisedoko, e kōma yau guna vada goi kokaiyāka.’ E itamyabima, tuwo moitamo katagona.

Guinuwa 4:32

E tonumisayadi liliudi sieboda tayamo nakae nuwodi tayamo. Konadi geya sivagagaleta, nakae geya sidigoita kadi, ‘Ame yau konagu go, kom geya.’ Go sem konadi liliudi sitagonedi sikaiguyauyedi.

Roma 12:13

Kaga neta Yaubada ina kimasabayao sikiseeyeseye kovaitēdi. Mami poisógana komataogaōga.

Roma 12:20

Tauna taabu tomota idi goyo yaimi goi kokatuumapūdi, go sem koguuinūwe nakae Gínina Kimaasabaina idige kana, ‘Neta imi kaleya loga ikámasa, awoinu kovīni ikáika. Neta maena iyápasa, bwae kovanīm. Neta moe koguinuwe, tauyana ona imayamaya be ina goyo manudi itugavila.’ Nanamsa 25:21-22

Roma 16:23

Gaiyo, tauyana imataogeeogegu be nakae Yeisu ana totugugunayao liliuma itaagonema ina vada goi katugúguna, e ina yabobona yaimi. Erasto kina asa ana mani ana torugwáuta be nakae siyada Kwarato idi yabobona yaimi.

Epeso 4:28

Tovaináwana geya tuwaina sivaināwana, go sem sipoisōgana, e toinidi nimadi goi paisewa dedevidi siguinuwēdi bego adi vaituwo goi itoboinedi tookaidi sivaitedi.

Pilemoni 1:7

Siyagu, guna kawanoi itoboine unana im pasina uyáwana gagaina be nakae atepatu gagaina alootowoidi. Im matakoiyana goi Yaubada ina kimasabayao yawoidi bogina kulisidi. Tauna guna kawanoi goi anuwokaavatem.

Iberiu 13:16

E guinuwa dedevidi be yabobona taabu konuwooilavēdi bego koguuinuwedi. Moe vininabesoyadi Yaubada iuyaonedi.

Iberiu 6:10

Ame moitamo. Yaubada Totakinona vavasa, tauna imi paisewa be nakae imi Tauyana yaina goi geya inuwoilavedita. Matakoiyana bogina kovagitakoe tutayana Yaubada ina kimasabayao boi kovaaitedi be nakae ame tuta nava kovaaitedi.

Yemesa 1:27

Yaubada Tamada ana taimámina maavadaina go, geya ana pikwanamo matana goi ame nakae: Gumalau be kóbuya idi kaiyakomou goi sivaaitedi go, toinidi simatakaavatedi bego poyapoya sinapuna geya ikibaibailidita.